ព័ត៌មានជាតិ
តើ ទីម័រខាងកើត អាចចូលជាសមាជិកចុងក្រោយអាស៊ាន ក្នុងឆ្នាំ២០២២នេះ បាន ឬទេ?
លោក គង់ ភោគ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ និងជាអ្នកនាំពាក្យនៃកិច្ចប្រជុំកំពូលអាស៊ាន ថ្លែងថា ចំពោះការស្នើសុំចូលជាសមាជិកអាស៊ានរបស់ទីម័រខាងកើត ជាជំហររបស់កម្ពុជា គឺគាំទ្រពេញទំហឹង ខណៈថ្នាក់ដឹកនាំកម្ពុជាតែងលើកឡើងនូវភាពចាំបាច់ក្នុងការជួយទីម័រខាងកើត ដើម្បីត្រៀមខ្លួនឱ្យបានរួចរាល់ដើម្បីចូលជាសមាជិកទី១១ របស់អាស៊ាន។
លោក គង់ ភោគ មានប្រសាសន៍ថា ដំណើរការឈ្វេងយល់ការពិតពីទីម័រខាងកើត ទី១ មើលសក្ដានុពល ទី២ មើលចំណុចខ្វះខាត គឺធ្វើឡើងតាំងពីឆ្នាំ២០១៩ ហើយសសរស្ដម្ភនយោបាយសន្តិសុខបានធ្វើរួចរាល់តាំងពីឆ្នាំ២០១៩ ខណៈសសរស្ដម្ភសង្គមវប្បធម៌ និងសេដ្ឋកិច្ច បានគ្រោងធ្វើនៅចុងឆ្នាំនោះដែរ ប៉ុន្តែដោយសារមានអាទិភាពផ្សេងទៀតដែលបង្ខំឱ្យសសរស្ដម្ភទាំង២ ធ្វើការទៅលើរឿងផ្សេង និងត្រូវរង់ចាំធ្វើនៅឆ្នាំ២០២០ ប៉ុន្តែក៏ជួបវិបត្តិកូវីដ-១៩ ក៏ធ្វើឱ្យយឺតយ៉ាវនូវការវាយតម្លៃជារួម ពីចំណុចខ្លាំង និងចំណុចខ្សោយរបស់ ទីម័រខាងកើត។
លោក គង់ ភោគ មានប្រសាសន៍បន្តថា៖ “នៅពេលកម្ពុជាជាប្រធានអាស៊ាន បានយករណីទីម័រជាអាទិភាព គឺយើងជំរុញឱ្យសសរស្ដម្ភទាំង២ បញ្ចប់ការឈ្វេងយល់ការពិតរបស់ទីម័រខាងកើតឱ្យបញ្ចប់នៅឆ្នាំនេះ ហើយអាចវាយតម្លៃទាន់ពេលក្នុងកិច្ចប្រជុំកំពូលអាស៊ាន។ ចំពោះការវាយតម្លៃស្ថានភាពទីម័រខាងកើត ឃើញមានភាពវិជ្ជមានច្រើន ពាក់ព័ន្ធសមត្ថភាព លទ្ធភាព និងការព្យាយាមធ្វើកំណែទម្រង់ ពិសេសផ្នែកច្បាប់ និងកាតព្វកិច្ចផ្នែកសេដ្ឋកិច្ចរបស់គាត់ ជាមួយគ្នានេះ យើងបានឃើញចំណុចខ្វះខាតរបស់គាត់មួយចំនួនដែរ”។
អ្នកនាំពាក្យនៃកិច្ចប្រជុំកំពូលអាស៊ាន រូបនេះលើកឡើងថា ជារួម អាស៊ានគាំទ្រការចូលជាសមាជិករបស់ទីម័រខាងកើត ហើយនឹងព្យាយាមធ្វើយ៉ាងណាស្វែងរកមធ្យោបាយជួយទីម័រខាងកើត បំពេញបន្ថែមកន្លែងខ្វះខាត។ សមាជិកអាស៊ានទាំងអស់សុទ្ធតែសង្ឃឹមថា ទីម័រខាងកើតអាចចូលជាសមាជិកអាស៊ានកាន់តែឆាប់តាមតែអាចធ្វើទៅបាន។ សម្រាប់ កម្ពុជា ចង់ឱ្យទីម័រខាងកើតចូលជាសមាជិកអាស៊ាននៅឆ្នាំនេះផង ប៉ុន្តែជាមួយគ្នានេះយើងត្រូវមានភាពប្រាកដប្រជាពាក់ព័ន្ធដំណើរការនៃការពង្រឹងសមត្ថភាពរបស់គាត់។
លោក គង់ ភោគ លើកឡើងថា នៅពេលប្រជុំថ្នាក់ដឹកនាំកំពូលរួចហើយនៅថ្ងៃទី១១ ខែវិច្ឆិកានេះ យើងនឹងមានព័ត៌មានបន្ថែមទៀត ដោយសាររាល់ឯកសារ ការសម្រេចទាំងអស់ នឹងធ្វើការកត់សម្គាល់ និងការសម្រេចដោយថ្នាក់ដឹកនាំកំពូលលើកទី៤០ ទី៤១នេះ៕
អត្ថបទ៖ ច័ន្ទ វីរៈ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២៣ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ