Connect with us

ព័ត៌មានជាតិ

អាជ្ញាធរចុះបង្ក្រាបបទល្មើសនេសាទ ៤ ករណី បំផ្លាញរបាំងសាច់អួនជាង ២ ពាន់ម៉ែត្រ

បានផុស

នៅ

បទល្មើសនេសាទត្រូវបានបង្ក្រាបជាបន្តបន្ទាប់នៅក្នុងរយៈពេលប៉ុន្មានថ្ងៃចុងក្រោយនេះ ស្របពេលដែលទឹកក្នុងបឹងទន្លេ សាបបានហក់ឡើង ដែលបានបង្កឲ្យត្រីគ្រប់ប្រភេទធ្វើបម្លាស់ទីគ្រប់កន្លែងដើម្បីស្វែងរកជម្រកពងកូន ខណៈក្រុមឈ្មួញ​លួចប្រព្រឹត្តបទល្មើសជាបន្តបន្ទាប់ ដោយប្រើប្រាស់ឧបករណ៍ខុសច្បាប់រាប់សិបម៉ែត្រ ដើម្បីស្ទាក់ចាប់យកត្រីគ្រប់ប្រភេទ មិនបានទម្លាក់ពងកូនតាមរដូវកាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជួង សុភា នាយខណ្ឌរដ្ឋបាលជលផលថា ការប្រើឧបករណ៍នេសាទខុសពីការកំណត់របស់រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ គឺជារឿងល្មើសច្បាប់ពីបទបំផ្លាញមច្ឆាជាតិដោយឧបករណ៍ទុច្ចរិត ត្រូវតែប្រឈមនឹងផ្លូវច្បាប់។

លោកបន្តថា ការថែរក្សា និងអភិរក្សមច្ឆាជាតិ គឺជាកាតព្វកិច្ចរបស់ពលរដ្ឋយើងទាំងអស់គ្នា ខណៈមន្ត្រីជំនាញមិនអាច មើលបានគ្រប់ជ្រុងជ្រោយនោះឡើយ ហេតុនេះសូមឲ្យមានភាពស្មោះត្រង់ក្នុងការប្រកបមុខរបរទទួលទានដោយមធ្យោ បាយប្រើឧបករណ៍ដែលរដ្ឋត្រូវបានអនុញ្ញាត។

លោកបន្តថា ជាក់ស្តែងសកម្មភាពរបស់ក្រុមមនុស្សទុច្ចរិត បានប្រើប្រាស់ឧបករណ៍ស្ទាក់ចាប់យកត្រីជាច្រើនទីតាំង ត្រូវបាន បង្រាប កាលពីថ្ងៃទី០៣ ខែតុលា និងបានរឹបអូសឧបករណ៍ល្មើសមួយចំនួនធំ ដែលការប្រព្រឹត្តនេះស្ថិតក្នុងភូមិសាស្រ្ត ត្រង់ចំណុចអូរល្ពាក់ និងអានៀលក្នុងស្រុកឯកភ្នំ និងនៅចំណុចឃុំតាប៉ុន និងឃុំរកា ស្រុកសង្កែ ខេត្តបាត់ដំបង។

ក្នុងនោះមន្ត្រីជំនាញបានរឹបអូសឧបករណ៍នេសាទខុសពីការកំណត់របស់រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មួយចំនួន ហើយបានប្រើប្រាស់កម្លាំងចំនួន១៥នាក់ ក្នុងការបង្ក្រាប ក្នុងនោះមានកម្លាំងមន្ត្រីជលផល និងសហគមន៍នេសាទបានប្រើប្រាស់កាណូត ០៤គ្រឿង ជាមធ្យោបាយក្នុងដំណើរប្រតិបត្តិការនេះ។

ចំណែកលទ្ធផលនៃការបង្ក្រាបករណីខាងលើបានដកហូត និងកាប់បំផ្លាញចោលនូវឧបករណ៍ខុសច្បាប់រួមមាន÷ សាច់អួន ប្រវែង ២២០០ ម៉ែត្រ, បង្គោលចំនួន ៦៨០ដើម, ឡុកចំនួន ០៩គ្រឿង និងត្រីចម្រុះចំនួន ៧០គីឡូក្រាម ត្រូវបានព្រលែងឲ្យមានសេរីភាពវិញផងដែរ៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៣ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៤ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៦ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៧ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម