ព័ត៌មានជាតិ
មន្ត្រីជាន់ខ្ពស់ការងារ លើកទឹកចិត្តនិយោជក វិនិយោគលើទារកដ្ឋាន និងមតេយ្យសិក្សា នៅក្បែររោងចក្រ ឲ្យបានច្រើន
មន្ត្រីជាន់ខ្ពស់ នៃក្រសួងការងារ និងបណ្ដុះបណ្ដាលវិជ្ជាជីវៈ បានលើកទឹកចិត្តប្រជាពលរដ្ឋ ក៏ដូចជានិយោជក វិនិយោគទៅលើផ្នែកទារកដ្ឋាន និងមតេ្តយ្យសិក្សាក្បែររោងចក្រឲ្យបានច្រើន នៅទូទាំងប្រទេស ដើម្បីជួយសម្រាលបន្ទុកដល់ក្រុមគ្រួសារកម្មករ-និយោជិត។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅរសៀលថ្ងៃទី ២៩ ធ្នូនេះថា «ការលើកទឹកចិត្តឲ្យមានការបង្កើតទារកដ្ឋាន និងមតេ្តយ្យសិក្សានៅក្បែររោងចក្រឲ្យបានច្រើនបន្ថែមទៀតនេះ ដើម្បីជួយសម្រាលបន្ទុកដល់គ្រួសារកម្មករ-និយោជិត ទី១.ឪពុកម្តាយបានរស់នៅក្បែរកូន ថ្នាក់ថ្នមកូន។ ទី២.ផ្តល់កម្លាំងចិត្ត និងពេលវេលាដល់ឪពុកម្តាយក្នុងការបំពេញការងារ។ ទី៣.ផ្តល់ការអប់រំប្រកបដោយគុណភាព សីលធម៌ដល់កូនៗ និងទី៤.ផ្តល់ទំនុកចិត្តដល់ឪពុកម្តាយក្នុងការរស់នៅ និងចិញ្ចឹមបីបាច់កូន»។
ទន្ទឹមនេះ លោក កត្តា អ៊ន បានអំពាវនាវដល់ទារកដ្ឋាន និងមត្តេយ្យសិក្សា សូមផ្តល់តម្លៃសមស្របដើម្បីឲ្យកម្មករ-និយោជិត មានលទ្ធភាពយកកូនទៅផ្ញើ ឬ សិក្សា កុំឲ្យប៉ះពាល់ប្រាក់ចំណូលរបស់ពួកគាត់ និងលើកទឹកចិត្តប្រជាពលរដ្ឋ ក៏ដូចជានិយោជក សូមវិនិយោគផ្នែកនេះឲ្យបានច្រើនតាមរោងចក្រនានា នៅទូទាំងប្រទេស។
គួរបញ្ជាក់ថា បច្ចុប្បន្ន មានទារកដ្ឋាន និងមតេយ្យសិក្សា បានបង្កើតឡើងច្រើននៅក្បែររោងចក្រ បង្កលក្ខណៈងាយស្រួលដល់កម្មករ-និយោជិត ក្នុងការផ្ញើកូនៗ ឲ្យគេជួយថែទាំប្រចាំថ្ងៃ ឬ បញ្ជូនកូនទៅសិក្សាពេញ ១ ថ្ងៃ បានជួយសម្រាលបន្ទុកដល់ឪពុកម្ដាយ ខណៈកន្លងមកពេលកម្មការិនីសម្រាលកូនតែងតែផ្ញើឲ្យឪពុកម្ដាយនៅស្រុកកំណើតជួយមើលថែទាំចៅៗ រហូតដល់ធំដល់អាយុចូលរៀន៕
អត្ថបទ ៖ សំអឿន
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS