ព័ត៌មានជាតិ
លោក ម៉ៅ ធនិន អភិបាលខេត្តកំពត អញ្ជើញផ្ដល់រង្វាន់ដល់ទូកង ដែលទទួលបានជ័យលាភី
លោក ម៉ៅ ធនិន អភិបាលខេត្តកំពត និងលោក ជឹង ផល្លា ប្រធានក្រុមប្រឹក្សាខេត្តកំពត កាលពីរសៀលថ្ងៃទី ៧ ខែវិច្ឆិកា បានអញ្ជើញជាអធិបតីក្នុងពិធីបិទការប្រណាំងទូក និងផ្ដល់រង្វាន់ជ័យលាភីដល់ទូកង ដែលបានប្រណាំងអស់រយៈពេល ២ថ្ងៃកន្លងមកនេះ នៅតាមបណ្តោយព្រែកកំពុងបាយ នៅតំបន់ឆ្នេរខ្សាច់កោះស្មៅ ស្ថិតនៅក្នុងភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកំពត។
នៅក្នុងឱកាសនោះ លោក ម៉ៅ ធនិន បានលើកឡើងថា ពិធីប្រណាំងទូកង នេះ បានប្រព្រឹត្តទៅក្នុងរយៈពេល ២ថ្ងៃ គឺចាប់ពីថ្ងៃទី ៦ ដល់ថ្ងៃទី ៧ ខែវិច្ឆិកា ឆ្នាំ ២០២២ ដោយការប្រណាំទូកនេះមានទូកចូលរួមចំនួន ១៣គូ ស្មើនឹង ២៦ ទូកង នេះ។
ជាលទ្ធផល មានទូកទទួលបានជ័យលាភីចំនួន ៤ ដោយទូកទទួលបានជ័យលាភីលេខ ១ មានឈ្មោះថា នារីសែនជ័យបារមីលោកយាយម៉ៅ ជាទូករបស់សមាគមនារីមន្ទីរកិច្ចការនារីខេត្ត ហើយទទួលបានប្រាក់រង្វាន់ចំនួន ៤០ លានរៀល, ជ័យលាភីលេខ ២ បានទៅលើទូកមានឈ្មោះថា ដែនដីបុព្វតាមហានាគសែនជ័យ គឺជាទូករបស់មន្ទីររៀបចំដែនដី នគរូបនីយកម្មសំណង់ និងសុរិយោដីខេត្ត ទទួលបានប្រាក់រង្វាន់ចំនួន ៣៥លានរៀល, ជ័យលាភីលេខ ៣ បានទៅលើទូកមានឈ្មោះថា សភាណិជ្ជកម្មខេត្តកំពត-កែប ទទួលបានប្រាក់រង្វាន់ចំនួន ៣០លានរៀល, និងជ័យលាភីលេខ ៤ បានទៅលើទូកមានឈ្មោះថា កំពតសែនជ័យបារមីលោកតាទីង ទទួលបានប្រាក់រង្វាន់ចំនួន ២៥លានរៀល។
ដោយឡែក ទូកដែលមិនបានជាប់ចំណាត់ថ្នាក់ចំនួន ២២ទូក ក៏ទទួលបានប្រាក់ឧបត្ថម្ភលើកទឹកចិត្តចំនួន ១០លាន រៀលស្មើៗគ្នា។ ក្នុងរយៈពេល ២ថ្ងៃ នៃការប្រណាំងទូកនេះដែរ ក៏មានប្រជាពលរដ្ឋ និងភ្ញៀវទេសចរជាតិ-អន្តរជាតិ បានទៅចូលរួមទស្សនា និងដើរលេងកម្សាន្ដ ផងដែរ។ លោក សយ ស៊ីណុល ប្រធានមន្ទីរទេសចរណ៍ខេត្តកំពត បានឲ្យដឹងថា រយៈពេល ២ថ្ងៃមកនេះ មានភ្ញៀវទេសចជាតិ និងអន្តរជាតិ ប្រមាណជាង ៤២ ម៉ឺននាក់ បានចូលរួមទស្សនា និងដើរលេងកម្សាន្ដក្នុងពិធីប្រណាំងទូកង ថ្នាក់ខេត្តនេះ។
លោក ម៉ៅ ធនិន អភិបាលខេត្តកំពត បានកោតសរសើរ និងវាយតម្លៃខ្ពស់ ចំពោះការខិតខំប្រឹងប្រែងរបស់រដ្ឋបាលខេត្តកំពត ដែលបានរៀបចំពិធីប្រណាំងទូកង និងបានប្រព្រឹត្តទៅដោយរលូន ក្នុងរយៈពេល ២ថ្ងៃនេះ ដែលបានបង្កើតបរិយាកាសសប្បាយរីករាយ ជូនប្រជាពលរដ្ឋនៅក្នុងខេត្ត និងអ្នកទេសចរជាតិ-អន្តរជាតិ។
លោកអភិបាលខេត្ត ក៏បានលើកឡើងថា ទាំងនេះ គឺចេញពីប្រទេសមានសុខសន្តិភាព មានស្ថិរភាពនយោបាយ ក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានធ្វើប្រជាពលរដ្ឋមានឱកាសក្នុងការប្រារព្ធពិធីផ្សេងៗ និងមានឱកាសក្នុងការធ្វើដំណើរទៅតាមរមណីយដ្ឋាននានា ព្រមទាំងប្រកបមុខរបររកស៊ីដោយសុវត្ថិភាព និងមានភាពកក់ក្តៅ៕
អត្ថបទ៖ សឹង រ៉ាត់
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ