Connect with us

ព័ត៌មានជាតិ

កម្របានឃើញ ការប្រើផ្កាក្រមួន ក្នុងពិធី «ឆ្លងចេត្រ» របស់អ្នកស្រុកជីក្រែង ខេត្តសៀមរាប

បានផុស

នៅ

ក្នុងរូបភាពចែករំលែកប៉ុន្មានសន្លឹកនៃការរៀបចំពិធីបុណ្យ របស់អ្នកស្រុកឃុំខ្វាវ គឺឃើញមានគេជ្រៀកឬស្សីផ្គុំជារូប ព្រះវិហារ ហើយយកផ្កាក្រមួនទៅបិទពីលើឆ្អឹងឬស្សីនោះ។ បើយោងតាមការសិក្សា របស់វិទ្យាស្ថានមនុស្សសាស្ត្រ​និងវិទ្យាសាស្ត្រសង្គម ផ្កាក្រមួនដែលគេផ្តុំឡើងនេះ គឺសម្រាប់ប្រើក្នុងពិធី «ឆ្លងចេត្រ» ដែលអ្នកស្រុកឃុំខ្វាវ ស្រុកជីក្រែង រៀបចំធ្វើដើម្បីឆ្លងឆ្នាំចាស់ ផ្លាស់ចូលឆ្នាំថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្កាក្រមួន ជាផ្កាដែលគេធ្វើឡើងពីក្រមួនឃ្មុំសម្រាប់ប្រើក្នុងពិធី «ឆ្លងចេត្រ» ដ៏សំខាន់របស់អ្នកស្រុកឃុំខ្វាវ ដែលកម្របានឃើញ។ តាមការសិក្សារបស់ វិទ្យាស្ថានមនុស្សសាស្ត្រនិងវិទ្យាសាស្ត្រសង្គម បង្ហាញថា ការហៅបែបនេះ គឺជាហៅតាមអ្នកស្រុករស់នៅភូមិព្រះធាតុ ឃុំខ្វាវ ស្រុកជីក្រែង ខេត្តសៀមរាប។

ក្នុងការរៀបចំកម្មវិធីនេះ ក្រមួន​ត្រូវបានគេសិតរាងដូចក្បឿងសម្រាប់ប្រក់ដំបូល ឯគ្រឿងឆ្អឹងផ្កាក្រមួន គេធ្វើពីឬស្សី និងដើមគ។ បន្ទាប់ពីធ្វើផ្កាក្រមួនរួច គេហែរដាក់លើសង្ឃឹក ទៅកាន់ព្រះវិហារដែលជាទីរៀបចំកិច្ចពិធី «ឆ្លងចេត្រ» តែម្តង។

សូមទស្សនាវីដេអូកម្មវិធី

គួរបញ្ជាក់ថា របៀបនៃការធ្វើផ្កាក្រមួននេះ គឺគេយកក្រមួនឃុំទៅស្ល ដោយដាក់ក្នុងឆ្នាំង ឬចានមួយ ត្រួតលើឆ្នាំង ឬក្លាំមួយផ្សេងទៀត ដែលមានទំហំធំជាង និងដាក់ទឹក (ដូចគ្នាទៅនឹងការចំហុយម្ហូបដែរ)។ នៅពេលដែលក្រមួននោះ រលាយជាទឹករាវៗហើយ គេទុកឲ្យក្រមួននោះថមថយកំដៅបន្តិច ប៉ុន្តែប្រាកដថា វានៅតែរាវដដែលមិនទាន់កក ទើបគេប្រើឧបករណ៍ជាពុម្ព តាមរូបរាងដែលគេចង់បាន ទៅជ្រលក់យកជារាងតាមពុម្ព ហើយដាក់ចូលទឹកត្រជាក់ ដើម្បីឲ្យរឹងល្អ។ បន្ទាប់មកទៀត គេអាចយកវាទៅបិទជារូបរាងផ្សេងៗ នោះគេនឹងទទួលបានតាមការចង់បាន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៩ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ១២ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ១៣ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ១៣ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម