ព័ត៌មានជាតិ
រាជរដ្ឋាភិបាលរបស់ឯកឧត្តម ហ៊ុន ម៉ាណែត នឹងប្រើយុទ្ធសាស្ត្រ៥ សម្រាប់បន្តដឹកនាំនាវាកម្ពុជា
រាជរដ្ឋាភិបាលថ្មី អាណត្តិទី៧ ដែលដឹកនាំដោយឯកឧត្តមបណ្ឌិត ហ៊ុន ម៉ាណែត បានសម្រេចដាក់ចេញគោលដៅជាយុទ្ធសាស្ត្រជាអាទិភាពចំនួន៥ ដើម្បីបន្តបេសកកម្មបម្រើជាតិ និងប្រជាជនកម្ពុជា។
បើតាមឆានែលតេឡេក្រាមរបស់ឯកឧត្តមបណ្ឌិត ហ៊ុន ម៉ាណែត នៅថ្ងៃទី៧ ខែសីហានេះ គោលដៅយុទ្ធសាស្ត្រទាំង៥ របស់គណបក្សប្រជាជនកម្ពុជា គឺទី១ ផ្ដោតទៅលើកិច្ចការពារសន្តិភាព ឯករាជ្យ អធិបតេយ្យភាព បូរណភាពទឹកដី និងការពាររាល់សមិទ្ធផលទាំងឡាយរបស់សង្គមជាតិឱ្យបានគង់វង្សស្ថិតស្ថេរ។
រីឯ យុទ្ធសាស្ត្រទី២ គឺការធានាកសាងប្រទេសកម្ពុជាឱ្យក្លាយជារដ្ឋប្រជាធិបតេយ្យ សេរីពហុបក្សដ៏ជឿនលឿន និងរឹងមាំ ផ្អែកលើច្បាប់ មានសេដ្ឋកិច្ចរីកចម្រើន ប្រកបដោយចីរភាព និងសមធម៌។ តាមរយៈយុទ្ធសាស្ត្រនេះ គឺធានាថាប្រជាជនមានជីវភាពសម្បូរសប្បាយ បានរស់នៅយ៉ាងសុខដុមរមនា ប្រកបដោយកិត្តិយស សេចក្ដីថ្លៃថ្នូរ និងមានការគោរពសិទ្ធិមនុស្ស។
យុទ្ធសាស្រ្តទី៣ របស់រាជរដ្ឋាភិបាល អាណត្តិទី៧នេះ នឹងបន្តខិតខំបន្ថែមទៀតនូវការកសាងប្រព័ន្ធគាំពារសង្គម ប្រកបដោយបរិយាបន្ន ប្រសិទ្ធភាព និងចីរភាពហិរញ្ញវត្ថុ។ យុទ្ធសាស្ត្រនេះ គឺដើម្បីធានាផ្ដល់ការគាំពារដល់ប្រជាជន ក្នុងការឆ្លើយតបចំពោះហានិភ័យសេដ្ឋកិច្ច ហានិភ័យសុខភាពសាធារណៈ និងភាពងាយរងគ្រោះផ្សេងៗ ដែលកើតឡើងពីការប្រែប្រួលលក្ខខណ្ឌនៃការងារ និងការរស់នៅ។
រាជរដ្ឋាភិបាលរបស់ឯកឧត្តមបណ្ឌិត ហ៊ុន ម៉ាណែត ក៏នឹងបន្តជំរុញការអនុវត្តយុទ្ធសាស្ត្រ «កម្ពុជាគ្មានមីននៅត្រឹមឆ្នាំ ២០២៥» និងកាត់បន្ថយគ្រាប់មិនទាន់ផ្ទុះឱ្យបានជាអតិបរមា ក្នុងអាណត្តិថ្មីនេះ។
បន្ថែមពីនេះ យុទ្ធសាស្ត្រដ៏សំខាន់មួយទៀតនោះ គឺរាជរដ្ឋាភិបាលថ្មី នឹងបន្តអនុវត្តន៍នយោបាយការបរទេសឯករាជ្យ ដោយឈរលើច្បាប់ កសាងមិត្តភាព និងកិច្ចសហប្រតិបត្តិការល្អប្រសើររវាងកម្ពុជាជាមួយប្រទេសទាំងអស់នៅលើពិភពលោក ក៏ដូចជាអង្គការអន្តរជាតិនានា ហើយចូលរួមយ៉ាងសកម្មចំពោះបុព្វហេតុសន្តិភាព ស្ថិរភាព សន្តិសុខ និងវិបុលភាពក្នុងតំបន់ និងពិភពលោក ផងដែរ៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង