លោក យឹម ស៊ីណន ត្រូវបានដំឡើងជារដ្ឋលេខាធិការក្រសួងការងារ

ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ចេញព្រះរាជក្រឹត្យត្រាស់បង្គាប់តែងតាំង និងដំឡើងតំណែងដល់លោក យឹម ស៊ីណន ជារដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ។ នេះបើយោងតាមព្រះរាជក្រឹត្យចុះថ្ងៃទី០៤ ខែសីហា ឆ្នាំ២០២៣។

ការដំឡើងជារដ្ឋលេខាធិការនេះ គឺបន្ទាប់ពីលោក យឹម ស៊ីណន ទទួលបានការតែងតាំងជាអនុរដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ កាលពីខែមេសា ឆ្នាំ២០២៣ ក្រោយពេលដែលលោក បានមករួមរស់ក្នុងជីវភាពនយោបាយជាមួយគណបក្សប្រជាជនកម្ពុជា។

លោក យឹម ស៊ីណន គឺជាអតីតសកម្មជនអតីតគណបក្សប្រឆាំងមួយរូបដ៏សកម្មប្រចាំប្រទេសកូរ៉េខាងត្បូង។ បន្ទាប់ពីរួមរស់ជាមួយគណបក្សប្រជាជនកម្ពុជា លោក ក៏ត្រូវបានតែងតាំងជាទីប្រឹក្សាសម្តេចតេជោ ហ៊ុន សែន ប្រធានគណបក្សប្រជាជនកម្ពុជាផងដែរ៕