ព័ត៌មានជាតិ
ប្រធានមន្ទីររៀបចំដែនដី ខេត្តបន្ទាយមានជ័យ និងមន្ត្រី ៧ រូបត្រូវបានផ្ទេរចេញពីដំណែង
សាលាខេត្តបន្ទាយមានជ័យកាលពីពេលថ្មីៗនេះ បានបើកកិច្ចប្រជុំបិទទ្វារមួយស្តីពីការបើកការស៊ើបអង្កេតលើករណីមន្ត្រីសុរិយោដីខេត្តបន្ទាយមានជ័យចំនួន ៣៤ នាក់ ប្ដឹងតវ៉ាឱ្យដកប្រធានមន្ទីរដែនដី លោក អាង ណារិទ្ធ ចេញពីដំណែង។
ក្រោយពីកិច្ចប្រជុំបិទ្វារនៅថ្ងៃទី ១៨ ខែមករា ឆ្នាំ ២០២៤ មន្ត្រីចំនួន ៨រូប រួមមាន៖ ប្រធានមន្ទីរ និងអនុប្រធាន ៥នាក់ រួមទាំងប្រធានការិយាល័យ ២រូប ត្រូវផ្ទេរទៅក្រសួងរៀបចំដែនដី។
![](https://www.kampucheathmey.com/wp-content/uploads/2024/01/photo_2024-01-20_11-53-35.jpg)
មន្ត្រីទាំង ៨ រូប រួមមាន លោក អាង ណារិទ្ធ ប្រធានមន្ទីរ ដែលត្រូវមន្ត្រីប្តឹង ឬអ្នករងបណ្តឹង និង៧នាក់ទៀត ជាអ្នកប្តឹង ឬដើមបណ្តឹងក្នុងចំណោមអ្នកប្តឹងសរុប៣៤នាក់ ក្នុងចំណោម ៤២នាក់នៃមន្ត្រីមន្ទីរ រួមមាន លោក អឿ សុភ័ណ អនុប្រធានមន្ទីរទទួលរដ្ឋបាល ហិរញ្ញវត្ថុ, លោកឡុង វុធ អនុប្រធានមន្ទីរ សំណង់, លោកមួង វិបុល អនុប្រធានមន្ទីរ សុរិយោដី, លោកស្រី ជាធូ វឌ្ឍនា អនុប្រធានមន្ទីរ យេនឌ័រ, លោករ៉ូ បូរ៉ា អនុប្រធានមន្ទីរ រៀបចំដែនដី,
លោក ហង្ស រិនឌី ប្រធានការិយាល័យរដ្ឋបាល និងលោកឡេង ម៉ារី ប្រធានការិយាល័យសុរិយោដី។
ក្រោយកិច្ចប្រជុំចង្អៀតនោះរួចមក មន្ត្រី និងថ្នាក់ដឹកនាំបានប្រាប់សារព័ត៌មានខ្លីថា ដោយមានការសម្រួលភារកិច្ចថ្នាក់ដឹកនាំទាំងអស់នៃមន្ទីរដូច្នេះ ទើបក្រសួងរៀបចំដែនដី និងរដ្ឋបាលខេត្ត សម្រេចដកហូតត្រាមន្ទីរមករក្សាទុក ហើយចាត់តាំងលោក លៀម សុដា អភិបាលរងខេត្តបន្ទាយមានជ័យ ឲ្យទៅទទួលដឹកនាំបណ្តោះអាសន្នលើចរន្តការងាររដ្ឋបាល មិនមែនបច្ចេកទេសក្នុងអន្តរកាលនេះផងដែរ។
![](https://www.kampucheathmey.com/wp-content/uploads/2024/01/photo_2024-01-20_11-53-35-2.jpg)
សូមរម្លឹកថា កាលពីថ្ងៃទី៤ ខែតុលា ឆ្នាំ២០២៣ មន្ត្រីរាជការនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តបន្ទាយមានជ័យ បានប្តឹងតវ៉ាទៅកាន់លោក សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ពីរឿងប្រធានមន្ទីរដែនដី ខេត្តបន្ទាយមានជ័យលោក អាង ណារិទ្ធ ថាជាមនុស្សគ្មានសីលធម៌ គ្មានគុណធម៌ គ្មានភាពជាអ្នកដឹកនាំ និងមានចរិតឆេវឆាវ គំរាមកំហែង សម្ដីអសុរោះជាដើម៕
![](https://www.kampucheathmey.com/wp-content/uploads/2024/01/photo_2024-01-20_11-53-36.jpg)
អត្ថបទ៖ វ៉ាន់ ណាង
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច២ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ៣ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម២ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៣ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
សន្តិសុខសង្គម៦ ថ្ងៃ ago
បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ
-
ព័ត៌មានជាតិ៦ ថ្ងៃ ago
ពលរដ្ឋខេត្តបាត់ដំបងយ៉ាងច្រើនកុះករ សប្បាយខ្ញៀវខ្ញារពេល ព្រះអង្គ ចន្ទ មុនី និមន្តមកដល់ ដើម្បីប្រោះព្រំ
-
ព័ត៌មានអន្ដរជាតិ៤ ថ្ងៃ ago
ទំនប់វារីអគ្គិសនីនៅស៊ូដង់បាក់ក្រោយភ្លៀងខ្លាំងបណ្តាលឱ្យប៉ះពាល់ផ្ទះ៥ម៉ឺនខ្នងនិង៦០ស្លាប់
-
ព័ត៌មានជាតិ៦ ថ្ងៃ ago
សម្ដេចព្រះសង្ឃនាយកស្ដីទី ផ្ដាំមន្ត្រីសង្ឃឱ្យជឿទុកចិត្តលើរដ្ឋាភិបាល ដើម្បីបន្តអភិវឌ្ឍជាតិឱ្យរីកចម្រើន