ព័ត៌មានជាតិ
វិទ្យាល័យមួយធ្វើជាមណ្ឌលចត្តាឡីស័ក បានបើកទ្វារទទួលសិស្សចូលរៀនឡើងវិញហើយ
វិទ្យាល័យ ហ៊ុន សែន បុរី១០០ខ្នង នៅរាជធានីភ្នំពេញ ដែលយកធ្វើជាមណ្ឌលចត្តាឡីស័កនោះ បានបើកទ្វារស្វាគមន៍សិស្សឲ្យចូលរៀនឡើងវិញ នៅថ្ងៃទី១១ ខែមករា ឆ្នាំ២០២១ខាងមុខនេះ បន្ទាប់ពីមានការសម្អាតសម្លាប់មេរោគរួចរាល់។
លោក រស់ សុវាចា អ្នកនាំពាក្យក្រសួងអប់រំយុវជននិងកីឡា បានឲ្យដឹងនៅព្រឹកថ្ងៃទី៥មករានេះថា ក្រសួងអប់រំបានផ្តល់ទីតាំងវិទ្យាល័យ ហ៊ុន សែន បុរី១០០ខ្នង និងអនុវិទ្យាល័យនិងបឋមសិក្សាហ៊ុនសែនពោធិចិនតុងដល់ក្រសួងសុខាភិបាល សម្រាប់ដាក់ប្រជាពលរដ្ឋធ្វើដំណើរមកពីក្រៅប្រទេសធ្វើចត្តាឡីស័ករយៈពេល១៤ថ្ងៃ។ លោកបានបន្តថា ប៉ុន្តែចំពោះមុខនេះ សិស្សវិទ្យាល័យ ហ៊ុន សែន បុរី១០០ខ្នង នឹងចូលរៀននៅថ្ងៃ១១ ខែមករា ឆ្នាំ២០២១ ដោយសារមានការសម្អាតរម្ងាប់មេរោគរួចរាល់ ក្រោយបានផ្ទេរការធ្វើចត្តាឡីស័កទៅមណ្ឌលចត្តាឡីស័កថ្មីរួចមក។
លោកបានបន្ថែមទៀតថា ចំណែកឯសិស្សអនុវិទ្យាល័យនិងបឋមសិក្សាហ៊ុនសែនពោធិចិនតុងនៅមិនទាន់អាចចូលរៀនឡើងវិញបានទេ នៅថ្ងៃ១១ ខែមករា ឆ្នាំ២០២១នេះ ដោយត្រូវទៅរៀននៅសាលាផ្សេង ដែលមានទីតាំងនៅក្បែរសាលារបស់ខ្លួនសិន។ លោកបានបញ្ជាក់ថា ក្រសួងអប់រំ យុវជន និងកីឡានៅតែរក្សាជំហរបើកបវេសនកាលឆ្នាំសិក្សា២០២០-២០២១ នៅថ្ងៃទី១១ ខែមករា ឆ្នាំ២០២១ ដដែលដោយអនុវត្តខ្ជាប់ខ្ជួននូវវិធានការសុវត្ថិភាពសុខភាព ដោយសារប្រទេសកម្ពុជាមិនមានការឆ្លង នៅក្នុងសហគមន៍ទៀតទេ៕
អត្ថបទ៖ សំអឿន
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព