ព័ត៌មានជាតិ
សមាគមវាយនភណ្ឌ រំលឹកសមាជិករបស់ខ្លួន អនុញ្ញាតឲ្យកម្មករឈប់សម្រាក ៣ថ្ងៃ ដើម្បីទៅបោះឆ្នោត
សមាគមវាយនភណ្ឌសម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) បាន រំលឹកសមាជិករបស់ខ្លួន អនុញ្ញាតឲ្យកម្មករ-និយោជិតរយៈពេល ៣ថ្ងៃ ដោយមានប្រាក់ឈ្នួល ដើម្បីទៅចូលរួមការបោះឆ្នោត នៅថ្ងៃទី ២៣ ខែកក្កដា ឆ្នាំ ២០២៣ខាងមុខ។
តាមរយៈសេចក្ដីណែនាំ នៅថ្ងៃទី ១៨ ខែកក្កដា ឆ្នាំ ២០២៣នេះ សមាគមវាយនភណ្ឌសម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) បានលើកឡើងថា សន្តិភាព និងស្ថិរភាពនយោបាយ បានក្លាយជាគ្រឹះដ៏រឹងមាំ ក្នុងការទាក់ទាញការវិនិយោគផ្ទាល់ពីបរទេស ដែលជាប្រភពនៃការបង្កើតការងារ និងជាក្បាលម៉ាស៊ីនសម្រាប់ការអភិវឌ្ឍសេដ្ឋកិច្ច។ រហូតមកដល់បច្ចុប្បន្ននេះ ប្រជា ពលរដ្ឋកម្ពុជា បានអនុវត្តសិទ្ធិបោះឆ្នោតរបស់ខ្លួន ក្នុងការបោះឆ្នោតជ្រើសរើសគណបក្ស ដែលខ្លួនស្រឡាញ់ ប្រកបដោយប្រជាធិបតេយ្យ។
បន្ថែមពីលើសេចក្តីណែនាំរបស់ក្រសួងការងារ និងបណ្តុះបណ្តាលវិជ្ជាជីវៈលេខ០៤៥/២៣ ក.ប/ស.ណ.ន. ខ.ល ស្តីពី ការបោះឆ្នោតជ្រើសតាំងតំណាងរាស្ត្រ សម្រាប់នីតិកាលទី ៧ នៃរដ្ឋសភា នៅថ្ងៃអាទិត្យ ទី ២៣ ខែកក្កដា ឆ្នាំ ២០២៣ សមាគមវាយនភណ្ឌសម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) បានរំលឹកដល់សមាជិករបស់ខ្លួនចំនួន ៣ចំណុច ដូចខាងក្រោម៖
១. សមាជិកទាំងអស់ មិនត្រូវបានអនុញ្ញាតឲ្យធ្វើការ នៅថ្ងៃទី ២២ ដល់ថ្ងៃទី ២៣ ខែកក្កដា ដោយសារច្បាប់បោះឆ្នោតចែងថា អំពើណាក៏ដោយដែលរារាំងដល់ការទៅបោះឆ្នោត គឺខុសច្បាប់។
២. ប្រសិនបើចាំបាច់ខ្លាំង សមាជិកអាចចរចាជាមួយកម្មករ-និយោជិត ដើម្បីត្រឡប់មកធ្វើការវិញ នៅថ្ងៃទី ២៤ ខែកក្កដា ដោយត្រូវផ្ដល់ប្រាក់ឈ្នួលបន្ថែមទៅតាមច្បាប់។
៣ មុនការឈប់សម្រាកបោះឆ្នោត ចាំបាច់ត្រូវពន្យល់កម្មករ-និយោជិតដូចខាងក្រោម៖ ថ្ងៃទី ២២ដល់ ២៤ ខែកក្កដា ជាថ្ងៃឈប់មានប្រាក់ឈ្នួល សម្រាប់ការទៅចូលរួមការបោះឆ្នោតជាតិ។ ហេតុដូច្នេះ កម្មករ-និយោជិតទាំងអស់ ត្រូវបានលើកទឹកចិត្តឲ្យទៅបោះឆ្នោតកុំបីខាន។ កម្មករ-និយោជិត មិនត្រូវគូសបំផ្លាញ ឬធ្វើឲ្យខូចសន្លឹកឆ្នោតនោះទេ៕
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១៧ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ១៣ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ