ព័ត៌មានជាតិ
អាជ្ញាធរខេត្តសៀមរាបជំរុញឲ្យបញ្ចប់ការបន្ទោបង់ពាសវាលពាសកាលមុនឆ្នាំ២០២៥
សៀមរាប ៖ នៅសណ្ឋាគារ ខេមរាអង្គរ ខេត្តសៀមរាប នាថ្ងៃទី ១៦ ខែ កុម្ភៈ ឆ្នាំ២០២៣នេះ មានបើកកិច្ចប្រជុំថ្នាក់ខេត្ត ស្តីពី ការ រៀបចំផែនការសកម្មភាព និង ពង្រឹងនីតិវិធីឡើងវិញដល់ក្រុមការងារ ដើម្បីបញ្ចប់ការបន្ទោបង់ពាសវាលពាសកាលថ្នាក់ ខេត្ត ក្រោមអធិបតីភាពរបស់លោកបណ្ឌិត ជ្រុន ថេរ៉ាវ៉ាត រដ្ឋលេខាធិការ ក្រសួងអភិវឌ្ឍន៍ជនបទ តំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រី ក្រសួងអភិវឌ្ឍន៍ជនបទ និង លោក អ៊ឹង គឹមលាង អភិបាលរងនៃគណៈអភិបាល ខេត្តសៀមរាប ដោយមានការចូលរួមពីលោក អនុរដ្ឋលេខាធិកា អស់លោកលោកស្រីជាប្រធាននាយកដ្ឋាន អាជ្ញាធរក្រុង ស្រុក មន្ទីរ អង្គភាពមានការពាក់ព័ន្ធ និង មន្ត្រីរដ្ឋបាលក្រុង ស្រុកទាំង១២ អង្គការដៃគូ ព្រមទាំងក្រុមប្រឹក្សាឃុំ បានចូលរួម ចំនួន ៦២នាក់ជាសិក្ខាកាម ។
ក្នុងកិច្ចស្វាគមន៍របស់លោក ទូច ម៉ាឡា ប្រធានមន្ទីរអភិវឌ្ឍន៍ជនបទខេត្ត បានបញ្ជាក់ថា កិច្ចប្រជុំនេះក្នុងគោលបំណងដ៏សំខាន់ ក្នុងការរៀបចំនូវផែនការសកម្មភាព ដើម្បីសម្រេចការបញ្ចប់ការបន្ទោបង់ពាសវាលពាសកាលក្នុងខេត្ត សៀមរាប និង ពង្រឹងឡើងវិញពីនីតិវិធី របស់អាជ្ញាធរក្រុង ស្រុក ក្នុងការជម្រុញការលើកកម្ពស់អនាម័យជនបទ។
នៅឆ្នាំ ២០២៥ ប្រជាពលរដ្ឋគ្រប់រូបនៅសហគមន៍ជនបទ ត្រូវមានការផ្គត់ផ្គង់ទឹកស្អាត និង អនាម័យគ្រប់គ្រាន់ ព្រមទាំងរស់នៅ ក្នុងបរិស្ថាន ដែលមានអនាម័យប្រកបដោយនិរន្តរភាព ។
បន្ទាប់ពីការចំណាប់អារម្មណ៍របស់លោក យី គឹមថាន នាយករង អង្គការភ្លែងអន្តរជាតិរួចមក មានប្រសាសន៍នោះដែរ លោក អ៊ឹង គឹមលាង បានជំរុញដល់មន្ទីរអភិវឌ្ឍន៍ជនបទ និង អាជ្ញាធរក្រុង ស្រុក ឃុំសង្កាត់ ត្រូវធ្វើការពន្លឿន ដើម្បីបញ្ចប់ការបន្ទោបង់ពាសវាលពាសកាល ឲ្យបានមុនឆ្នាំ២០២៥ ។
លោកក៏បានថ្លែងអំណរគុណដល់អាជ្ញាធរមូលដ្ឋានគ្រប់លំដាប់ថ្នាក់ ដែលតែងតែផ្តល់កិច្ចសហការយ៉ាងល្អក្នុងការចូលរួមគ្រប់សកម្មភាព នៃការអភិវឌ្ឍន៍ក្នុងខេត្ត ហើយសូម ស្នើសុំដល់ក្រសួងអភិវឌ្ឍន៍ជនបទ អង្គការ ក៏ដូច ជាដៃគូអភិវឌ្ឍន៍នានា មេត្តាបន្តជួយគាំទ្រ និងពង្រីកនូវវិសាលភាព នៃកម្មវិធីលើកកម្ពស់ការផ្គត់ផ្គង់ទឹកស្អាត និង ការលើកកម្ពស់អនាម័យនៅតាមសហគមន៍ឲ្យបានគ្រប់ភូមិ ឃុំ ដើម្បីឈានសម្រេចឲ្យខានតែបានគោលដៅឆ្នាំ ២០២៣ អត្រាផ្គត់ផ្គង់ទឹកស្អាត ៩០% និងអត្រាគ្របដណ្តប់អនាម័យ ៩០% ហើយជាពិសេសគឺ ទស្សនៈវិស័យ “នៅឆ្នាំ២០២៥ ប្រជាពលរដ្ឋគ្រប់រូបនៅសហគមន៍ជនបទ ត្រូវមានការផ្គត់ផ្គង់ទឹកស្អាត និងអនាម័យគ្រប់គ្រាន់ ព្រមទាំងរស់នៅក្នុងបរិស្ថានដែលមានអនាម័យប្រកបដោយនិរន្តរភាព” ។
លោកបានបន្តទៀតថា នៅទូទាំងខេត្តសៀមរាប មានស្រុកចំនួន៣ ដែលត្រូវបានបញ្ចប់ការបន្ទោរបង់ពាសវាលពាសកាល តែលោកមានការព្រួយបារម្ភចំពោះ ក្រុង ស្រុក ឃុំសង្កាត់ នៅជាប់បឹងទន្លេសាប លើការប្រើប្រាស់ទឹកស្អាត និង ការបន្ទោរបង់ពាសវាលពាសកាល នៅជាបញ្ហា ប្រឈមនៅឡើយ៕
ដោយ ៖ គឿនវេត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»