ព័ត៌មានជាតិ
អភិបាលរងខេត្តកោះកុង បន្តលើកចិត្តដល់គ្រប់វិស័យ លើវិធានការបង្ក្រាប ផ្ដន្ទាទោស សង្គ្រោះ ការពារជនរងគ្រោះដោយសារអំពើជួញដូរមនុស្ស
លោក ស្រេង ហុង អភិបាលរងខេត្តកោះកុង បានបន្តជំរុញលើកទឹកចិត្តដល់គ្រប់វិស័យពាក់ព័ន្ធជុំវិញខេត្តទាំងអស់ ត្រូវធ្វើសកម្មភាពឲ្យកាន់តែខ្លាំងក្លាក្នុងការបង្ការ បង្ក្រាប ផ្ដន្ទាទោស និងការពារសង្គ្រោះជនរងគ្រោះដោយសារអំពើជួញដូរមនុស្ស។
ការប្រកាសផ្តល់កិច្ចសហការជាធ្លុងមួយដ៏រឹងមាំរបស់លោកអភិបាលរងខេត្ត ធ្វើឡើង កាលពីថ្ងៃទី ២០ ខែធ្នូ ឆ្នាំ ២០២៣ ក្នុង«ទិវាជាតិប្រយុទ្ធប្រឆាំងអំពើជួញដូរមនុស្ស» ឆ្នាំ ២០២៣ នៅស្រុកមណ្ឌលសីមា ខេត្តកោះកុង។
លោក ស្រេង ហុង គូសបញ្ជាក់ថា គ្មានអំពើជួញដូរមនុស្ស ជាការរួមចំណែកដ៏ធំធេងក្នុងការលើកកម្ពស់ សន្តិសុខសុវត្ថិភាពសង្គម និងសន្តិភាពជាតិ ឲ្យមានស្ថិរភាព ដើម្បីធ្វើជាមូលដ្ឋានគ្រឹះ នៃការអភិវឌ្ឍជាតិគ្រប់វិស័យ ស្របតាមគោលដៅអភិវឌ្ឍន៍ជាតិរបស់រាជរដ្ឋាភិបាល។
លោកអភិបាលរងខេត្ត ក៏ស្នើដល់អភិបាលក្រុងស្រុក មេឃុំចៅសង្កាត់ និងតាមបណ្តាសាលារៀន ត្រូវផ្សព្វផ្សាយតាមរូបភាពផ្សេងៗ នូវសារទាំងឡាយពីការប្រឆាំងការជួញដូរមនុស្ស ដើម្បីជាការពញ្ញាក់ស្មារតី ឲ្យប្រជាពលរដ្ឋទាំងអស់យល់ដឹងអំពី អំពើជួញដូរមនុស្ស និងចូលរួមបង្ការ ទប់ស្កាត់ និងការពារខ្លួនពីអំពើជួញដូរមនុស្ស ជាពិសេស ក្មួយៗ ជាយុវតី ដើម្បីគេចផុតពីការចាញ់បោកជនខិលខូចគ្រប់រូបភាពទាំងអស់។
គួរកត់សម្គាល់ថា រាជរដ្ឋាភិបាលកម្ពុជា នៅតែប្ដេជ្ញាចិត្តខ្ពស់ក្នុងការបង្ការទប់ស្កាត់ឧក្រិដ្ឋកម្មឆ្លងដែន ជាពិសេសអំពើជួញដូរមនុស្ស និងបន្តអនុវត្តរាល់បទដ្ឋានដែលជាប្រយោជន៍ដល់ការលើកកម្ពស់ការ គោរពសិទ្ធិ និងកិច្ចការពារសុវត្ថិភាពមនុស្សជាតិ។ កម្ពុជា បានចូលរួមយ៉ាងសកម្មនៅក្នុងដំណើរការ នៃការរៀបចំ អនុម័ត អនុសញ្ញាអាស៊ានប្រឆាំងការជួញដូរមនុស្ស កតិកាសញ្ញាពិភពលោក ស្ដីពីទេសន្តរប្រវេសក៍ ដោយសុវត្ថិភាពរៀបរយ និងស្របច្បាប់ ដែលហៅកាត់ថា GCM រហូតត្រូវបានការទទួលស្គាល់ពីអង្គការសហប្រជាជាតិ ផ្នែកទេសន្តរប្រវេសក៍ ថាជា“ប្រទេសជ័យលាភី នៃគំនិតផ្ដួចផ្ដើមរបស់កតិកាសញ្ញាពិភពលោក ស្ដីពីទេសន្តរប្រវេសក៍” ក្នុងការប្ដេជ្ញាចិត្តខ្ពស់ ការពារផលប្រយោជន៍ និងសិទ្ធិស្របច្បាប់របស់ពលករទេសន្តរប្រវេសក៍ និងការពារពួកគេពីភាពរងគ្រោះ ដោយការរំលោភបំពាន និងកេងប្រវ័ញ្ចគ្រប់រូបភាព។
ទន្ទឹមនោះ ប្រមុខរាជរដ្ឋាភិបាល ក៏ណែនាំដល់ក្រសួង ស្ថាប័ន កងកម្លាំងប្រដាប់អាវុធ ព្រមទាំងអង្គការដៃគូអភិវឌ្ឍន៍ បន្តតាមដានបាតុភាព និងបទល្មើសផ្សេងៗ និងគ្រប់គ្រងព្រំដែនឲ្យបានគត់មត់ ដើម្បីទប់ស្កាត់មូលហេតុរួមផ្សំ ដែលនាំឲ្យមានអំពើជួញដូរមនុស្ស និងការរំលោភបំពានផ្សេងៗ។ ជាពិសេសការពង្រឹង និងតាមដានការអនុវត្តច្បាប់ គោលនយោបាយ និងបទដ្ឋានគតិយុត្តិនានាឲ្យមានប្រសិទ្ធភាព។ ក្នុងនោះ មិនឲ្យព្រងើយកន្តើយ ឬ គាំទ្រអំពើល្មើសដែលកើតមាន ត្រូវខិតខំរួមគ្នាដោះស្រាយផ្ដល់យុត្តិធម៌ដល់អ្នកដែលរងគ្រោះ ព្រមាន និងដាក់ទោសជនល្មើស ឲ្យសក្ដិសមនឹងអំពើបានប្រព្រឹត្ត ដើម្បីជាការលើកទឹកចិត្តដល់អំពើល្អ សុចរិតភាព និងយុត្តិធម៌ក្នុងសង្គម៕
អត្ថបទ ៖ សិរីវឌ្ឍនៈ
គណៈអភិបាលរាជធានី នឹងចុះសួរសុខទុក្ខទាហាន ឈរជើងការពារ ប្រាសាទព្រះវិហារ និង ខេត្តស្ទឹងត្រែង
Rith Omega ទម្លាយថា ប៊ុត សីហា សម្រេចដើរចេញពីវិថីសិល្បៈជាថ្មី ព្រោះរងសម្ពាធពីការមាក់ងាយពេក
ពានរង្វាន់ Soccer League រួមចំណែកពង្រីកផ្សព្វផ្សាយវិស័យបាល់ទាត់នៅកម្ពុជា
សម្ដេចធិបតី ឱ្យក្រសួងធម្មការគ្រប់គ្រង អ្នកអួតខ្លួនថាមានបារមី និងយកសាសសនាឆបោកលុយ
នាយករដ្ឋមន្ត្រីបញ្ជាឱ្យក្រសួងសុខាភិបាលត្រៀមអន្តរាគមន៍បន្ទាន់ក្នុងករណីផ្ទុះកូវីដឡើងវិញ
កូរ៉េខាងជើង យកតង់បាំងនាវាចម្បាំងដែលលិច
ធ្លាក់យន្តហោះនៅ San Diego រដ្ឋកាលីហ្វ័រញ៉ា សម្លាប់មនុស្ស៦នាក់រួមទាំងតន្ត្រីករល្បី
រដ្ឋមន្ត្រីការពារជាតិថៃ ព្រមានពីហានិភ័យ ផ្ទុះរដ្ឋប្រហារថ្មីទៀត
អាកាសយានដ្ឋានអន្តរជាតិតេជោ លើកពេលបើកដំណើរការទៅដើមខែកញ្ញា
សម្ដេច ហ៊ុន ម៉ាណែត បញ្ជាឱ្យទប់ស្កាត់ការនាំចូលទុរេនគីមី និងផ្អាកការនាំចូលសាច់គោសិន ព្រោះជំងឺឆ្លង
-
ចរាចរណ៍៦ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម៤ ថ្ងៃ agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
សន្តិសុខសង្គម២ ថ្ងៃ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ៣ ថ្ងៃ agoអតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
សន្តិសុខសង្គម៣ ថ្ងៃ agoកម្មករ-កម្មការិនីរោងចក្រប្រមាណ ២៥០ នាក់ តវ៉ាបិទផ្លូវ ២១៧ ខណ្ឌដង្កោ ដោយសំណូមពរ ៥ ចំណុច
-
ព័ត៌មានជាតិ៥ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
កីឡា១ សប្តាហ៍ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
-
ព័ត៌មានអន្ដរជាតិ៥ ម៉ោង agoកូរ៉េខាងជើង យកតង់បាំងនាវាចម្បាំងដែលលិច