ព័ត៌មានជាតិ
ក្រសួងការងារ នឹងបង្កើនការផាកពិន័យពី១ដល់៥ដងចំពោះនិយោជកណាប្រើប្រាស់ហត្ថពលកម្មបរទេសខុសច្បាប់
លោកបណ្ឌិត អ៊ិត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ បានមានប្រសាសន៍ថា ក្រសួងការងារ
នឹងបង្កើនការផាកពិន័យពី១ដល់៥ដងចំពោះនិយោជកណាដែលបានប្រើប្រាស់ហត្ថពលកម្មបរទេសខុសច្បាប់ដែលនេះជាវិធានការមួយចូលរួមទប់ស្កាត់អំពើជួញដូរមនុស្សនៅកម្ពុជា។
ថ្លែងក្នុងពិធីចុះហត្ថលេខាលើក្រមសីលធម៌សម្រាប់ទីភ្នាក់ងារជ្រើសរើសឯកជនកម្ពុជា និងពិធីសម្ពោធផ្សព្វផ្សាយដាក់ឲ្យប្រើប្រាស់នូវប្រព័ន្ធវាយតម្លៃសាកល្បងនៅព្រឹកថ្ងៃទិ៣០ ខែវិច្ឆិកា លោករដ្ឋមន្ត្រីបានបន្តថា «ខ្ញុំសូមក្រើនរំលឹកថា ការប្រើប្រាស់ហត្ថពលកម្មបរទេសនៅកម្ពុជាត្រូវតែធ្វើឱ្យបានត្រឹមត្រូវដោយស្របច្បាប់បើមិនដូច្នេះទេ នឹងត្រូវទទួលនូវការផាក
ពិន័យ និងចាត់វិធានការតាមផ្លូវច្បាប់។ រឿងពលកម្មដោយបង្ខំការជួញដូរមនុស្សការបង្ឃាំងមនុស្សដើម្បីបម្រើឱ្យស្ថានភាពផ្សេងៗរបស់ខ្លួនជាលក្ខណៈឯកជនត្រូវតែបង្ក្រាបជាដាច់ខាត និងចាត់វិធានការតាមច្បាប់»។
លោករដ្ឋមន្ត្រីបានបន្តទៀតថា គណៈកម្មាធិការប្រយុទ្ធប្រឆាំងនឹងការជួញដូរមនុស្សដែលមានសម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ជាប្រធានបានកំពុងខិតខំដោះស្រាយបញ្ហាជួញដូរនេះ។ លោករដ្ឋមន្ត្រីបានបន្ថែមថា ចំណែកក្រសួងការងារនឹងបង្កើនការផាកពិន័យ១ដល់៥ដងដល់និយោជកទាំងឡាយណាប្រើប្រាស់ហត្ថពលកម្មបរទេសខុសច្បាប់ ដែលពីមុនផាកតែ២ទៅ៣លានទេ ឥឡូវត្រូវគុណ៥ទៅ៦ដងដែលនេះគឺជាវិធានការមួយទប់ស្កាត់អំពើជួញដូរមនុស្ស អំពើឧក្រិដ្ឋកម្មណាមួយពាក់ព័ន្ធនឹងការជួញដូរមនុស្សនៅកម្ពុជា។ លោករដ្ឋមន្ត្រីបានបញ្ជាក់ថា កម្ពុជាមិនមែនត្រឹមតែបង្កលក្ខណៈឱ្យបងប្អូនពលករទៅធ្វើការនៅក្រៅប្រទេសប៉ុណ្ណោះទេហើយកម្ពុជាក៏មានទទួលពលករបរទេសដែរ ហើយក្លាយជាប្រទេសទទួលពលករបរទេសជាបណ្តើរៗហើយក៏មានបញ្ហាមួយចំនួនកំពុងដោះស្រាយដែរ។
លោករដ្ឋមន្ត្រីបានបន្ថែមទៀតថា «អីចឹងយើងបញ្ជូនពលករទៅក្រៅប្រទេសក៏ឱ្យបានត្រឹមត្រូវនិងតម្លាភាពតាមច្បាប់និងការពារសិទ្ធិពលករតែពលករបរទេសចូលមកធ្វើការនៅខាងក្នុងប្រទេសរក៏ត្រូវទទួលបានការការពារសិទ្ធិនិងអនុវត្តត្រឹមត្រូវតាមច្បាប់ផងដែរ»។ លោករដ្ឋមន្ត្រីបានឱ្យដឹងទៀតថា កន្លងមកអនុសាសន៍របស់សហរដ្ឋអាមេរិកទាក់ទងនឹងការជួញដូរមនុស្សក៏មានលើកឡើងពីចំណុចទាក់ទិននឹងការជ្រើសរើសពលករទេសន្តប្រវេសន៍នេះដែរក៏បានលើកឡើងពីបញ្ហានេះដែរ។ដូចនេះយើងត្រូវខិតខំធ្វើការងារនេះ។
លោករដ្ឋមន្ត្រីបានបញ្ជាក់បន្ថែមថា «ខ្ញុំនិយាយនេះមិនមែនមានន័យថា យើងត្រូវខិតខំធ្វើផ្គាប់ចិត្តមិត្តភក្តិណាមួយនោះទេ។ ប៉ុន្តែបើមានរឿងនេះវាជាអកុសលសម្រាប់យើង ហើយយើងទាំងអស់គ្នាគ្មាននរណាចង់ឱ្យមានបញ្ហានឹងកើតឡើងទេ ហើយក៏មិនចង់ឃើញការរំលោភបំពានឬការកេងប្រវ័ញ្ចណាមួយទៅលើបងប្អូនពលករទេសន្តប្រវេសន៍ទេ»។
គួរបញ្ជាក់ថា គិតចាប់ពីខែមករា ដល់ខែតុលា ឆ្នាំ២០២២ ក្រុមការងារអធិការកិច្ចហត្ថពលកម្មបរទេសបានចុះត្រួតពិនិត្យ
គោលដៅចំនួន ៣.០៨០ គោលដៅត្រួតពិនិត្យពលករបរទេសចំនួន ៣០.៨៣៤នាក់ ព្រមទាំងបានផាកពិន័យជនបរទេសគ្មានបណ្ណការងារចំនួន ២.៤១៦នាក់៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ