Connect with us

ព័ត៌មានជាតិ

កម្ពុជាទទួលបានពានរង្វាន់ឧត្តមមានុវត្តន៍ នៃការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រអំឡុងពេលកូវីដ-១៩

បានផុស

នៅ

លោក ឈួរ សុបញ្ញា ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃមូលនិធិជាតិជំនួយសង្គម នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងថា លោកពិតជាមានកិត្តិយសក្រៃលែងដែលមូលនិធិជាតិជំនួយសង្គម បានទទួលពានរង្វាន់ឧត្តមមានុវត្តន៍ នៃការអនុវត្តកម្មវិធីឧបត្ថម្ភសាច់ប្រាក់ ជូនគ្រួសារក្រីក្រអំឡុងពេលកូវីដ-១៩ ពីក្រុមប្រឹក្សាភិបាល នៃសមាគមសន្តិសុខសង្គមអាស៊ាន ASEAN Social Security Association (ASSA)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឈួរ សុបញ្ញា ថ្លែងបែបនេះ នៅក្នុងកិច្ចប្រជុំសមាគមសន្តិសុខសង្គមអាស៊ាន ASEAN Social Security Association (ASSA) លើកទី ៣៩ នៅប្រទេសឡាវ កាលពីថ្ងៃទី ២៤ ខែវិច្ឆិកា ឆ្នាំ ២០២២។

សូមជម្រាបថា មូលនិធិជាតិជំនួយសង្គមតំណាងដោយលោក ឈួរ សុបញ្ញា ប្រតិភូរាជរដ្ឋាភិបាលទទួលបន្ទុកជាអគ្គនាយក នៃមូលនិធិជាតិជំនួយសង្គម បានទទួលពានរង្វាន់ឧត្តមមានុវត្តន៍ នៃការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រអំឡុងពេលកូវីដ-១៩ ពីក្រុមប្រឹក្សាភិបាលនៃសមាគមសន្តិសុខសង្គមអាស៊ាន ASEAN Social Security Association (ASSA)។

លោក ឈួរ សុបញ្ញា បានថ្លែងបន្តថា ពានរង្វាន់ឧត្តមមានុវត្តន៍ គឺជាពានរង្វាន់របស់សមាគមសន្តិសុខសង្គមអាស៊ាន ដែលផ្តល់ជូនដោយប្រធានក្រុមប្រឹក្សាភិបាល ជូនចំពោះបណ្តាប្រទេសដែលជាសមា​ជិកអាស៊ានទាំងអស់ ដែលបានបំពេញការងារប្រកបដោយភាពជោគជ័យ លើឧត្តមភាពនៃការផ្តល់សេវាគាំពារសង្គម ជូនដល់ប្រជាពលរដ្ឋតាមប្រទេសនីមួយៗ ហើយមានកិត្តិយសណាស់ក្នុងនោះក៏មានកម្ពុជាផងដែរ។

លោកបន្តថា ការទទួលបានពានរបស់មូលនិធិជាតិជំនួយសង្គម ពីក្រុមប្រឹក្សាជាតិសន្តិសុខសង្គមនេះ គឺជាមោទនភាពមួយរបស់មូលនិធិជាតិជំនួយសង្គម (ម.ជ.ជ.) ហើយក៏ជាលើកដំបូងដែរ ខណ:ស្ថាប័ននេះទើបបានបង្កើតឡើងនៅក្នុងខែមីនា ឆ្នាំ ២០២២ តាមរយ:អនុក្រឹត្យលេខ ៦៨ អនក្រ.បក ចុះថ្ងៃទី ៣១ ខែមីនា ឆ្នាំ ២០២២។ 

គណ:កម្មការបានវាយតម្លៃ សម្រាប់ការផ្តល់ពាន់រង្វាន់ដោយផ្តោតលើ៖

១. យន្តការអនុវត្ត

២. ប្រព័ន្ធបើកផ្តល់

៣. លទ្ធផលអនុវត្ត

៤. ការសហការរបស់ស្ថាប័នពាក់ព័ន្ធ។

ផ្តើមចេញពីពានរង្វាន់នេះ មូលនិធិជាតិជំនួយសង្គម បានថ្លែងអំណរគុណចំពោះ លោករដ្ឋមន្រ្តីក្រសួងសង្គមកិច្ច ក្រុមប្រឹក្សាភិបាល និងថ្នាក់ដឹកនាំគ្រប់លំដាប់ថ្នាក់។ ទន្ទឹមនេះ លោក ឈួរ សុបញ្ញា ក៏បានថ្លែងអំណរគុណជូនក្រសួងស្ថាប័នពាក់ព័ន្ធដូចជា៖ ក្រសួងសេដ្ឋកិច្ច និងហិរញ្ញវត្ថុ, ក្រសួងផែនការ, ក្រសួងសុខាភិបាល, ក្រសួងមហាផ្ទៃ, អគ្គលេខាធិការដ្ឋានក្រុមប្រឹក្សាជាតិគាំពារសង្គម និងបណ្តារាជធានី-ខេត្តទាំង ២៥ ដែលតែងតែជួយគាំទ្រ និងស្រាក់ដៃគ្នាក្នុងការផ្តល់សេវាជូនប្រជាពលរដ្ឋ។

មូលនិធិជាតិជំនួយសង្គម ក៏បានថ្លែងអំណរគុណផងដែរចំពោះដៃគូអភិវឌ្ឍទាំងអស់ ដែលមានដូចជា៖ អង្គការ UNICEF អង្គការ UNDP អង្គការ GIZ និងអង្គការ OXFAM ដែលតែងតែជួយគាំទ្រទាំងថវិកា និងបច្ចេកទេស៕

អត្ថបទ៖ វិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២២ នាទី មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៣០ នាទី មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៣៩ នាទី មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ៤៧ នាទី មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ១ ម៉ោង មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

Sokha Hotels

ព័ត៌មានពេញនិយម