ព័ត៌មានជាតិ
កម្ពុជាទម្លាក់ពន្ធនាំចូលរថយន្តអគ្គិសនី ៥០ភាគរយ ដើម្បីបង្កើនការប្រើប្រាស់
លោកទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនបានឱ្យដឹងថា រាជរដ្ឋាភិបាលបានទម្លាក់ពន្ធនាំចូលរថយន្តអគ្គិសនីចំនួន ៥០ ភាគរយ ដើម្បីលើកទឹកចិត្តឱ្យមានការប្រើប្រាស់រថយន្តប្រភេទនេះនៅកម្ពុជាឱ្យកាន់តែច្រើនថែមទៀត។
ថ្លែងប្រាប់អ្នកសារព័ត៌មានក្នុងពិធី «អបអរសាទរខួប ៣ ឆ្នាំ និងការដាក់តាំងពិព័រណ៍លក់លេខពិសេសផ្ទាល់ខ្លួន» នៅសួនច្បារវត្តបទុមវតីនៅព្រឹកថ្ងៃទី ៧ ខែមីនានេះ លោកទេសរដ្ឋមន្រ្តី មានប្រសាសន៍ថា ការបន្ធូរបន្ថយពន្ធនាំចូលអគ្គិសនីនេះ គឺដើម្បីលើកទឹកចិត្តឱ្យមានការប្រើប្រាស់រថយន្តអគ្គិសនីនៅកម្ពុជាឱ្យកាន់តែច្រើន សំដៅកាត់បន្ថយការបំពុលបរិស្ថាននៃឧស្ម័នកាបូនឌីអុកស៊ីត ដែលបញ្ចេញពីយានយន្តប្រើប្រាស់ប្រេងឥន្ធនៈខណៈការនាំចូលយានយន្តដែលដើរដោយប្រេងឥន្ធនៈ តម្រូវឱ្យបង់ពន្ធនាំចូលរហូតដល់ ១២០ ភាគរយ។
យោងតាមរបាយការណ៍របស់ក្រសួងសាធារណការនិងដឹកជញ្ជួន គិតត្រឹមថ្ងៃទី៣១ ខែមករា ឆ្នាំ២០២៣ ចំនួនយានយន្តអគ្គិសនីចុះបញ្ចីមានចំនួនសរុប ៧៩៤ គ្រឿង ក្នុងនោះរថយន្តមានចំនួន ៤០៨ គ្រឿង ម៉ូតូកង់បីមានចំនួន ៣៥៥ គ្រឿងនិងម៉ូតូមានចំនួន ៣១ គ្រឿង បើប្រៀបធៀបរវាងការចុះបញ្ជីយានយន្តអគ្គិសនីក្នុងឆ្នាំ២០២២ ដែលមានចំនួន៦៦២ គ្រឿង និងឆ្នាំ២០២១ យានយន្តអគ្គិសនី មានចំនួន ៦៣ គ្រឿងមានគឺកំណើនប្រមាណ៩៥១ភាគរយ។
ចំណែកនៅខែមករា ឆ្នាំ២០២៣ រថយន្តអគ្គិសនីចំនួន ៦២ គ្រឿង បានធ្វើការចុះបញ្ជីជាមួយក្រសួងសាធារណការ និងដឹកជញ្ជូន ហើយបើប្រៀបធៀបនឹងខែមករា ឆ្នាំ២០២២ គឺមានកំណើនរថយន្តអគ្គិសនីចុះបញ្ជីប្រមាណ១២៤ ភាគរយ។
រីឯស្ថានីយចំណតរថយន្តអគ្គិសនី បច្ចុប្បន្នមាន ១៣ ទីតំាង ក្នុងនោះនៅក្រសួងសាធារណការ និងដឹកជញ្ជូន ៤ ទីតំាង, នៅផ្សារទំនើបអ៊ីអនសែនសុខ ចំនួន ១ទីតំាង, នៅស្ថានីយ៍ប្រេងឥន្ទនៈតូតាល់ព្រៃស ១ ទីតំាង, ស្ថានីយ៍ប្រេងឥន្ទនៈភីធីធី ៣ ទីតំាង, នៅខេត្តសៀមរាប ១ ទីតំាង, នៅខេត្តព្រះសីហនុ ១ទីតំាង, នៅខេត្តបាត់ដំបង ១ទីតំាង, នៅខេត្ត មណ្ឌលគិរី ១ទីតំាង៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៦ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore