ព័ត៌មានជាតិ
លោក ព្រាប កុល៖ ស្ថិរភាពនយោបាយនៅកម្ពុជា ជាកត្តាអំណោយផលសម្រាប់ការវិនិយោគ
លោក ព្រាប កុល រដ្ឋមន្ត្រីប្រតិភូអមនាយករដ្ឋមន្ត្រី លើកឡើងថា ស្ថិរភាពនយោបាយ ជាកត្តាអំណោយផលសម្រាប់ការវិនិយោគ និងការធ្វើពាណិជ្ជកម្មរបស់ក្រុមហ៊ុនបរទេសនៅកម្ពុជា។ លោក ព្រាប កុល លើកឡើងនេះនៅថ្ងៃទី៦ ខែមិថុនានេះ ក្នុងជំនួបជាមួយសហគ្រាសចិនដែលកំពុងស្វែងរកឱកាសវិនិយោគនៅកម្ពុជា។
ប្រតិភូសហគ្រាសចិននេះ ដឹកនាំដោយលោក ដាយ យូមីង (DAI YOUMING) ប្រធានក្រុមហ៊ុន ផោវ័រ ឆាយណា អ៊ីនធ័រណេតសិនណល គ្រុប (Power China International Group) ដែលមានស្នាក់ការកណ្តាលនៅទីក្រុង ប៉េកាំង សាធាររដ្ឋប្រជាមានិតចិន។
ក្នុងឱកាសនោះ គណៈប្រតិភូចិន បានណែនាំអំពីសហគ្រាសរបស់ខ្លួន និងធ្វើបទបង្ហាញអំពីគោលបំណងនៃការសិក្សាស្វែងរកឱកាសវិនិយោគនៅកម្ពុជា។
តាងនាមសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា លោក ព្រាប កុល ដែលជារដ្ឋមន្ត្រីប្រតិភូអមនាយករដ្ឋមន្ត្រី ទទួលភារកិច្ចលើផ្នែកវិនិយោគបរទេស ទំនាក់ទំនងអន្តរជាតិ និងកំណែទម្រង់អភិបាលកិច្ច បានសម្ដែងនូវការស្វាគមន៍យ៉ាងកក់ក្តៅ និងបានថ្លែងអំណរគុណចំពោះគណ:ប្រតិភូសហគ្រាសចិន ដែលបានមកសិក្សាអំពីឱកាសវិនិយោគនៅកម្ពុជា។
លោក ព្រាប កុល បានផ្តល់ការណែនាំអំពីចក្ខុវិស័យរបស់រាជរដ្ឋាភិបាលកម្ពុជា ក៏ដូចជាច្បាប់ នីតិវិធី និងក្រសួង-ស្ថាប័នពាក់ព័ន្ធ ដែលសហគ្រាស ឬក្រុមហ៊ុនបរទេសត្រូវបំពេញ និងអនុវត្តន៍ នៅពេលវិនិយោគនៅកម្ពុជា។
លោក ព្រាប កុល បានបន្តថា រាជរដ្ឋាភិបាល ក៏នឹងផ្ដល់អត្ថប្រយោជន៍ផ្សេងៗ ដែលសហគ្រាស និងក្រុមហ៊ុនបរទេសទទួលបានពីការវិនិយោគនៅកម្ពុជា ជាពិសេស កត្តាអំណោយផល និងបរិយាកាសដ៏ល្អសម្រាប់ការធ្វើពាណិជ្ជកម្ម ដោយសារ កម្ពុជាធានាបានស្ថេរភាពនយោបាយ មានហេដ្ឋារចនាសម្ព័ន្ធសមរម្យ និងមានគុណសម្បត្តិសម្រាប់ការប្រកួតប្រជែងជាដើម។
ជាការឆ្លើយតប គណៈប្រតិភូសហគ្រាសចិន បានថ្លែងអំណរគុណដល់លោក ព្រាប កុល ដែលបានផ្តល់កិត្តិយស និងឱកាសសម្រាប់ការជួបពិភាក្សានៅថ្ងៃនេះ ហើយសង្ឃឹមថា លោក ព្រាប កុល បន្តជួយគាំទ្រ និងសហការជាមួយក្រុមហ៊ុន ក្នុងការសិក្សាពីឱកាសវិនិយោគនៅកម្ពុជារហូតដល់ក្រុមហ៊ុនអាចបោះទុនវិនិយោគដ៏ធំនៅពេលខាងមុខ ដើម្បីចូលរួមចំណែកជួយដល់កំណើនសេដ្ឋកិច្ចនៅកម្ពុជានាពេលអនាគត៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង