ព័ត៌មានជាតិ
ពលរដ្ឋជាង ២០,០០០នាក់ នឹងអញ្ជើញចូលរួម មីទ្ទិញអបអរសាទរ ខួបលើកទី៤៥ នៃទិវាជ័យជម្នះ ៧មករានៅតំបន់កោះពេជ្រនឹងត្រូវបញ្ចៀសចរាចរជាបណ្ដោះអាសន្ន
ការប្រារព្ធធ្វើពិធីមីទ្ទិញអបអរសាទរ ខួបលើកទី៤៥ នៃទិវាជ័យជម្នះ ៧មករា (០៧.០១.១៩៧៩-០៧.០១.២០២៤) នឹងត្រូវធ្វើឡើងនាព្រឹកថ្ងៃ០៧មករានៅមជ្ឈមណ្ឌលសន្និបាត និងពិព័រណ៍កោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយមានប្រជាពលរដ្ឋប្រមាណជាង ២០,០០០នាក់ អញ្ជើញចូលរួម ហើយនៅតំបន់ប្រារព្ធពិធីនេះ ក៏ត្រូវបានធ្វើការបញ្ចៀសចរាចរជាបណ្តោះអាសន្នផងដែរ។
តាមសេចក្តីជូនដំណឹងរបស់រដ្ឋបាលរាជធានីភ្នំពេញបានឱ្យដឹងថា រដ្ឋបាលរាជធានីភ្នំពេញ សូមជម្រាបជូនដំណឹងដល់បងប្អូនប្រជាពលរដ្ឋទាំងអស់ឱ្យបានជ្រាបថា នៅថ្ងៃទី០៧ ខែមករា ឆ្នាំ២០២៤ វេលាម៉ោង ០៦និង៣០នាទី នឹងមានការរៀបចំប្រារព្ធធ្វើពិធីមីទ្ទិញអបអរសាទរ ខួបលើកទី៤៥ នៃទិវាជ័យជម្នះ ៧មករា (០៧.០១.១៩៧៩-០៧.០១.២០២៤) នៅមជ្ឈមណ្ឌលសន្និបាត និងពិព័រណ៍កោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ក្រោមអធិបតីភាពដ៏ខ្ពង់ខ្ពស់ របស់ សម្តេចអគ្គមហាសនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ។
ក្នុងថ្ងៃពិធីខាងលើនេះ នៅមជ្ឈមណ្ឌលសន្និបាត និងពិព័រណ៍កោះពេជ្រ និងតំបន់ជុំវិញអាចមាន ចរាចរមមាញឹកខ្លាំងដោយសារមធ្យោយបាយធ្វើដំណើររបស់ប្រជាពលរដ្ឋប្រមាណជាង ២០,០០០នាក់ ដែល អញ្ជើញចូលរួម។ ដូច្នេះដើម្បីរក្សាបាននូវសណ្តាប់ធ្នាប់ របៀបរៀបរយសាធារណៈ និងបញ្ចៀសបាននូវការ កកស្ទះចរាចរ កម្លាំងមានសមត្ថកិច្ចនឹងធ្វើការបង្វែរទិសចរាចរ នៅតាមគោលដៅសំខាន់ៗមួយចំនួនជុំវិញ ទីតាំងប្រារព្ធពិធី។ ដោយឡែកចំពោះការផ្តល់សេវាចម្លងនៅកំពង់ចម្លងភ្នំពេញ-អរិយក្សត្រ ត្រូវបានប្តូរជា បណ្តោះអាសន្នទៅកំពង់ចម្លងជ្រោយចង្វារ-អរិយក្សត្រ នៅវេលាព្រឹកនាថ្ងៃទី០៧ ខែមករា ឆ្នាំ២០២៤ ចាប់ពី វេលាម៉ោង ០៥:០០នាទី រហូតដល់ចប់កម្មវិធីប្រហែលវេលាម៉ោង ១០:០០នាទី។ ក្រោយចប់កម្មវិធីខាងលើ ការផ្តល់សេវាចម្លងនៅកំពង់ចម្លងភ្នំពេញ-អរិយក្សត្រ ត្រូវបានដំណើរការដូចប្រក្រតីឡើងវិញ។
រដ្ឋបាលរាជធានីភ្នំពេញសង្ឃឹមជឿជាក់ថា បងប្អូនប្រជាពលរដ្ឋទាំងអស់ មេត្តាយោគយល់ អធ្យាស្រ័យ ចំពោះការបញ្ចៀសចរាចរ ការរំខានដោយការកកស្ទះចរាចរជាយថាហេតុ និងការប្តូរទីតាំងផ្តល់សេវាចម្លងនៅ កំពង់ចម្លងភ្នំពេញ-អរិយក្សត្រ តាមកាលបរិច្ឆេទខាងលើដោយក្ដីអនុគ្រោះ៕
ដោយ ៖ ស្រីរ័ត្ន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង