Connect with us

ព័ត៌មានជាតិ

បក្ស៥បន្ថែមទៀតត្រូវបាន គ.ជ.ប ទទួលស្គាល់ជាផ្លូវការសម្រាប់ឈរឈ្មោះបោះឆ្នោតខាងមុខ

បានផុស

នៅ

គណៈកម្មាធិការជាតិរៀបចំការបោះឆ្នោត (គ.ជ.ប) កាលពីថ្ងៃចន្ទម្សិលមិញ បានសម្រេចទទួលស្គាល់ជាផ្លវការលើពាក្យចុះបញ្ជីរបស់គណបក្សឈរឈ្មោះចំនួន៥ បន្ថែមទៀតសម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧នេះ។ បើគិតត្រឹមថ្ងៃទី១៥ ខែឧសភា គណបក្សនយោបាយចំនួន១៨ហើយ ដែលត្រូវបានសម្រេចទទួលស្គាល់ដោយ គ.ជ.ប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសេចក្ដីប្រកាសរបស់ គ.ជ.ប គណបក្សនយោបាយទាំង៥ ដែល គ.ជ.ប បានសម្រេចទទួលស្គាល់ជាផ្លូវការ នៅថ្ងៃទី១៥ ខែឧសភា រួមមាន គណបក្សជនជាតិដើមប្រជាធិបតេយ្យកម្ពុជា គណបក្សខ្មែរឈប់ក្រ គណបក្សខ្មែរអភិវឌ្ឍន៍សេដ្ឋកិច្ច គណបក្សកសិករ និងគណបក្សស្ត្រីដើម្បីស្ត្រី។

ដោយឡែក គណបក្សភ្លើងទៀន គឺត្រូវបាន គ.ជ.ប សម្រេចបដិសេធការចុះបញ្ជីឈរឈ្មោះបោះឆ្នោតរបស់គណបក្សនេះ ដោយហេតុថា គណបក្សភ្លើងទៀន មិនបានបំពេញបន្ថែមនូវចំណុចខ្វះខាត តាមលក្ខខណ្ឌ និងនីតិវិធីកំណត់។

គួរជម្រាបថា បើគិតត្រឹមថ្ងៃទី១៥ ខែឧសភា ឆ្នាំ២០២៣ គណៈកម្មាធិការជាតិរៀបចំការបោះឆ្នោត បានសម្រេចទទួលស្គាល់ជាផ្លូវការលើការចុះបញ្ជីរបស់គណបក្សឈរឈ្មោះ និងបញ្ជីបេក្ខជនឈរឈ្មោះចំនួន១៨គណបក្ស ក្នុងចំណោមគណបក្សនយោបាយចំនួន២០ ដែលបានដាក់ពាក្យសុំចុះបញ្ជីឈរឈ្មោះនៅ គ.ជ.ប សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម