រដ្ឋមន្ត្រីក្រសួងវប្បធម៌ អញ្ជើញសួរសុខទុក្ខជំងឺអ្នកសិល្បៈ ហាត់សមបិទស៊ីហ្គេម

បណ្ឌិតសភាចារ្យ ភឿង សកុណា អញ្ជើញចុះសួរសុខទុក្ខសិល្បករ សិល្បការិនី ដែលកំពុងសម្រាកព្យាបាល និងថែទាំសុខភាព ក្នុងអំឡុងពេលនៃការហាត់សមសម្តែងទស្សនីយភាពសម្រាប់ពិធីបិទកីឡាសុីហ្គេម

បណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានគណៈកម្មការទទួលរៀបចំទស្សនីយភាពពិធីបើកបិទកីឡាសុីហ្គេមលើកទី៣២ និងកីឡាអាស៊ានប៉ារ៉ាហ្គេមលើកទី ១២ បានអញ្ជើញចុះសួរសុខទុក្ខសិល្បករ សិល្បការិនី ដែលកំពុងសម្រាកព្យាបាល និងថែទាំសុខភាព ក្នុងអំឡុងពេលនៃការហាត់សមសម្តែងទស្សនីយភាពសម្រាប់ពិធីបិទកីឡាសុីហ្គេម។

ការអញ្ជើញសួរសុខទុក្ខផ្ទាល់នេះ ធ្វើឡើង នៅមណ្ឌលសុខភាព នៃពហុកីឡដ្ឋានជាតិមរតកតេជោ នារសៀលថ្ងៃទី១៥ ខែឧសភា ឆ្នាំ២០២៣។

បណ្ឌិតសភាចារ្យ ភឿង សកុណា បានថ្លែងអំណរគុណសិល្បករ សិល្បការិនី ដែលខិតខំហាត់សមបិទស៊ីហ្គេមដើម្បីមុខមាត់ប្រទេសជាតិ ខណៈអាកាសធាតុក្ដៅ។ បណ្ឌិតសភាចារ្យបានផ្ដាំផ្ញើឱ្យសិល្បៈខំថែសុខភាព និងជូនពរឆាប់ជាសះស្បើយ។

គួរបញ្ជាក់ថា ពិធីបិទកីឡាសុីហ្គេមលើកទី៣២ នឹងប្រារព្ធធ្វើឡើងនៅវិមានពហុកីឡដ្ឋានជាតិមរតកតេជោ នាថ្ងៃទី១៧ ខែឧសភា ឆ្នាំ២០២៣ ដោយមានសិល្បករសិល្បការិនីចូលរួមសម្តែងសរុប ជាង ២០០០នាក់៕