Connect with us

ព័ត៌មានជាតិ

ក្រសួង​ការងារ​និង​បណ្តុះបណ្តាល​វិជ្ជាជីវៈ​បង្កើត​មជ្ឈមណ្ឌល​ការងារ​ចល័ត​ដើម្បី​ផ្សព្វផ្សាយ​ពី​ឱកាស​ការងារ​ដល់​មូលដ្ឋាន

បានផុស

នៅ

ក្នុង​គោលបំណង​ដើម្បី​ផ្សព្វផ្សាយ​ឱកាស​ការងារ​ដ៏​សម្បូរ​បែប​ដល់​មូលដ្ឋាន ក្រសួង​ការងារ​និង​បណ្តុះបណ្តាល​វិជ្ជាជីវៈ​បង្កើត​មជ្ឈមណ្ឌល​ការងារ​ចល័ត​មួយ ក្នុងនោះ​សិស្ស​និស្សិត និង​សាធារណជន​បាន​អបអរ​សាទរ​និង​បាន​លើកឡើង​ថា ​ការផ្សព្វផ្សាយ​ឱកាស​ការងារ​ដល់​មូលដ្ឋាន​នេះ​គឺមាន​ភាពងាយស្រួល ឆាប់រហ័ស និង​ទទួលបាន​ការប្រឹក្សា​យោបល់​ពី​ការស្វែងរក​ការងារ​ធ្វើ​ដោយផ្ទាល់​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពី​ការរៀបចំ​វេទិកា​ការងារ និង ពិព័រណ៍​ការងារ ទីភ្នាក់ងារ​ជាតិ​មុខរបរ និង​ការងារ (NEA)​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បា​ម​ប្រមូល​និង​ផ្សព្វផ្សាយ​ព័ត៌មាន​ជ្រើសរើស​កម្លាំង​ពលកម្ម​តាមរយៈ​មធ្យោបាយ​ជាច្រើន ដូចជា​តាមរយៈ​គេហទំព័រ ហ្វេ​ស​ប៊ុ​ក​ផេ​ក និង​បណ្តាញ​សង្គម​ផ្សេងៗ ក្នុងនោះ​ក៏មាន​ការផ្សព្វផ្សាយ​ទៅដល់​មូលដ្ឋាន​ផ្ទាល់​តាមរយៈ​រថយន្ត​ចល័ត​ផងដែរ​។​

​រថយន្ត​ចល័ត​របស់ NEA បានចេញ​ដំណើរ​ជា​រៀងរាល់ថ្ងៃ​ទៅតាម​ទីតាំង​មូលដ្ឋាន​នានា​ដោយ​សហការ​ជាមួយ​សហភាព​សហ​ព័​ន្ធ​យុវជន​កម្ពុជា​( ស​.​ស​.​យ​.​ក​.) ដើម្បី​ចុះទៅ​ផ្សព្វផ្សាយ​ព័ត៌មាន​ពី​ឱកាស​ការងារ​ក្នុងស្រុក​យ៉ាង​សម្បូរបែប​និង​ចុះឈ្មោះ​ប្រជាពលរដ្ឋ​ដែល​កំពុង​ស្វែងរក​ការងារ​ធ្វើ​។

និស្សិត​មួយ​រូប ឈ្មោះ អ៊ុត ជី​ណា ជា​និស្សិត​ឆ្នាំ​ទី ១ នៃ​វិទ្យាស្ថាន​ជាតិ​ពាណិជ្ជ​សាស្ត្រ យល់ឃើញថា​ ការ​ចុះ​ផ្សព្វផ្សាយ​ផ្ទា​ល់ពី​NEA មាន​ភាពងាយស្រួល​ក្នុងការ​ទទួលបាន​ព័ត៌មាន​ទីផ្សារការងារ​ព្រោះ NEA បាន​នាំមក​នូវ​ដំណឹង​ឱកាស​ការងារ​ក្រុមហ៊ុន​ផ្សេងៗ ដែល​និស្សិត​រូប​មិនដឹង​ព្រមទាំង​ទទួល​បាន​បទពិសោធន៍​ក្នុងការ​រៀបចំ​ប្រវត្តិរូប​សង្ខេប​CV និង​ការត្រៀមខ្លួន​ចាប់យក​ឱកាស​ការងារ​នាពេល​អនាគត​។

និស្សិត​រូបនេះ​និយាយថា « ខ្ញុំ​សប្បាយរីករាយ និង​អរគុណ​ដល់​ក្រុមការងារ NEA ដែល​បាន​ចុះ​ផ្សព្វផ្សាយ​ដោយផ្ទាល់​នៅ​សាលា ធ្វើ​ឲ្យ​ពួក​ខ្ញុំ​ជា​និស្សិត​ទទួល​ព័ត៌មាន​ទីផ្សារការងារ និង​របៀប​ត្រៀមខ្លួន​ដើម្បី​ទទួលបាន​ការងារ​»​។

ចំណែក​ឯ​និស្សិត​ម្នាក់ទៀត​ឈ្មោះ ផាន់ សុខ​សី​រ៉ា​នុត ជា​និស្សិត​ឆ្នាំ​ទី​១ ជំនាញ​ផ្នែក​ធនាគារ និង​ហិរញ្ញវត្ថុ​នៃ​វិទ្យាស្ថាន​ជាតិ​ពាណិជ្ជ​សាស្ត្រ​ក៏បាន​លើកឡើង​ផងដែរ កន្លងមក​និស្សិត​រូបនេះ​ស្រាវជ្រាវ​ព័ត៌មាន​ទីផ្សារការងារ​តាមរយៈ​ផេ​ក បណ្តាញ​សង្គម​ផ្សេងៗ តែ​នៅពេល​NEA​មកដល់​ផ្ទាល់​គឺជា​ឱកាស​មួយ​បាន​ជួប​ផ្ទា​ល់ពី​ការប្រឹក្សា​យោបល់​ស្វែងរក​ការងារ​ធ្វើ​ផងដែរ​។​

​សម្រាប់​ប្រជាពលរដ្ឋ​ម្នាក់​ឈ្មោះ ហ៊េ​ល រចនា រស់នៅ​ក្នុងភូមិ​ត្រពាំង​ថ្លឹង​២​សង្កាត់​ចោមចៅ​ទី​១ ខណ្ឌ​ពោធិ៍​សែន​ជ័យ បាន​និយាយថា ការផ្សព្វផ្សាយ​ព័ត៌មាន​ទីផ្សារការងារ​ពី​NEA ដោយផ្ទាល់ គឺ​បានដឹង​ភ្លាមៗ​ពី​ទីផ្សារការងារ​ដែល​ក្រុមហ៊ុន​កំពុង​ជ្រើសរើស​បុគ្គលិក ហើយ​អ្នកស្រី​នឹង​បន្ត​ផ្សព្វផ្សាយ​ដល់​បងប្អូន និង​ក្រុមគ្រួសារ​បន្ត​ដែល​កំពុង​ស្វែងរក​ការងារ​ធ្វើ​។

យោងតាម NEA បាន​ឲ្យ​ដឹងថា មជ្ឈមណ្ឌល​ការងារ​ចល័ត បង្កើតឡើង​ក្នុង​គោលបំណង​ដើម្បី​លើកកម្ពស់ និង ផ្សព្វផ្សាយ​សេវា​ការងារ​បស់​ទីភ្នាក់ងារ​ជាតិ​មុខរបរ​និង​ការងារ ( NEA) ដល់​ជន​គោលដៅ​រួមមាន យុវជន សិស្ស​/​និស្សិត និង​អ្នកស្វែងរក​ការងារ​។

មជ្ឈមណ្ឌល​ការងារ​ចល័ត​មាន​ផ្តល់​សេវា​ចុះឈ្មោះ​អ្នកស្វែងរក​ការងារ​ដល់​មូលដ្ឋាន ផ្តល់​សេវា​ប្រឹក្សា​យោបល់​ការងារ និង អាជីព និង​បណ្ណាល័យ​ការងារ ផ្តល់ព័ត៌មាន​អប់រំ បណ្តុះបណ្តាល​ជំនាញ និង​វិជ្ជាជីវៈ​ដែល​ទីផ្សារការងារ​កំពុងមាន​តម្រូវការ និង​ទទួលបាន​ការស្វែងរក​ការងារ​កាន់តែ​ងាយស្រួល និង​ឆាប់រហ័ស​ជាមួយ​មជ្ឈមណ្ឌល​ការងារ​ចល័ត​របស់​NEA​ផងដែរ​។​

​ទន្ទឹមនឹងនេះ​ក្រសួង​បាន​បន្ត​យកចិត្តទុកដាក់​ក្នុង​ការងារ​ពង្រឹង​យន្ត​ការផ្តល់សេវា​មុខរបរ និង​ការងារ​ឲ្យ​កាន់​តែមាន​វិសាលភាព​គ្រប់​ដណ្តប់​ទូលំទូលាយ និង ខិតជិត​អ្នកប្រើប្រាស់​សេវា​ប្រកប​ដោយមាន​ប្រ​សិ​ទ្ឋ​ភាព តាមរយៈ​មជ្ឈមណ្ឌល​ការងារ​រាជធានី ខេត្ត មជ្ឈមណ្ឌល​ការងារ​ចល័ត គេហទំព័រ កម្មវិធី​លើ​ទូរស័ព្ទ និង​បណ្តាញ​ទំនាក់ទំនង​សង្គម ព្រមទាំង​វេទិកា​ការងារ​។​

​យោងតាម​របាយការណ៍​របស់​ក្រសួង​ការងារ​បាន​ឲ្យ​ដឹងថា ក្នុង​ឆមាស​ទី​១ ឆ្នាំ​២០២៣ ក្រសួង​សម្រេចបាន ចុះឈ្មោះ​អ្នកស្វែងរក​ការងារ​ចំនួន ១១,១៧២​នាក់ ហើយ​មាន​អ្នកទទួលបាន​ការងារ​ធ្វើ​ចំនួន ១,៤៧២ នាក់ និង​មាន​អ្នកស្វែងរក​ការងារ​ធ្វើ​ទទួលបាន​សេវា​ប្រឹក្សា​យោបល់​អាជីព​ការងារ និង​វិជ្ជាជីវៈ ១៣,៣២០ នាក់​។ បន្ថែម​លើស​នេះ NEA ក៏មាន​ការរៀបចំ​ពិព័រណ៍​ការងារ​ចល័ត បាន​ចំនួន ៥៦​ដង មាន​អ្នកចូលរួម​សរុប​ចំនួន ១៦,៧០០​នាក់ និង​បានរៀបចំ​វេទិកា​ការងារ​បាន​ចំនួន ២៨​ដង​ដែលមាន​ចូលរួម​សរុប​ចំនួន ៨,០៤៩​នាក់៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម