ព័ត៌មានជាតិ
ការរុះរើសំណង់ប៉ះពាល់គម្រោងពង្រីកផ្លូវនៅក្រុងក្រចេះសម្រេចបានប្រមាណ ៩៩%
ប្រជាពលរដ្ឋដែលរស់នៅតាមដងផ្លូវចាប់ពីរង្វង់មូលព្រាបសដល់រង្វង់មូលខ្លាស្ទុះ បានចូលរួមសហការយ៉ាងល្អជាមួយអាជ្ញាធរមូលដ្ឋានក្នុងការរុះរើសំណង់តូបលក់ដូរ សំយាប ស្លាកប៉ាណូ វត្ថុសម្ភារៈផ្សេងៗបានប្រមាណ ៩៩% ដេីម្បីឲ្យក្រុមហ៊ុនដាក់គ្រឿងចក្រឈូសឆាយទ្រង់ទ្រាយធំ។
កាលពីថ្ងៃទី០៤ ខែធ្នូ ឆ្នាំ២០២៣ ក្រុមហ៊ុន ស៊ាង ហៃ ដែលជាក្រុមហ៊ុនទទួលការសាងសង់ផ្លូវនៅចំណុចភូមិសាស្រ្តពីរង្វង់ព្រាបសដល់រង្វង់មូលខ្លាស្ទុះ ក្នុងសង្កាត់អូរប្ញស្សី និងសង្កាត់ក្រចេះ ក្រុងក្រចេះ បានបន្តឈូសឆាយទ្រង់ទ្រាយធំ ដោយបានបែងចែកជាពីរក្រុមដោយក្រុមទី១ ចាប់ពីរូបគ្រុឌទៅកើត និងក្រុមទី២ ចាប់ពីរង្វង់មូលខ្លាស្ទុះទៅលិច។
កន្លងទៅនេះ រដ្ឋបាលខេត្តក្រចេះបានចេញសេចក្ដីជូនដំណឹងស្តីពីការរុះរើបណ្តាញអគ្គីសនី បណ្តាញទឹកស្អាត បណ្តាញខ្សែកាបអុបទិច និងផ្ទាំងប៉ាណូគ្រប់ប្រភេទកាលពីខែវិច្ឆិកា ដើម្បីឲ្យការសាងសង់ស្ពាននិងផ្លូវតភ្ជាប់អនុវត្តបានឆាប់រហ័សតាមផែនការកំណត់ និងការពារសុវត្ថិភាពដល់ក្រុមការងារសាងសង់ និងប្រជាពលរដ្ឋ និងដើម្បីបញ្ចៀសគ្រោះថ្នាក់ផ្សេងៗកើតឡើងជាយថាហេតុ។
ជាមួយគ្នានេះ រដ្ឋបាលខេត្តក្រចេះក៏ស្នើអង្គភាពអគ្គីសនីក្រចេះ អាជីវករទឹកស្អាត ក្រុមហ៊ុនខ្សែកាបអុបទិចនិងក្រុមហ៊ុនបំពាក់និងតម្លើងផ្លាក ផ្សព្វផ្សាយពាណិជ្ជកម្មគ្រប់ប្រភេទ ដែលប៉ះពាល់ដល់ការសាងសង់ត្រូវសហការជាមួយក្រុមហ៊ុនសាងសង់ ធ្វើការរុះរើ រំកិលចេញផុតពីការដ្ឋាន និងតាមដងផ្លូវដែលពាក់ព័ន្ធចាប់ពីថ្ងៃជូនដំណឹងនេះតទៅរហូតដល់ថ្ងៃទី១៥ ខែវិច្ឆិកា ឆ្នាំ២០២៣ ជាកំហិត៕
អត្ថបទ៖ ប្រុញ វិធិន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ