ព័ត៌មានជាតិ
ពិព័រណ៍សៀវភៅ នឹងរៀបចំឡើងវិញនៅដើមខែធ្នូ ដើម្បីជំរុញការអាន ក្រោយខកខាន ២ឆ្នាំ
ក្រោយខកខានរយៈពេល ២ឆ្នាំ ដោយសារការរាតត្បាតជំងឺកូវីដ១៩ ពិព័រណ៍សៀវភៅកម្ពុជា នឹងត្រូវរៀបចំឡើងវិញរយៈពេល ៣ថ្ងៃ គឺចាប់ពីថ្ងៃទី៩ រហូតដល់ ថ្ងៃទី១១ ខែធ្នូ ឆ្នាំ២០២២ខាងមុខនេះ នៅបរិវេណបណ្ណាល័យជាតិ។ ឆ្នាំ ២០២២នេះ ពិព័រណ៍សៀវភៅថ្នាក់ជាតិលើកទី៩ នឹងធ្វើឡើងក្រោមប្រធានបទ «មួយថ្ងៃអាន មួយថ្ងៃដឹង»។
ក្នុងសន្និសីទសារព័ត៌មាន នៅថ្ងៃទី២៨ ខែវិច្ឆិកានេះ លោក គឹម ពិនន់ អនុរដ្ឋលេខាធិការក្រសួងវប្បធម៌ និងវិចិត្រសិល្បៈ បានឲ្យដឹងថា ពិព័រណ៍សៀវភៅកម្ពុជា ត្រូវបានរៀបចំឡើងប្រកបដោយភាពជោគជ័យចំនួន ៨លើករួចមកហើយ។ ប៉ុន្តែសម្រាប់នៅឆ្នាំ២០២០ និងឆ្នាំ២០២១ ពិព័រណ៍សៀវភៅកម្ពុជានេះ ត្រូវបានអាក់ខាន ដោយសារការរាតត្បាតដ៏សាហាវនៃជំងឺកូវីដ១៩។
លោក គឹម ពិនន់ បានបញ្ជាក់ថា ពិព័រណ៍សៀវភៅថ្នាក់ជាតិ លើកទី៩ ឆ្នាំ២០២២នេះ រៀបចំធ្វើឡើងក្នុងគោលបំណងជំរុញវប្បធម៌នៃការអានសៀវភៅទៅក្នុងសង្គមកម្ពុជា ជាពិសេស ស្រទាប់យុវជន ដែលជាធនធានមនុស្សដ៏សំខាន់ ដើម្បីចូលរួមអភិវឌ្ឍន៍ប្រទេសជាតិ ក៏ដូចជា ជំរុញឲ្យយុវជនស្គាល់កាន់តែច្បាស់គុណតម្លៃនៃការអាន។ ទន្ទឹមនេះ ក៏ដើម្បីចូលរួមផ្សព្វផ្សាយការបោះពុម្ពសៀវភៅកម្ពុជាគ្រប់ប្រភេទទៅក្នុងទីផ្សារ បង្កើនវិធីនិទានរឿង និងគូគំនូនៅក្នុងសៀវភៅរឿងសម្រាប់កុមារ លើកទឹកចិត្តដល់កវីនិពន្ធទាំងអស់ឲ្យខិតខំបង្កើតស្នាដៃថ្មីៗ និងដើម្បីសុំការគាំទ្រដល់ឧស្សាហកម្មបោះពុម្ពផ្សាយនៅកម្ពុជា។
បើតាមលោក គឹម ពិនន់ ការតាំងពិព័រណ៍សៀវភៅ ឆ្នាំ២០២២នេះ មានការចូលរួមចំនួន ១៩៧ស្ដង់ ខណៈកាលពីឆ្នាំ ២០១៩ មានត្រឹមតែ ១៤៥ស្ដង់ប៉ុណ្ណោះ។ ជាមួយគ្នានេះ សកម្មភាពមួយចំនួនត្រូវបានដាក់បញ្ជូលក្នុងពិព័រណ៍សៀវភៅនេះ មានជាអាទិ៍ វេទិកាស្ដីពីការបោះពុម្ពផ្សាយតាមប្រព័ន្ធអេឡិចត្រូនិក បទបង្ហាញទាក់ទងនឹងអក្សរសាស្ត្រខ្មែរ អក្សរសិល្ប៍ និងវិទ្យាសាស្ត្រ កម្មវិធីនៃការនិពន្ធសៀវភៅទៅជាខ្សែភាពយន្ត ការចែករំលែកបទពិសោធលើការតែងនិពន្ធ និងមានល្បែងសិក្សាសម្រាប់កុមារ ព្រមទាំងការប្រគុំតន្រ្តី ជាដើម៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ