ព័ត៌មានជាតិ
ប្រតិភូ គ.ជ.ប កម្ពុជា រួមជាមួយអ្នកសង្កេតការណ៍ ២៤ប្រទេសផ្សេងទៀត បានចូលរួមសង្កេតការណ៍បោះឆ្នោតនៅថៃ
លោក ហង្ស ពុទ្ធា សមាជិក និងជាអ្នកនាំពាក្យ គ.ជ.ប កាលពីល្ងាចថ្ងៃទី ១៥ ខែឧសភា បានអញ្ជើញដឹកនាំគណៈ ប្រតិភូ គ.ជ.ប ត្រឡប់មកដល់រាជធានីភ្នំពេញវិញហើយ បន្ទាប់ពីបានចូលរួមសង្កេតការណ៍បោះឆ្នោតអន្តរជាតិ (EOP) សម្រាប់ការបោះឆ្នោតជ្រើសតាំងតំណាងរាស្រ្ត ឆ្នាំ២០២៣ ក្នុងប្រទេសថៃ។
លោក ហង្ស ពុទ្ធា បានឲ្យដឹងក្នុងសន្និសីទសារព័ត៌មានថា គណៈប្រតិភូ គ.ជ.ប ពីររូប ដែលរួមមានលោករូបផ្ទាល់ និងមន្ត្រី គ.ជ.ប មួយរូបទៀត បានទៅចូលរួមសង្កេតការណ៍ជាមួយអ្នកសង្កេតការណ៍អន្តរជាតិចំនួន ៨០នាក់ មកពី ២៤ ប្រទេស សម្រាប់ការបោះឆ្នោតជ្រើសតាំងតំណាងរាស្រ្ត ក្នុងប្រទេសថៃ កាលពីថ្ងៃទី ១៤ ខែឧសភា ឆ្នាំ ២០២៣កន្លងទៅនេះ។
លោកបានឲ្យដឹងថា រូបលោក និងអ្នកសង្កេតការណ៍អន្តរជាតិផ្សេងទៀត បានទៅសង្កេតការណ៍បោះឆ្នោតនៅទីក្រុងបាងកក និងនៅខេត្តចំនួនពីរផ្សេងទៀត។ រូបលោក និងអ្នកសង្កេតការណ៍ផ្សេងទៀត បានសង្កេតមើលការបោះឆ្នោត នៅប្រទេសថៃ ចាប់តាំងពីការបើកការិយាល័យបោះឆ្នោត ការបោះឆ្នោត ការបិទការិយាល័យបោះឆ្នោត និងលទ្ធផលនៃការបោះឆ្នោតនេះផងដែរ។
លោក ហង្ស ពុទ្ធា បានកត់សម្គាល់ថា ដំណើរការប្រព្រឹត្តទៅនៃការបោះឆ្នោតជាទៀងទាត់ នៅក្នុងសង្គមប្រជាធិបតេយ្យ គឺជាសញ្ញារីកចម្រើននៃលទ្ធិប្រជាធិបតេយ្យ ហើយការរៀបចំការបោះឆ្នោតជាទៀងទាត់នេះ គឺខ្នាតអភិវឌ្ឍន៍នៃលទ្ធិប្រជាធិបតេយ្យ។ សម្រាប់ប្រទេសកម្ពុជាវិញ ក៏បានរៀបចំការបោះឆ្នោតជាទៀងទាត់ ផងដែរ។
អ្នកនាំពាក្យ គ.ជ.ប រូបនេះ បានបន្ថែមថា «ដូចជាកម្ពុជាដែរ ក្រោយពីកម្ពុជាទទួលបានការបោះឆ្នោត ដែលរៀបចំដោយអ៊ុនតាក់ កម្ពុជាមានការប្ដេជ្ញាក្នុងការបោះឆ្នោតជាទៀងទាត់ ៥ឆ្នាំម្ដង សម្រាប់ការបោះឆ្នោតទូទៅ អញ្ចឹងកម្ពុជាក៏កំពុងឆ្ពោះទៅធ្វើឲ្យលទ្ធិប្រជាធិបតេយ្យហ្នឹង កាន់តែមានភាពល្អប្រសើរឡើង»។
សូមជម្រាបថា លោក ហង្ស ពុទ្ធា សមាជិក និងអ្នកនាំពាក្យ គ.ជ.ប បានដឹកនាំគណៈប្រតិភូ គ.ជ.ប កម្ពុជា ទៅចូលរួមកម្មវិធីសង្កេតការណ៍បោះឆ្នោតអន្តរជាតិ (EOP) សម្រាប់ការបោះឆ្នោតជ្រើសតាំងតំណាងរាស្រ្ដ ឆ្នាំ ២០២៣ នៅប្រទេសថៃ រយៈពេល ៥ថ្ងៃ ចាប់ពីថ្ងៃទី ១១ ដល់ថ្ងៃទី ១៥ ខែឧសភា ឆ្នាំ ២០២៣ ដែលតបតាមការអញ្ជើញរបស់ការិយាល័យ គណៈកម្មការរៀបចំការបោះឆ្នោតថៃ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង