ព័ត៌មានជាតិ

អ្នកឧកញ៉ា ឡេង ណាវ៉ាត្រា ដឹកនាំអ្នកសិល្បៈល្បីៗ ជាង ៥០ នាក់ និងអ្នកគាំទ្រ ហែតាមក្បួន ឯកឧត្ដមបណ្ឌិត ហ៊ុន ម៉ាណែត បើកយុទ្ធនាការឃោសនាបោះឆ្នោត

បានផុស

៣ years មុន

នៅ

ថ្ងៃអង្គារ ៤ កក្កដា ២០២៣

ដោយ

កាលពីថ្ងៃទី ១ កក្កដា ប្រមុខដឹកនាំគណបក្សប្រជាជនកម្ពុជា សម្ដេចតេជោ ហ៊ុន សែន បានថ្លែងសារនយោបាយសំខាន់ៗ នៅចំពោះមុខសមាជិក សមាជិកា សកម្មជន និងអ្នកគាំទ្រ ប្រមាណជាង ៧ ម៉ឺននាក់ នៅមជ្ឈមណ្ឌលកោះពេជ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយបញ្ចប់សេចក្ដីថ្លែងការណ៍ សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា បានប្រគល់ទង់គណបក្សជូនដល់ ឯកឧត្ដមបណ្ឌិត ហ៊ុន ម៉ាណែត ដើម្បីបើកយុទ្ធនាការឃោសនាបោះឆ្នោតជ្រើសតាំងតំណាងរាស្ត្រនីតិកាលទី ៧ ឆ្នាំ ២០២៣។

ភ្លាមៗ ឯកឧត្ដមបណ្ឌិត ហ៊ុន ម៉ាណែត រួមជាមួយអ្នកគាំទ្ររាប់ពាន់នាក់ បានចេញហែក្បួនព្យុហយាត្រានៅតាមបណ្ដោយមហាវិថី វិថី និងផ្លូវសំខាន់ៗ ទូទាំងរាជធានីភ្នំពេញ។

ជាមួយគ្នានោះ ក្នុងថ្ងៃបើកយុទ្ធនាការឃោសនាថ្ងៃដំបូង អ្នកឧកញ៉ា ឡេង ណាវ៉ាត្រា ក៏បានដឹកនាំអ្នកសិល្បៈល្បីៗ ជាង ៥០ នាក់ អ្នកប្រដាល់គុនខ្មែរ សិស្ស និស្សិត ជាច្រើនពាន់នាក់ ហែតាមពីក្រោយក្បួន ឯកឧត្ដមបណ្ឌិត ហ៊ុន ម៉ាណែត អ្នកតំណាងរាស្ត្រមណ្ឌលភ្នំពេញ និងជាបេក្ខភាពនាយករដ្ឋមន្ត្រីបន្តវេន ឯកឧត្ដម ឃួង ស្រេង ប្រធានគណបក្សរាជធានីភ្នំពេញ និង ឯកឧត្ដម ហេង សួរ សមាជិកយុវជនថ្នាក់កណ្ដាល បើកយុទ្ធនាការឃោសនាបោះឆ្នោតជ្រើសតាំងតំណាងរាស្ត្រនីតិកាលទី ៧ ឆ្នាំ ២០២៣ យ៉ាងគគ្រឹកគគ្រេងភ្លូកទឹកភ្លូកដី៕

ទស្សនាវីដេអូ៖

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា