ក្រសួងអប់រំប្រកាសបើកបវេសនកាលឆ្នាំសិក្សាថ្មីសម្រាប់គ្រឹះស្ថានបឋមសិក្សារដ្ឋចាប់ពីថ្ងៃទី០២​មករាតទៅ

ក្រសួងអប់រំយុវជននិងកីឡា បានប្រកាសបើកបវេសនកាលឆ្នាំសិក្សាថ្មី២០២២-២០២៣សម្រាប់គ្រឹះស្ថានបឋមសិក្សារដ្ឋចាប់ពីថ្ងៃទី០២ ខែមករា ឆ្នាំ២០២៣ តទៅ និងបញ្ចប់ទៅវិញនៅថ្ងៃទី៣០ ខែវិច្ឆិកា ឆ្នាំ២០២៣។

យោងតាមសេចក្តីណែនាំស្ដីពីដំណើរការគ្រឹះស្ថានបឋមសិក្សាសាធារណៈក្នុងឆ្នាំសិក្សា ២០២២-២០២៣របស់ក្រសួងអប់រំយុវជននិងកីឡា បានធ្វើការណែនាំដល់គ្រប់មន្ទីរអប់រំយុវជននិងកីឡា រាជធានី ខេត្ត ការិយាល័យអប់រំយុវជននិងកីឡានៃរដ្ឋបាលក្រុងស្រុកខណ្ឌនិងគ្រឹះស្ថានបឋមសិក្សាសាធារណៈនូវសកម្មភាពការងារសម្រាប់អនុវត្តក្នុងឆ្នាំសិក្សា
២០២២-២០២៣ ត្រូវចាប់ផ្ដើមដំណើរការនៅថ្ងៃទី០២ ខែមករា ឆ្នាំ២០២៣ និងបញ្ចប់ទៅវិញនៅថ្ងៃទី៣០ វិច្ឆិកា ឆ្នាំ​២០២៣។

បើតាមក្រសួងអប់រំការចំពោះវិសមកាលប្រព្រឹត្តិទៅចំនួន២ដង គឺវិស្សមការតូចចាប់ពីថ្ងៃទី ០៦ ខែមេសា ដល់ថ្ងៃទី១៨ ខែមេសា ឆ្នាំ២០២៣ និងមហាវិស្សមកាលចាប់ពីថ្ងៃទី០១ ដល់ថ្ងៃទី៣១ ខែធ្នូ ឆ្នាំ២០២៣។ ចំពោះការប្រារព្វពិធីបើក​បវេសន​​កាលក្រសួងអប់រំបានណែនាំឱ្យគ្រប់សាលារៀនត្រូវរៀបចំចងបដាពាក្យស្លោកអបអរសាទរថ្ងៃបវេសនកាលឱ្យបានមុនថ្ងៃប្រារព្ធពិធី និងអញ្ជើញថ្នាក់ដឹកនាំឬមន្ត្រីក្រសួងអប់រំយុវជននិងកីឡាមន្ទីរអប់រំយុវជននិងកីឡារាជធានី ខេត្ត​ការិយាល័យអប់រំយុវជននិងកីឡានិងនៃរដ្ឋបាលក្រុងស្រុកខណ្ឌអាជ្ញាធរដែនដីតំណាងសហគមន៍មាតាបិតានិងអ្នកអាណាព្យាបាលសិស្សចូលរួមសមស្របតាមគោលការណ៍ប្រតិបត្តិស្តង់ដានិងបិទផ្សាយប្រដាសបញ្ជាក់ពីការចូលរៀនដោយឥតគិតថ្លៃ។

ជាមួយគ្នានេះដែរក្រសយងអប់រំបានបញ្ជាក់ថាឆ្នាំសិក្សា ២០២២-២០២៣ដំណើរការនៃការអប់រំបឋមសិក្សាផ្ដល់សំខាន់លើកំណែទម្រង់សាលារៀនតាមរយៈការអនុវត្តកម្មវិធីសាលាកុមាមេត្រីនិងការគ្រប់គ្រងតាមសាលារៀនក្នុងគោលបំណងដើម្បីធានាបានការអប់រំមានគុណភាពការប្រកបដោយសមធម៌បរិយាបន្ននិងលើកកម្ពស់ឱកាសសិក្សាពេញមួយជីវិតសម្រាប់​ទាំងអស់គ្នាតាមគោលដៅនិងចំណុចដៅនៃកំណែទម្រង់វិស័យអប់រំនិងផែនការយុទ្ធសាស្ត្រវិស័យអប់រំ៕

អត្ថបទ៖ សំអឿន