ជនជាតិអាមេរិកកាំងម្នាក់ សរសើរការជួយសង្រ្គោះរបស់កងកម្លាំងកម្ពុជា – Kampuchea Thmey Daily
Connect with us

ព័ត៌មានជាតិ

ជនជាតិអាមេរិកកាំងម្នាក់ សរសើរការជួយសង្រ្គោះរបស់កងកម្លាំងកម្ពុជា

Published

on

លោក ដន សេម ជាជនជាតិអាមេរិកាំង មានដើមកំណើត រស់នៅរដ្ឋថេនេស៊ី និងបានមករស់នៅកម្ពុជា ហើយលោក ក៏ជាជនរងគ្រោះម្នាក់ ក្នុងចំណោមជនរងគ្រោះជាច្រើន ដោយសារជំនន់ទឹកភ្លៀង នៅបុរី មួយកន្លែង ក្នុងខ័ណ្ឌដង្កោ ផង​ដែរ ។

នៅក្នុងកិច្ចសម្ភាសន៍ ជាមួយក្រុមក្រុមការងារជួយសង្គ្រោះ លោក ដន បានចាត់ទុកថា ព្យុះភ្លៀង នៅកម្ពុជានេះ មិនខុស​​​អ្វីពីអាមេរិក ឡើយ ។ លោក ដន បានហៅការជួយសង្គ្រោះជីវិតប្រជាជនពីសំណាក់ក្រុមសង្គ្រោះកម្ពុជា ថា ធ្វើបានល្អណាស់ និងចង់ឲ្យអាមេរិក យកគំរូតាមបែបនេះ។ លោកថា នៅអាមេរិក គេមិនសូវខ្វល់បែបនេះឡើយ ។

លោកបានកោតសរសើរការចាត់ចែងភ្លាមៗរបស់រាជរដ្ឋាភិបាលកម្ពុជា និងអាជ្ញាធរមូលដ្ឋាន ចំពោះជនរងគ្រោះ ដោយសារទឹកជំនន់នេះទៀតផង។

ក្នុងពេលទឹកកំពុងស្រកចុះ និងវិលចូលលំនៅដ្ឋានវិញនេះ លោក ដន ក៏ឆ្លៀតនិយាយរឿងអស់សំណើចហួសចិត្តផងដែរ ដែលលោកមានមាឌធំ តែជិះទូកតូច ហើយក្រឡាប់ទូក នៅពេលអ្នករួមដំណើរចុះពីលើទូកអស់ និងនៅ​សល់តែគាត់ម្នាក់៕

អត្ថបទ ៖ កោះកែវ

ចុច Like Facebook កម្ពុជាថ្មី

ព័ត៌មានពេញនិយម