ព័ត៌មានជាតិ
ខេត្តព្រះសីហនុ បើកសម្ពោធដាក់ឲ្យប្រើប្រាស់ជាផ្លូវការនូវកំពង់ផែទេសចរណ៍ថ្មី
កំពង់ផែទេសចរណ៍ខេត្តព្រះសីហនុ ដែលទើបសាងសង់ និងកែលម្អថ្មី ត្រូវបានសម្ពោធដាក់ឱ្យប្រើប្រាស់ជាផ្លូវការហើយកាលពីថ្ងៃទី០៦ ខែកក្កដា ឆ្នាំ២០២៣ កន្លងទៅថ្មីៗនេះក្រោមវត្តមានលោក ថោង ខុន រដ្ឋមន្ត្រីក្រសួងទេសចរណ៍ និងលោក គួច ចំរើន អភិបាលខេត្តព្រះសីហនុ។ កំពង់ផែថ្មីនេះ នឹងជាផ្នែកមួយនៃតំណភ្ជាប់សម្រាប់នាវាទេសចរណ៍ជាតិ និងអន្តរជាតិមកកាន់ខេត្តព្រះសីហនុបន្ថែមទៀត។
![](https://www.kampucheathmey.com/wp-content/uploads/2023/07/photo_2023-07-08_07-27-23-1024x682.jpg)
អ្នកឧកញ៉ា ទៀ វិចិត្រ អគ្គនាយកក្រុមហ៊ុន GTVC Import Export បានលើកឡើងថា កំពង់ផែទេសចរណ៍នេះ អាចផ្ទុកទូកទេសចរណ៍ទាំងតូច និងធំបានចំនួន ២០ គ្រឿងក្នុងពេលដំណាលគ្នា ហើយមានផ្តល់សេវាកម្មដឹកជញ្ជូនភ្ញៀវទេសចរតាមផ្លូវសមុទ្រទៅ និងមក រវាងខេត្តព្រះសីហនុ និងកោះទាំងឡាយនៅក្នុងខេត្តព្រះសីហនុ។
![](https://www.kampucheathmey.com/wp-content/uploads/2023/07/photo_2023-07-08_07-36-50-1024x768.jpg)
កំពង់ផែទេសចរណ៍ដែលទើបសម្ពោធថ្មីនេះ ស្ថិតនៅលើទីតាំងផ្ទៃដី ២២.០០០ ម៉ែត្រការ៉េ។ កំពង់ផែនេះ នឹងជំនួសកំពង់ផែចាស់ដែលកន្លងមកបានដំណើរការ តែក្នុងទំហំ និងប្រតិបត្តិការមានកម្រិតតិចតួច។ កំពង់ផែទេសចរណ៍ថ្មីនេះ ជាប្រភេទកំពង់ផែដែលសាងសង់ឡើងប្រកបដោយសុវត្ថិភាពខ្ពស់ និងមានគុណភាពជាលក្ខណៈស្តង់ដារអន្តរជាតិ ហើយមានកន្លែងកម្សាន្ត ភោជនីយដ្ឋាន និងហាងកាហ្វេល្បីៗជាច្រើនផងដែរ។សេវាកម្មដែលផ្តល់ជូននៅកំពង់ផែនេះ នឹងអាចផ្តល់នូវបទពិសោធន៍ដ៏ទំនើប ងាយស្រួល និងមានលក្ខណៈគ្រប់គ្រាន់គ្រប់ជ្រុងជ្រោយជូនដល់ភ្ញៀវទេសចរមកពីជុំវិញពិភពលោក ក្នុងការធ្វើដំណើរទៅមក និងមកពីទីតាំងទេសចរណ៍នានានៅតាមកោះនៃព្រះរាជាណាចក្រកម្ពុជា។
![](https://www.kampucheathmey.com/wp-content/uploads/2023/07/photo_2023-07-08_07-36-47-1024x576.jpg)
លោក គួច ចំរើន អភិបាលខេត្ត បានលើកឡើងថា កំពង់ផែនេះ នឹងក្លាយជាហេដ្ឋារចនាសម្ព័ន្ធដ៏សំខាន់មួយទៀតរបស់ខេត្ត ដែលជាសមិទ្ធផលបង្ហាញយ៉ាងច្បាស់ពីទំនុកចិត្តរបស់វិនិយោគិនមកលើការដឹកនាំប្រកបដោយចក្ខុវិស័យរបស់រាជរដ្ឋាភិបាលកម្ពុជា។ តាមរយៈកំពង់ផែថ្មីនេះ អភិបាលខេត្តព្រះសីហនុ មានទំនុកចិត្តយ៉ាងខ្លាំងថា ខេត្តព្រះសីហនុ នឹងអាចទទួលបាននាវាទេសចរណ៍ និងកប៉ាល់ទេសចរណ៍អន្តរជាតិខ្នាតធំកាន់តែច្រើនបន្ថែមទៀត ជាមួយនឹងចំនួនភ្ញៀវទេសចរអន្តរជាតិកាន់តែកើនច្រើនឡើង។ លោកក៏បានបញ្ជាក់ដែរថា ខេត្តព្រះសីហនុ ត្រៀមខ្លួនរួចជាស្រេចក្នុងការស្វាគមន៍ភ្ញៀវជាតិ និងអន្តរជាតិ មកទស្សនាមុខមាត់ថ្មីនៃតំបន់ទេសចរណ៍ប្រកបដោយសក្តានុពល និងសម្បូរបែបរបស់ខេត្ត រួមមានទាំងឆ្នេរសមុទ្រ សមុទ្រធម្មជាតិខៀវស្រងាត់ និងកោះនានាយ៉ាងស្រស់ស្អាតជាច្រើន៕
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ