ព័ត៌មានជាតិ

ក្រសួងការងារ ស្នើឲ្យភាគីជម្លោះក្រុមហ៊ុនណាហ្គាវើលដ៍រួមគ្នា យោគយល់ខ្ពស់ក្នុងការចូលរួមដោះស្រាយបញ្ចប់វិវាទ

បានផុស

១ year មុន

នៅ

ថ្ងៃពុធ ២១ ធ្នូ ២០២២

ដោយ

ភ្នំពេញ ៖ ក្រសួងការងារ និងបណ្ដុះបណ្ដាលវិជ្ជាជីវៈ បានបន្តដោះស្រាយវិវាទការងារ នៅក្រុមហ៊ុនណាហ្គាវើលដ៍លើកទី២២ ដោយអញ្ជើញគូភាគីវិវាទការងារក្រុមហ៊ុនណាហ្គាវើលដ៍ មកដោះស្រាយ ដែលកិច្ចប្រជុំនេះ ដឹកនាំដោយលោក ទេស រុក្ខាផល អគ្គលេខាធិការ នៃអគ្គលេខាធិការដ្ឋាន គ.ក.ប. ជាអ្នកសម្របសម្រួល និងជាប្រធានអង្គប្រជុំ ដោយមានការចូលរួមពី តំណាងភាគីកម្មករនិយោជិត រួមមាន លោកស្រី រី សុវណ្ណឌី, លោកស្រី ហៃ សុភាព និងលោកស្រី សុន ស្រីពេជ្រ និងតំណាងភាគីនិយោជក រួមមាន លោកស្រី ឌី សីហា និងលោកស្រី រស់ ប៊ុនឡេង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចពិភាក្សាយ៉ាងតានតឹង នាថ្ងៃទី២១ ខែធ្នូ ឆ្នាំ២០២២នេះ ភាគីទាំងពីរនៅតែមិនទាន់រកឃើញដំណោះស្រាយទេ ដោយសារភាគីទាំងពីរមិនអាចទទួលយកសំណើរៀងៗខ្លួនបាន ពោលគឺភាគីតំណាងកម្មករនិយោជិតនៅតែបន្តទាមទារឱ្យយកចូលធ្វើការវិញ រីឯភាគីតំណាងនិយោជកមិនអាចទទួលឱ្យចូលធ្វើការវិញទេ។

ដូច្នេះ ភាគីទាំងពីរឯកភាពកំណត់កាលបរិច្ឆេទប្រជុំបន្ទាប់ នៅថ្ងៃអង្គារ ទី១៧ ខែមករា ឆ្នាំ២០២៣ វេលាម៉ោង ១៤:៣០នាទី ដើម្បីមានឱកាសពិចារណាឡើងវិញអំពីលទ្ធភាពនៃការសម្បទានគ្នាទៅវិញទៅមក ដែលអាចឈានទៅបញ្ចប់វិវាទនេះ។

ក្រសួងស្នើឱ្យភាគីទាំងពីរ មានការយោគយល់គ្នាខ្ពស់ក្នុងការចូលរួមដោះស្រាយបញ្ចប់វិវាទ ការងារនេះ និងបន្តសហការជិតស្និទ្ធជាមួយអាជ្ញាធរមានសមត្ថកិច្ច ហើយភាគីពាក់ព័ន្ធត្រូវដោះស្រាយដោយសន្តិវិធី ដើម្បីថែរក្សាសន្តិសុខ សណ្តាប់ធ្នាប់សាធារណៈ និងត្រូវរក្សាភាពស្ងប់ស្ងាត់។