ព័ត៌មានជាតិ
លោក លាង ដឺលុច៖ ការវិវត្តនៃវិស័យសារព័ត៌មានហួសហេតុ អាចនាំឱ្យខូចគុណភាពនៃអំណាន
នៅក្នុងប្រទេសកម្ពុជាបច្ចុប្បន្ន អង្គភាពសារព័ត៌មានដែលបានចុះបញ្ជីដោយក្រសួងព័ត៌មាន មានរហូតដល់ជាង ២ពាន់ស្ថាប័ន។ ដោយសារការកើនឡើងនៃចំនួនអង្គភាពសារព័ត៌មាន លោក លាង ដឺលុច នាយកប្រតិបត្តិក្លឹបអ្នកកាសែតកម្ពុជា បានបង្ហាញពីក្តីព្រួយបារម្ភ និងប៉ះពាល់មួយចំនួនលើការវិវត្តនៃវិស័យសារព័ត៌មានកាន់តែមានសន្ទុះខ្លាំងឡើងៗ។
លើកឡើងនៅក្នុងកិច្ចពិភាក្សាពិសេសរបស់«កម្ពុជាថ្មី» កាលពីពេលថ្មីៗកន្លងទៅនេះ លោក លាង ដឺលុច បានលើកឡើងថា ក្នុងនាមលោកជាមនុស្សម្នាក់ដែលបានដើរនៅក្នុងវិស័យសារព័ត៌មានដូចគ្នា អ្វីដែលជាក្តីព្រួយបារម្ភនោះគឺការវិវត្តខ្លាំងនៃបច្ចេកវិទ្យាឌីជីថល ពេលខ្លះអាចប៉ះពាល់ដល់គុណភាពសារព័ត៌មាន ជាពិសេសការកើនឡើងនៃវិស័យសារព័ត៌មាននៅក្នុងប្រទេសកម្ពុជាពីមួយថ្ងៃទៅមួយថ្ងៃ។
លោក លាង ដឺលុច បានឱ្យដឹងថា បច្ចុប្បន្ន វិស័យសារព័ត៌មានកាន់តែប្រែប្រួលបន្តិចម្តងៗ រហូតពេលខ្លះអាចធ្វើឱ្យបាត់បង់គុណភាពនៃអំណានអត្ថបទ ការសរសេរកាន់តែខ្លីជាងមុន មិនមានភាពស៊ីជម្រៅ ព្រមទាំងការអានអត្ថបទជាដើម។ មួយវិញទៀត មានសារព័ត៌មានមួយចំនួនដើម្បីអាចផ្ទាប់ចិត្តដល់អ្នកអាន ឈានដល់លែងធ្វើព័ត៌មានដែលមានគុណភាពតទៀត។
ត្រង់ចំណុចនេះដែរ នាយកប្រតិបត្តិក្លឹបអ្នកការសែតកម្ពុជាបានពន្យល់ថា «វាអាចផ្ដល់អត្ថប្រយោជន៍ដល់សារព័ត៌មានមួយចំនួន ក្នុងការធ្វើព័ត៌មានបានលឿន ថ្មីៗ និងឆាប់រហ័ស ប៉ុន្តែជាក់ស្ដែងការធ្វើនូវព័ត៌មានខ្លី បានធ្វើឱ្យពួកគេលែងធ្វើព័ត៌មានស៊ីជម្រៅបន្តទៀត ដែលនាំឱ្យបាត់តម្លៃឬអាចប៉ះពាល់ដល់សង្គមជាដើម»។
លោក លាង ដឺលុច បានគូសបញ្ជាក់បន្ថែមថា នៅពេលមានការវិវត្តច្រើនហួសហេតុនៃសារព័ត៌មាន ក៏ដូចជាគុណភាពនៃព័ត៌មាន អ្វីជាចំណុចនៃការព្រួយបារម្ភ យើងក៏មិនទាន់ដឹងទេថានឹងមានអ្វីកើតមាន ឬអាចរំខាននាពេលខាងមុខទៀត៕
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៣ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន