ព័ត៌មានជាតិ
JOTA-JOTI ជាសកម្មភាពមួយដ៏មានសារ:សំខាន់ ដើម្បីអភិវឌ្ឍសមត្ថភាពរបស់យុវជនកាយរឹទ្ធ
ការបោះជំរំកាយរឹទ្ធិតាមរលកធាតុអាកាស និងប្រព័ន្ធអ៊ីនធឺណិត (JOTA-JOTI) ជាសកម្មភាពមួយដ៏មានសារ:សំខាន់ ដើម្បីអភិវឌ្ឍសមត្ថភាព និងពង្រឹងនូវបំណិនមួយចំនួនរបស់យុវជនកាយរឹទ្ធិ។ នេះជាការបញ្ជាក់របស់លោក សេរី ជំនះ រដ្ឋលេខាធិការ ក្រសួងអប់រំ យុវជន និងកីឡា និងជាអនុប្រធានកាយរឹទ្ធិជាតិកម្ពុជា ក្នុងកម្មវិធី ការបោះជំរំកាយរឹទ្ធិតាមរលកធាតុអាកាសលើកទី៦៦ និងប្រព័ន្ធអ៊ីនធឺណិតលើកទី២៧ ក្រោមមូលបទ “ភាពជាអ្នកដឹកនាំវ័យក្មេងដើម្បីសន្តិភាព” នៅសាកលវិទ្យាល័យជាតិគ្រប់គ្រង នាព្រឹកថ្ងៃទី២២ ខែតុលា ឆ្នាំ២០២៣។
លោករដ្ឋលេខាធិការ ក្រសួងអប់រំ បានឱ្យដឹងថា ការបោះជំរំកាយរឹទ្ធិតាមរលកធាតុអាកាស និងប្រព័ន្ធអ៊ីនធឺណិតនេះ គឺលើសពីការបោះជំរំធម្មតា ដែលអាចឱ្យយុវជនកាយរឹទ្ធិបានស្គាល់ពីភាគីសមាជិកនៅតាមប្រទេសមួយចំនួននៅទូទាំងពិភពលោក និងអាចធ្វើទំនាក់ទំនងជាមួយសមាជិកនៃបណ្តាប្រទេសមួយចំនួននៅក្នុងពិភពលោក ក្រៅពីការទំនាក់ទំនងនៃសមាជិកកាយរឹទ្ធិនៅក្នុងព្រះរាជាណាចក្រកម្ពុជា។ លោកបន្ថែមថា សម្រាប់ប្រធានបទដែលបានលើកឡើងថ្ងៃនេះ គឺពិតជាមានសារ:សំខាន់ណាស់ពាក់ព័ន្ធទៅនឹងការអភិវឌ្ឍយុវជន តាមរយ:ការចូលរួមនូវសកម្មភាពនៃការផ្តល់សេវាផ្សេងៗ ដើម្បីសម្រេចបាននូវសសរស្តម្ភទាំងបួន (និរន្តរភាព-បរិស្ថាន សន្តិភាព-ទំនាក់ទំនងនៅក្នុងសហគម សុខភាព-សុខមាលភាព និងបំណិនជីវិត) របស់គោលដៅនៃការអភិវឌ្ឍប្រកដោយជីរភាព(Sustainable Development Goals-SGS)។
លោករដ្ឋលេខាធិការ ក៏បានស្នើឱ្យយុវជនកាយរឹទ្ធិទាំងអស់ត្រូវចូលរួម លើកកម្ពស់សន្តិភាព ដើម្បីដោះស្រាយបញ្ហាវិស្សមភាព និងការពារបរិស្ថាន។ ទន្ទឹមនោះ លោកសង្ឃឹមថា តាមរយ:កម្មវិធីនេះ យុវជនកាយរឹទ្ធិ ទាំងកាយរឹទ្ធិប្អូន កាយរឹទ្ធិជំទង់ និងកាយរឹទ្ធិរៀមច្បង អាចមានឱកាសសិក្សារៀនសូត្រពីគ្នាទៅវិញទៅមកបន្ថែមទៀត ជាពិសេស ការអភិវឌ្ឍជំនាញ បណិនជីវិតថ្មីៗ ដូចជា បំណិនទំនាក់ទំនង បំណិនធ្វើការងារជាក្រុម បំណិនភាពជាអ្នកដឹកនាំ នវានុវត្តន៍ ការបង្កើតនូវទស្សនាទាន និងមានគំនិតច្នៃប្រឌិតថ្មីៗ ចេះចែករំលែកបទពិសោធគ្នាទៅវិញទៅមក ប្រកបដោយប្រសិទ្ធភាព និងប្រសិទ្ធិផលខ្ពស់។ លើសពីនេះ គឺការពង្រឹងអត្តសញ្ញាណជាតិ និងមោទនភាពជាតិនៃកាយរឹទ្ធិជាតិកម្ពុជា។
សូមបញ្ជាក់ថា ការបោះជំរំកាយរឹទ្ធិតាមរលកធាតុអាកាសលើកទី៦៦ និងប្រព័ន្ធអ៊ីនធឺណិតលើកទី២៧ ឆ្នាំ២០២៣ ដែលរៀបចំឡើងដោយកាយរឹទ្ធិជាតិកម្ពុជា គឺក្នុងគោលបំណងដើម្បីឆ្លើយតបទៅនឹងបដិវត្តន៍ឧស្សាហកម្មលើកទី៤ និងគាំទ្រទៅលើ គោលនយោបាយរាជរដ្ឋាភិបាលឌីជីថល(២០២២-២០៣៥) របស់រាជរដ្ឋាភិបាល។ ជាពិសេសដើម្បីផ្តល់ឱកាស ដល់យុវជនកាយរឹទ្ធិអភិវឌ្ឍ និងបង្ហាញនូវភាពប៉ិនប្រសព្វ សមត្ថភាពលើបំណិនបច្ចេកវិទ្យាព័ត៌មាន បំណិនSTEM ការអប់រំឌីជីថល បណ្ដុះគំនិតអាជីវកម្មលើផ្នែកបច្ចេកវិទ្យា ការបន្សំខ្លួន និងការត្រៀមខ្លួនបើកចំហកាន់តែទូលំទូលាយ ទៅកាន់សង្គម និងសំដៅបណ្តុះយុវជនឱ្យក្លាយជាប្រជាពលរដ្ឋមានទំនួលខុសត្រូវ និងសមត្ថភាពច្បាស់លាស់ក្នុងការ ប្រកួតប្រជែងទីផ្សារការងារ និងមុខរបរក្នុងបរិបទសមាហរណកម្មសេដ្ឋកិច្ចក្នុងតំបន់ និងពិភពលោក និងជាពិសេស សំដៅផ្សារភ្ជាប់យុវជននិយាយជារួម និងយុវជនកាយរឹទ្ធិនិយាយដោយឡែក៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង