Connect with us

ព័ត៌មានជាតិ

តួនាទីសំខាន់គណៈកម្មការ​កោសល្យវិច័យ​ គឺ​រកការពិត​បើ​បេក្ខជនមិនពេញចិត្តលទ្ធផលប្រឡង

បានផុស

នៅ

យោង​តាម​សេចក្តីប្រកាស​របស់ក្រសួងអប់រំ យុវជននិងកីឡា បាន​រៀបចំកម្រងភារកិច្ច​របស់គណៈមេប្រយោគ និង​គណៈកម្មការ​​នានា​សម្រាប់គ្រប់គ្រង​ដំណើរការ​រៀបចំ​ការ​ប្រឡងបាក់ឌុប​។

ក្នុង​នោះ​គណៈកម្មការ​កោសល្យវិច័យ​ជា​ការងារ​មួយ​សំខាន់​ ដែល​ទទួល​ភារកិច្ច​​ដើម្បីរកការ​ពិតនិង​ភាព​ត្រឹមត្រូវ​លើ​កិច្ចការ​របស់​បេក្ខជន និង​លើ​ការអនុវត្ត​ភារកិច្ច​របស់​គណៈមេប្រយោគនិង​គណៈកម្មការ​ផ្សេងៗ ក្នុង​ករណី​ដែល​ក្រសួងអប់រំ យុវជន និង​កីឡា​ពិនិត្យ​ឃើញ​ថា​ ការ​ប្រឡង​មាន​ភាពមិន​ប្រក្រតី​លើ​ភារកិច្ច​របស់​បេក្ខជន និង​លើ​ការ​អនុវត្ត​ភារកិច្ច​របស់​គណៈមេប្រយោគនិង​គណៈកម្មការ​ផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. សមាសភាព

គណៈកម្មការ​កោសល្យវិច័យ ត្រូវ​ចាត់តាំង​ដោយ​រដ្ឋមន្ត្រី​ក្រសួង​អប់រំ យុវជន និង​កីឡា​ក្នុង​ចំណោម គណៈ​មេ​ប្រយោគ​ទូទាំង​ប្រទេស បុគ្គលិក​អប់រំ​ដែល​មាន​សមត្ថភាព និង​សុចរិតភាព និង​ប្រធាន​គណៈកម្មការ​ដែល​ពាក់ព័ន្ធ​នឹង​ភាព​មិន​ប្រក្រតី​នោះ។

សមាសភាព​ជាក់ស្ដែង កំណត់​ដោយ​លិខិតឧទ្ទេសនាម​របស់រដ្ឋមន្ត្រីក្រសួងអប់រំ យុវជន និងកីឡា។

២. តួនាទី

គណៈកម្មការកោសល្យវិច័យជាតំណាងថ្នាក់ដឹកនាំក្រសួងអប់រំ យុវជន និងកីឡា ក្នុងការស្រាវជ្រាវរកការពិត​នៃភាពមិនប្រក្រតីក្នុងការប្រឡង។

៣. ភារកិច្ច

– សិក្សា​ភាពមិនប្រក្រតីដើម្បីអនុវត្តភារកិច្ចឱ្យចំទិសដៅ
– រក្សាការ​សម្ងាត់​លើខ្លឹមសារ​នៃភាពមិនប្រក្រតីក្នុងការប្រឡង
– ធ្វើកោសល្យវិច័យ​ក្នុងបន្ទប់សម្ងាត់
– ធ្វើកោសល្យវិច័យតែក្នុងរង្វង់​បញ្ហាដែលមានចែងក្នុងភាពមិនប្រក្រតីច្បាស់លាស់
– សិក្សា​ស្រាវជ្រាវឱ្យបានល្អិតល្អន់គ្រប់ជ្រុងជ្រោយលើបញ្ហាដើម្បីរកការពិត
– វេចខ្ចប់​សំណុំ​ឯកសារ​ដែលបានធ្វើកោសល្យវិច័យ​តាមគោលការណ៍​និងតម្កល់ទុកដាក់ ដោយឡែក​នៅកន្លែងមួយ​មានសុវត្ថិភាព​គ្រប់គ្រាន់​និង​ត្រឹមត្រូវ
– ធ្វើរបាយការណ៍ច្បាស់លាស់​ជាលាយលក្ខណ៍អក្សរជូនរដ្ឋមន្ត្រីក្រសួងអប់រំ យុវជន និងកីឡា ស្តីពីលទ្ធផល​នៃការធ្វើកោសល្យវិច័យ​ដើម្បីសុំសេចក្ដីសម្រេច
– គ្មាន​សិទ្ធិកែតម្រូវលើ​ឯកសារ​ដែល​ត្រូវ​ធ្វើ​កោសល្យវិច័យ​ឡើយ​ លើកលែង​តែ​បាន​ទទួល​សេចក្តី​សម្រេច ឬ​ចំណារ​យល់ព្រម​ពី​រដ្ឋមន្ត្រី​ក្រសួង​អប់រំ យុវជន និង​កីឡា​ទើប​សមាជិក​គណៈកម្មការ​កោសល្យវិច័យ​ដែល​ជា​សាមី​បញ្ហា​អាច​កែ​តម្រូវ​បាន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤៥ នាទី មុន

ក្រុម​ប្រដាប់អាវុធ​ក្នុង​រដ្ឋកា​រ៉ែ​ន​បាន​បាញ់​ទម្លាក់​ឧទ្ធម្ភាគចក្រ​យោធា​មី​យ៉ាន់​ម៉ា​ ​បណ្តាលឱ្យ​ស្លាប់​ឧត្តម​សេនីយ៍​ត្រី​ម្នាក់ និង​មន្ត្រី​យោធា​៤​នាក់

ព័ត៌មានអន្ដរជាតិ២ ម៉ោង មុន

អ៊ីតាលី រកឃើញថា កម្មវិធី ChatGPT កំពុងបំពានច្បាប់ការពារទិន្នន័យ

ព័ត៌មានជាតិ៤ ម៉ោង មុន

កម្ពុជា- WFP ចុះកិច្ចព្រមព្រៀងកម្មវិធីស្បៀងអាហារពិភពលោកប្រចាំកម្ពុជា ទំហំទឹកប្រាក់៦៣លានដុល្លារ

ព័ត៌មានជាតិ៤ ម៉ោង មុន

សម្ដេច ពិន​ សែម ស្នើឱ្យគ្រប់ភាគីប្រើបណ្ដាញសង្គមជាប្រយោជន៍សាសនា និងសង្គមជាតិ

ព័ត៌មានអន្ដរជាតិ៤ ម៉ោង មុន

អាជ្ញាធរវៀតណាម និងហ្វីលីពីន ព្រមព្រៀងគ្នាបង្កើនកិច្ចសហប្រតិបត្តិការឆ្មាំឆ្នេរសមុទ្រ

Sokha Hotels

ព័ត៌មានពេញនិយម