ព័ត៌មានជាតិ
មន្ត្រីជាន់ខ្ពស់ក្រសួងមហាផ្ទៃ ណែនាំនាយកដ្ឋាន សុចរិតភាព និងអភិបាលកិច្ច អនុវត្តភារកិច្ចឱ្យបានល្អ
មន្ត្រីជាន់ខ្ពស់ក្រសួងមហាផ្ទៃ បានណែនាំដល់នាយកដ្ឋានសុចរិតភាព និងអភិបាលកិច្ច ក៏ដូចជាថ្នាក់ដឹកនាំ និងមន្ត្រីរាជការនៃអគ្គនាយកដ្ឋានសវនកម្មផ្ទៃក្នុងទាំងមូលឱ្យខិតខំអនុវត្តតួនាទីភារកិច្ចរបស់ខ្លួនឱ្យសម្រេចបានជោគជ័យ តាមផែនការយុទ្ធសាស្ត្ររបស់ក្រសួងមហាផ្ទៃ។
ការណែនាំនេះ គ្រាដែលលោក រស់ វរុណ រដ្ឋលេខាធិការក្រសួងមហាផ្ទៃ បានជួបសំណេះសំណាលជាមួយថ្នាក់ដឹកនាំ និងមន្ត្រីរាជការរបស់នាយកដ្ឋានសុចរិតភាព និងអភិបាលកិច្ច នៃអគ្គនាយកដ្ឋានសវនកម្មផ្ទៃក្នុង នៅព្រឹកថ្ងៃទី៦ ខែតុលា ឆ្នាំ២០២៣នេះ។ បើតាមលោកនាយឧត្តមសេនីយ៍ ងួន ស្រេង អគ្គនាយកនៃអគ្គនាយកដ្ឋានសវនកម្មផ្ទៃក្នុង គឺបច្ចុប្បន្ន នាយកដ្ឋានសុចរិតភាព និងអភិបាលកិច្ច មានតួនាទីចំនួន ២សំខាន់ៗ រួមមាន៖ ការបំពេញតួនាទីលើការងារសវនកម្ម និងការងារចុះបណ្តុះបណ្តាលស្តីពីការប្រើប្រាស់ថវិការបស់គម្រោងអង្គការនានា។
ដើម្បីជំរុញប្រសិទ្ធភាពការងារនេះ លោកនាយឧត្តមសេនីយ៍ ងួន ស្រេង បានណែនាំដល់មន្ត្រីក្រោមឱវាទរបស់លោកឱ្យខិតខំបំពេញតួនាទី-ភារកិច្ច សំដៅធ្វើយ៉ាងណាឱ្យសម្រេចបានជោគជ័យតាមផែនការជូនថ្នាក់ដឹកនាំ ក៏ដូចជាក្រសួងមហាផ្ទៃ ជាពិសេស ត្រូវគោរពវិន័យឱ្យបានខ្ជាប់ខ្ជួន និងបទបញ្ជាផ្ទៃក្នុងនានាឱ្យបានម៉ឺងមាត់។
នៅក្នុងវេទិកានេះដែរ លោក រស់ វរុណ រដ្ឋលេខាធិការក្រសួងមហាផ្ទៃ បានថ្លែងការកោតសរសើរចំពោះលទ្ធផលនានាកន្លងមក ដែលនាយកដ្ឋានសម្រេចបាន។ ជាមួយនឹងការសរសើរ លោក រស់ វរុណ បានណែនាំដល់ថ្នាក់ដឹកនាំ និងមន្ត្រីទាំងអស់ឱ្យខិតខំអនុវត្តតួនាទី-ភារកិច្ចឱ្យសម្រេចបានជោគជ័យ តាមផែនការយុទ្ធសាស្ត្ររបស់ក្រសួងមហាផ្ទៃ សម្រាប់ឆ្នាំ២០២៣ ដែលថ្នាក់ដឹកនាបានប្រគល់ជូនអគ្គនាយកដ្ឋានសវនកម្មផ្ទៃក្នុង។
មន្ត្រីជាន់ខ្ពស់ក្រសួងមហាផ្ទៃរូបនេះ បញ្ជាក់ថា យោងតាមតួនាទី-ភារកិច្ចរបស់នាយកដ្ឋានសុចរិតភាព និងអភិបាលកិច្ច ពិតជាបានឆ្លុះពីការងារសំខាន់ៗជាច្រើន ដែលជាការងារអាទិភាពរបស់គោលនយោបាយរបស់រាជរដ្ឋាភិបាល។ ទន្ទឹមនឹងតួនាទី-ភារកិច្ចខាងលើ លោក ក៏បានណែនាំបន្ថែមឱ្យថ្នាក់ដឹកនាំ និងមន្ត្រីទាំងអស់សហការជាធ្លុងមួយ រួបរួមសាមគ្គីភាព គោរពស្រឡាញគ្នា ចូលរួមបំពេញការងារឱ្យបានសម្រេចនូវសមិទ្ធផលថ្មីៗបន្ថែមទៀតជូនរាជរដ្ឋាភិបាល ក៏ដូចជាក្រសួងមហាផ្ទៃ។
បើតាមលោក ហេង សុផាត ប្រធាននាយកដ្ឋានសុចរិតភាព និងអភិបាលកិច្ច គឺនាយកដ្ឋាននេះ បានដើរតួនាទីយ៉ាងសំខាន់ក្នុងការធ្វើជាសេនាធិការជូនអគ្គនាយកដ្ឋានសវនកម្មផ្ទៃក្នុង លើការងារចម្បងៗរួមមាន៖ ធ្វើទំនាក់ទំនង និងសម្របសម្រួលទូទៅក្នុងការពង្រឹង និងការកសាងសមត្ថភាពស្ថាប័ន ការបណ្តុះបណ្តាលធនធានមនុស្ស ការពង្រឹងកិច្ចសហប្រតិបត្តិជាមួយដៃគូអភិវឌ្ឍ និងការសិក្សាស្រាវជ្រាវលើគោលនយោបាយសុចរិតភាព និងអភិបាលកិច្ចល្អ។
បន្ថែមពីនេះ នាយកដ្ឋានសុចរិតភាព និងអភិបាលកិច្ច បានផ្សព្វផ្សាយអំពីព័ត៌មានទាក់ទងគោលនយោបាយសុចរិតភាព និងអភិបាលកិច្ចល្អជូនដល់ថ្នាក់ជាតិ និងថ្នាក់ក្រោមជាតិ ដែលស្ថិតក្រោមឱវាទក្រសួងមហាផ្ទៃ បណ្តុះបណ្តាលស្តីពីគោលនយោបាយសុចរិតភាព និងអភិបាលកិច្ចជូនដល់មន្ត្រីនគរបាល មន្ត្រីរាជការស៊ីវិលទាំងថ្នាក់ជាតិ និងថ្នាក់ក្រោមជាតិ ព្រមទាំងរៀបចំធ្វើវេទិកាសាធារណៈ ជាដើម ដើម្បីផ្សព្វផ្សាយគោលនយោបាយសុចរិតភាព និងអភិបាលកិច្ចជូនប្រជាពលរដ្ឋគ្រប់មូលដ្ឋាន ផងដែរ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ