ព័ត៌មានជាតិ
លោក ព្រាប កុល នឹងទទួលបន្ទុកលើការងារ វិនិយោគ កំណែទម្រង់ និងកិច្ចការបរទេស
ក្រោយទទួលបានការតែងតាំងជារដ្ឋមន្ត្រីប្រតិភូអមនាយករដ្ឋមន្ត្រី លោក ព្រាប កុល នឹងត្រូវទទួលបន្ទុកជួយនាយករដ្ឋមន្ត្រីលើការងារវិនិយោគ កំណែទម្រង់ និងកិច្ចការបរទេស។ នេះបើតាមការបញ្ជាក់របស់លោក ព្រាប កុល ក្នុងសន្និសីទសារព័ត៌មាន នៅព្រឹកថ្ងៃអង្គារ៍នេះ។
លោក ព្រាប កុល បានបញ្ជាក់យ៉ាងដូច្នេះថា៖ «ក្រោយជំនួបពិភាក្សាជាមួយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា អស់រយៈពេលជាង៤ម៉ោង សម្ដេចបានយល់ស្រប និងអនុញ្ញាតឲ្យខ្ញុំធ្វើកិច្ចការតាមជំនាញ បទពិសោធន៍ និងទេពកោសល្យដែលមាន ជាពិសេស ការងារពាក់ព័ន្ធនឹងការវិនិយោគ កិច្ចការបរទេស និងការកំណែទម្រង់លើកិច្ចការមួយចំនួន»។
លោក បានបញ្ជាក់បន្ថែមថា លោកក៏នឹងធ្វើការពាក់ព័ន្ធទៅនឹងផ្នែកស្នូលនៃយុទ្ធសាស្ត្រអភិវឌ្ឍន៍ជាតិមួយចំនួន ដូចជាអភិបាលកិច្ចល្អ និងការចូលរួមផ្តល់មតិយោបល់ ឬធាតុចូលក្នុងការតាត់តែងគោលនយោបាយនានា ដោយធ្វើការផ្ទាល់ជាមួយនាយករដ្ឋមន្ត្រី និងជាមួយស្ថាប័នពាក់ព័ន្ធផ្សេងៗទៀតតាមតម្រូវការជាក់ស្ដែង។
តាមរយៈភារកិច្ចទាំងនេះ លោក ព្រាប កុល បានមើលឃើញថា ពិតជាមានសារៈសំខាន់ណាស់សម្រាប់ចូលរួមអភិវឌ្ឍសេដ្ឋកិច្ចជាតិផង និងសម្រាប់កិច្ចការរដ្ឋបាលសាធារណៈផង ដែលអាចផ្តល់ផលប្រយោជន៍ដល់សង្គមកម្ពុជាទាំងមូល។ ត្រង់ន័យនេះ លោកបានថ្លែងថា នេះជាពេលវេលាសមស្របមួយ ដែលលោកត្រូវសម្រេចចិត្តចូលរួមបម្រើជាតិ តាមរយៈរាជរដ្ឋាភិបាលកម្ពុជា ដើម្បីអាចបន្តប្រើប្រាស់ចំណេះដឹង ជំនាញឯកទេស និងទេពកោសល្យ ខណៈដែលលោកនៅមានថាមពល និងស្របតាមបរិការណ៍សង្គម-សេដ្ឋកិច្ច ក៏ដូចជាអន្តរជាតិ។
លោក ព្រាប កុល បានគោរពថ្លែងអំណរគុណយ៉ាងជ្រាលជ្រៅចំពោះសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានផ្ដល់នូវសេចក្តីទុកចិត្ត និងផ្ដល់ឱកាសដល់លោកបានចូលរួមបម្រើជាតិ តាមរយៈរាជរដ្ឋាភិបាលកម្ពុជា ហើយលោក សង្ឃឹម និងជឿជាក់ថា សម្តេចតេជោនាយករដ្ឋមន្ត្រី នឹងផ្ដល់ការគាំទ្រ និងមធ្យោបាយគ្រប់គ្រាន់ ដើម្បីឲ្យលោកមានលទ្ធភាពចូលរួមបំពេញការងារទាំងនេះមានប្រសិទ្ធភាពខ្ពស់៕
ដោយ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង