Connect with us

ព័ត៌មានជាតិ

យុវតីវ័យ១៨ឆ្នាំម្នាក់បង្ខំចិត្តធ្វើរឿងមួយ ព្រោះមិនហ៊ានប្រកែកជាមួយឪពុកបង្កើត

បានផុស

នៅ

បាត់ដំបង៖ យុវតីវ័យ ១៨ឆ្នាំម្នាក់ បានបង្ខំចិត្ត សម្លាប់ខ្លួន  ព្រោះតែអន់ចិត្តនិងឪពុកបង្កើត តែងបង្ខំឲ្យទៅរកការងារ ធ្វើឃ្លាតឆ្ងាយពីស្រុកកំណើត។ ការសម្រេចបញ្ចប់ជីវិតរបស់យុវតី វ័យ១៨ឆ្នាំរូបនេះ ធ្វើឡើងដោយយកខ្សែក្រវ៉ាត់ ជាមធ្យោបា យដើម្បីធ្វើអត្តឃាតចងក នៅលើផ្ទះរបស់ខ្លួន បង្កការភ្ញាក់ផ្អើលដល់អ្នកភូមិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ករណីខាងលើបានកើតឡើង នៅថ្ងៃទី២៨ ខែឧសភា ឆ្នាំ២០២៣ នៅវេលាម៉ោង០៨ និង១០នាទីព្រឹក នៅភូមិកូនខ្លុង ឃុំព្រៃតូច ស្រុកមោងឫស្សី ខេត្តបាត់ដំបង ។ ជនរងគ្រោះឈ្មោះ ហ៊ិន ស្រីល័ក្ខ ភេទស្រី អាយុ​១៨ឆ្នាំរស់នៅចំណុចភូមិ​ ឃុំ កើតហេតុខាងលើ​ បានចងកនឹងចង្រឹងបង្អួចផ្ទះ ដោយខ្សែក្រវ៉ាត់។

បើតាមសម្តីឪពុកជនរងគ្រោះបានប្រាប់ពីមូលហេតុ ដែលនាំឲ្យកូនស្រីរបស់ខ្លួន ឈានដល់ធ្វើអត្តឃាតសម្លាប់ខ្លួននេះ មកពីលោកតែងបង្ខំឲ្យកូនទៅរកការងារធ្វើនៅប្រទេសថៃ ហើយកូនមិនចង់ទៅ ក៏ទំនងតូចចិត្តខ្លាំងសុខចិត្តបញ្ចប់ ជីវិតតែម្តង។ ស្រដៀងនិងសម្តីឪពុកជរងគ្រោះនេះដែរ អ្នកជិតខាងក៏បានបង្ហើបដែរថា ជាទូទៅស្រីល័ក្ខ (ជនរងគ្រោះ) តែងនិយាយរអ៊ួរទាំពីឪពុកខ្លួនដែលតែងបង្ខំឲ្យទៅធ្វើការនៅស្រុកថៃ តែខ្លួនមិនចង់ទៅ ហើយទំនង នាងអស់ ជម្រើសក៏សម្រេចបែបនេះតែម្តង។

បើទោះបីបែបណា សម្រាប់ក្រុមគ្រួសារ ជនរងគ្រោះក៏មានការសោកស្តាយផងដែរ ហើយអ្វីៗមកដល់ពេល នេះក៏វាហួសពេលទៅហើយដែរ។ ក្រុមគ្រួសារមួយនេះផ្តាំថា អ្វីក៏ដោយធ្វើយ៉ាងណាកុំ បង្ខំចិត្តកូននូវ អ្វីដែលគេមិនពេញចិត្ត ចុងក្រោយ គឺលទ្ធផលបែបនេះ។ បច្ចុប្បន្នក្រុមគ្រួសារកំពុងធ្វើបុណ្យឲ្យជន រងគ្រោះតាមប្រពៃណី៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម