ខេត្តបាត់ដំបង នឹងរៀបចំព្រឹត្តិការណ៍សង្ក្រាន្ត​រយៈពេល៥ថ្ងៃ

ក្នុងឱកាសបុណ្យចូលឆ្នាំខ្មែរខាងមុខ រដ្ឋបាលខេត្តបាត់ដំបង សហការជាមួយសហភាពសហព័ន្ធយុវជនកម្ពុជា ខេត្តបាត់ដំបង និងមន្ទីរពាក់ព័ន្ធផ្សេងៗទៀត នឹងរៀបចំព្រឹត្តិការណ៍សង្ក្រាន្តរយៈពេល៥ថ្ងៃ ចាប់បីថ្ងៃទី ១២ ដល់ថ្ងៃទី១៦ ខែមេសា ឆ្នាំ២០២៣។ នេះបើតាមក្រសួងទេសចរណ៍។

រូបភាព៖សង្រ្កាន្តបាត់ដំបង Sankranta Battambang

បើតាមក្រសួងទេសចរណ៍ដដែល ព្រឹត្តិការណ៍សង្ក្រាន្តនៅខេត្តបាត់ដំបង នឹងប្រារព្ធនៅបរិវេណវិទ្យាល័យនេតយ៉ង់ និងរូបសំណាកលោកតាដំបងក្រញ៉ូង ក្រុងបាត់ដំបង។ នៅក្នុងរយៈពេល ៥ថ្ងៃនៃសង្ក្រាន្តនេះ គឺនឹងរៀបចំឲ្យមាននូវកម្មវិធីសំខាន់ៗដូចជា តន្ត្រីសម័យ, ការតាំងពិព័រណ៍ផ្សេងៗ, តំបន់ត្រជាក់ចិត្ត, ភូមិម្ហូបខ្មែរ, តន្រ្តីស្រុកស្រែ, តំបន់សាសនា, ភូមិន ស.ស..យ.ក និងអាហារនៃសេចក្តីស្រឡាញ់ជាដើម។

រូបភាព៖សង្រ្កាន្តបាត់ដំបង Sankranta Battambang

រូបភាព៖សង្រ្កាន្តបាត់ដំបង Sankranta Battambang

រូបភាព៖សង្រ្កាន្តបាត់ដំបង Sankranta Battambang

គួរបញ្ជាក់ថា ក្នុងឱកាសបុណ្យចូលឆ្នាំខ្មែរឆ្នាំ២០២៣ ខេត្តបាត់ដំបងបានរៀបចំ និងតុបតែងលំអយ៉ាងស្រស់ស្អាតនៅតាមទីកន្លែងផ្សេងៗតាមដងផ្លូវ ទីធ្លាសាធារណៈជាដើម ដើម្បីទទួលជនរួមជាតិសម្រាប់បុណ្យប្រពៃណីជាតិមួយនេះ។ ជាមួយគ្នានេះ ក៏មានជាការដាក់តាំងនូវក្រឡានយក្ស ដែលរៀបចំដោយ ស.ស.យ.ក ស្រុកឯកភ្នំ សម្រាប់ដាក់តាំងនៅវិទ្យាល័យនេតយ៉ង់ផងដែរ៕

រូបភាព៖សង្រ្កាន្តបាត់ដំបង Sankranta Battambang