ព័ត៌មានជាតិ
លក្ខខណ្ឌមួយចំនួនដែលអាចក្លាយជាមន្រី្តជំនាញកសិកម្មឃុំ
មន្ត្រីជាន់ខ្ពស់ក្រសួងកសិកម្ម បានឲ្យដឹងថា មន្រី្តជំនាញកសិកម្មឃុំ ត្រូវតែឆ្លងកាត់ការបណ្ដុះបណ្ដាល ចេញពីក្រសួងកសិកម្ម រុក្ខាប្រមាញ់ និងនេសាទ ហើយត្រូវតែបញ្ចប់ការសិក្សាថ្នាក់បរិញ្ញបត្រកសិកម្ម ឬក៏អ្នកដែលមានបទពិសោធន៍ខាងកសិកម្ម។
លោកបណ្ឌិត យ៉ង សាំងកុមារ រដ្ឋមន្រ្តីប្រតិភូអមនាយករដ្ឋមន្រ្តី និងរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ថា គោលនយោបាយកសិកម្មរបស់គណបក្សប្រជាជនកម្ពុជា សម្រាប់អាណត្តិទី ៧ គឺនឹងដាក់ពង្រាយមន្រ្តីជំនាញកសិកម្មឲ្យបានគ្រប់ឃុំ ដើម្បីបម្រើកសិករ និងលើកស្ទួយនិរន្តរភាពកសិកម្ម។
លោកបណ្ឌិត យ៉ង សាំងកុមារ បានផ្ដល់បទសម្ភាសន៍ជាមួយសារព័ត៌មាន «កម្ពុជាថ្មី» ថា រាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា សម្រាប់អាណត្តិទី ៧ ដែលមានក្រសួងកសិកម្ម រុក្ខាប្រមាញ់ និងនេសាទ ជាសេនាធិការរៀបចំមន្រី្តជំនាញកសិកម្មឃុំនៅទូទាំងប្រទេស ដើម្បីជួយសម្រួលដល់ការធ្វើកសិកម្មរបស់ប្រជាពលរដ្ឋ នៅតាមមូលដ្ឋាន។ លោកថា កន្លងមកមានតែមន្រ្តីជំនាញកសិកម្ម ទៅតាមសាលាស្រុក ឬការិយាល័យស្រុក តែប៉ុណ្ណោះ។
លោកបណ្ឌិត បានឲ្យដឹងបន្តថា យោងតាមអនុសាសន៍របស់សម្ដេចតេជោ ហ៊ុន សែន និងលោក ឌិត ទីណា រដ្ឋមន្ត្រីកសិកម្ម គឺជំហានដំបូងក្រសួងបានរៀបចំមន្រ្តីសម្របសម្រួលកសិកម្ម នៅតាមស្រុកជើងព្រៃ ចំនួន ១០ឃុំជាគំរូ និងទុកជាបទពិសោធន៍ ឬមេរៀន ដើម្បីឈានទៅដល់ការពង្រើកមន្រី្ដជំនាញកសិកម្ម ដាក់ទៅតាមភូមិ ឃុំដទៃទៀតឲ្យបានទូទាំងប្រទេស ក្រោយការបោះឆ្នោតជ្រើសតាំង តំណាងរាស្រ្ដ នីតិកាលទី ៧។
លោកបណ្ឌិត យ៉ង សាំងកុមារ បានបន្ថែមថា «និស្សិតស្ម័គ្រចិត្ត និងមន្រ្តីជំនាញកសិកម្ម ត្រូវតែឆ្លងកាត់ការបណ្ដុះបណ្ដាលចេញពីក្រសួងកសិកម្ម រុក្ខាប្រមាញ់ និងនេសាទ ហើយមន្រ្តីទាំងនោះ ត្រូវតែបញ្ចប់ការសិក្សាថ្នាក់បរិញ្ញបត្រ ពីសាកលវិទ្យាល័យភូមិន្ទកសិកម្ម វិទ្យាស្ថានជាតិកសិកម្ម (ព្រែកលៀប) និងសាកលវិទ្យាល័យកសិកម្មកំពង់ចាម ឬជ្រើសរើសអ្នកដែលមានបទពិសោធន៍ខាងកសិកម្ម នៅតាមមូលដ្ឋានស្រាប់»។ ចំណែកប្រាក់ឧបត្ថម្ភគាំទ្រ សម្រាប់មន្រ្តីទាំងនោះ គឺរៀបចំដូចទៅនឹង ប្រាក់បៀវត្សរបស់គ្រូបង្រៀននៅតាមស្ថាប័នរដ្ឋ។
លោកបណ្ឌិត យ៉ង សាំងកុមារ បានបញ្ជាក់ដែរថា មន្រ្តីជំនាញកសិកម្មទាំងអស់ បន្ទាប់ពីឆ្លងការបណ្ដុះបណ្ដាលរួចរាល់ហើយ ត្រូវបញ្ជូនឲ្យទៅបម្រើការតាមមូលដ្ឋានឃុំនៅទូទាំងប្រទេស។ ចំពោះការងាររបស់មន្រ្តីជំនាញកសិកម្ម គឺត្រូវចេះជួយសម្រួលដល់ការងារប្រជាពលរដ្ឋ ដូចជា៖ ផ្នែកបច្ចេកទេស កសិកម្ម ការប្រើប្រាស់ជី និងការកែឆ្នៃជីធម្មជាតិ ជៀសវាងការនាំចូលជីគីមីពីប្រទេសជិតខាង។
ម្យ៉ាងទៀត នៅពេលប្រជាកសិករជួបបញ្ហាតម្លៃទិន្នផលកសិកម្មធ្លាក់ចុះ គឺមន្រ្តីជំនាញកសិកម្មឃុំ ត្រូវមានតួនាទីបង្រៀន និងពន្យល់ប្រជាកសិករឲ្យចេះប្រមូលផ្ដុំគ្នាជាសមាគម ឬបង្កើតជាក្រុមមួយ ដើម្បីរួមគ្នាដោះស្រាយបញ្ហាប្រឈមជាមួយគ្នា។
សូមជម្រាបថា ការដាក់មន្ត្រីជំនាញកសិកម្មឃុំចំនួន ១០ នៅស្រុកជើងព្រៃ ខេត្តកំពង់ចាម គឺជាដំណើរការសាកល្បង និងជាគំរូមួយ ដើម្បីឈានទៅដល់ការពង្រើកបន្ថែមនៅឃុំផ្សេងៗទៀត និងឲ្យបានទូទាំងប្រទេស៕
អត្ថបទ៖ សួស សិត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ