ព័ត៌មានជាតិ
ផ្លូវជាតិជាច្រើនខ្សែ ដេញថ្លៃបានដោយក្រុមហ៊ុនកូរ៉េទទួលគម្រោងសាងសង់បន្តបន្ទាប់
ផ្លូវជាតិជាច្រើនខ្សែទទួលអនុវត្តសាងសង់ជាបន្តបន្ទាប់ដោយក្រុមហ៊ុនកូរ៉េ។ ជាក់ស្ដែងផ្លូវជាតិលេខ ៤៨ បំបែកពីស្រែអំបិលទៅក្រុងខេមរភូមិន្ទទីរួមខេត្តកោះកុងដែលកំពុងដំណើរការសាងសង់ ក៏ទទួលខុសត្រូវអនុវត្តដោយសម្ព័ន្ធក្រុមហ៊ុនកូរ៉េ ILSUNG & HANIL Joint Venture។
ក្រុមហ៊ុនកូរ៉េដេញថ្លៃគម្រោងសាងសង់ហេដ្ឋារចនាសម្ព័ន្ធផ្លូវជាតិជាច្រើនខ្សែបន្តបន្ទាប់មានផ្លូវជាតិលេខ ២១ លេខ ២ និងលេខ ២២។ យ៉ាងណាមិញ ហេដ្ឋារចនាសម្ព័ន្ធផ្លូវជាតិដែលទទួលខុសត្រូវសាងសង់ដោយក្រុមហ៊ុនកូរ៉េ មានការលើកឡើងពីគុណភាពនិងភាពយឺតយ៉ាវរហូតធ្លាប់រងការព្រមានដាក់ក្នុងបញ្ជីខ្មៅជំនាន់អតីតរដ្ឋមន្រ្តីក្រសួងសាធារណការនិងដឹកជញ្ជូន លោក ស៊ុន ចាន់ថុល ថែមទៀតផង។
ផ្លូវជាតិលេខ ២១ ពីក្រុងតាខ្មៅទៅព្រំដែនជ្រៃធំ ស្រុកកោះធំ ខេត្តកណ្តាល ដែលសាងសង់ដោយក្រុមហ៊ុនកូរ៉េហាន់ស៊ីង (HanShin) ធ្លាប់រងការរិះគន់ពីប្រជាជនដោយសារសាងសង់គ្មានគុណភាព។ ជាមួយគ្នានេះកំណាត់ផ្លូវជាតិលេខ ៣ ពីភ្នំពេញទៅខេត្តកំពត ដែលក្រុមហ៊ុនកូរ៉េដដែលនេះសាងសង់ខ្វះការទទួលខុសត្រូវ ក៏ត្រូវស្ថាបនាឡើងវិញដោយក្រុមហ៊ុនចិន។
ដោយឡែកផ្លូវជាតិលេខ ២ និង ២២ ទៅតាកែវ ដែលស្ថាបនាដោយក្រុមហ៊ុនកូរ៉េហាន់ស៊ីង (HanShin) បញ្ចប់ជាងមួយឆ្នាំ នៅមិនទាន់សម្ពោធដាក់ឲ្យប្រើប្រាស់នៅឡើយ។
អតីតរដ្ឋមន្រ្តីក្រសួងសាធារណការនិងដឹកជញ្ជូន លោក ស៊ុន ចាន់ថុល ពេលចុះទៅត្រួតពិនិត្យលើកំណាត់ផ្លូវជាតិលេខ ២ កាលពីខែមេសា ឆ្នាំ ២០២២ រកឃើញថា ការសាងសង់មិនស្របតាមបច្ចេកទេសនិងមានភាពយឺតយ៉ាវ។
ទាក់ទងការដេញថ្លៃសាងសង់ផ្លូវជាតិផ្សេងៗ លោក ស៊ុន ចាន់ថុល អតីតរដ្ឋមន្ត្រីក្រសួងសាធារណការ និងដឹកជញ្ជូនធ្លាប់គូសបញ្ជាក់ថា ដោយសារគម្រោងផ្លូវជាតិមួយចំនួនប្រើប្រាស់ប្រាក់កម្ចីពីបរទេស ដូច្នេះការជ្រើសរើសក្រុមហ៊ុនសាងសង់ក៏ផ្អែកលើប្រទេសផ្ដល់ជំនួយ។ ជាក់ស្ដែងផ្លូវជាតិលេខ ២ និង ២២ ផ្ដល់កម្ចីពីប្រទេសកូរ៉េហើយក្រុមហ៊ុនកូរ៉េដេញថ្លៃបានក្នុងការសាងសង់។
ផ្លូវជាតិលេខ ២ និង ២២ មិនត្រឹមតែសាងសង់យឺតយ៉ាវថែមទាំងសាងសង់គ្មានគុណភាព ដោយក្រុមហ៊ុនលើកហេតុផលថាដោយសារវិបត្តិជំងឺកូវីដទើបនាំឲ្យរាំងស្ទះដល់ដំណើរការសាងសង់។ នេះបើតាមលោក ស៊ុន ចាន់ថុល។
ដោយឡែកផ្លូវជាតិលេខ ៤៨ ពីផ្លូវបំបែកស្រែអំបិលទៅទីរួមខេត្តកោះកុង ដែលកំពុងដំណើរការសាងសង់ដោយក្រុមហ៊ុនកូរ៉េដែរនោះ ក៏សាងសង់យឺតយ៉ាវជាងផែនការ។ ក្រុមហ៊ុនបានសន្យានឹងបន្ថែមកម្លាំងកម្មករ និងគ្រឿងចក្រ ដើម្បីជំរុញការស្ថាបនាឲ្យទាន់តាមផែនការ។
កំណាត់ផ្លូវជាតិលេខ ៤៨ គ្រោងបញ្ចប់នៅពាក់កណ្តាលឆ្នាំ ២០២៤ ប៉ុន្តែគិតមកដល់ចុងឆ្នាំ ២០២៣ ទើបសម្រេចបានជាង ៤០% ហើយបើតាមភាពជាក់ស្តែងអាចអូសបន្លាយរហូតដល់អំឡុងឆ្នាំ ២០២៥។
ក្រៅពីទទួលខុសត្រូវសាងសង់ផ្លូវជាតិដែលប្រើប្រាស់ប្រាក់កម្ចីពីរដ្ឋាភិបាលកូរ៉េ ក្រុមហ៊ុនកូរ៉េក៏ដេញថ្លៃបានគម្រោងស្ថាបនាហេដ្ឋារចនាសម្ព័ន្ធផ្លូវជាតិមួយចំនួនក្រោមជំនួញពីស្ថាប័ននិងប្រទេសផ្សេងទៀត។
ជាក់ស្តែងកំណាត់ផ្លូវជាតិលេខ ៥ ដែលប្រើប្រាស់កម្ចីពីរដ្ឋាភិបាលជប៉ុន ក្រុមហ៊ុនកូរ៉េហាន់ស៊ីងក៏ដេញថ្លៃបានលើការដ្ឋានសាងសង់ចាប់ពីគីឡូម៉ែត្រលេខ ១២០ ដល់ចំណុចគីឡូម៉ែត្រលេខ១៧១+២០០។
ដោយឡែកផ្លូវខេត្តលេខ ៣១២ ស្ថិតនៅភូមិសាស្ត្រខេត្តព្រៃវែងដែលបានបើកការដ្ឋានសាងសង់កាលពីខែមិថុនា ឆ្នាំ២០២៣ ប្រវែង ២៨,៣៧២ គីឡូម៉ែត្រ ប្រើប្រាស់ថវិកាឥណទានសម្បទានរបស់ធនាគារអភិវឌ្ឍន៍អាស៊ីសរុបប្រមាណ ២៤,៨៩ លានដុល្លារអាមេរិក ក៏អនុវត្តការសាងសង់ដោយក្រុមហ៊ុនកូរ៉េ ILSUNG-KR JOINT VENTURE។
ទាក់ទងការដេញថ្លៃស្ថាបនាផ្លូវជាតិរបស់ក្រុមហ៊ុនកូរ៉េ លោក ស៊ុន ចាន់ថុល អតីតរដ្ឋមន្រ្តីក្រសួងសាធារណការនិងដឹកជញ្ជូនសង្កេតឃើញថា ក្រុមហ៊ុនកូរ៉េតែងតែបន្ទាបតម្លៃដេញថ្លៃដើម្បីទទួលបានគម្រោងយកទៅសាងសង់។ ក្រោយទទួលបានគម្រោង ក្រុមហ៊ុនតែងតែស្នើសុំឲ្យសម្រួលលក្ខខណ្ឌសាងសង់។
យ៉ាងនេះហើយដែលអតីតរដ្ឋមន្រ្តីក្រសួងសាធារណការនិងដឹកជញ្ជូន លោក ស៊ុន ចាន់ថុល វាយតម្លៃបានថា ដោយសារការដាក់ដេញថ្លៃមិនមានតុល្យភាពទៅតម្លៃស្ថាបនា ដូច្នេះក្រុមហ៊ុនត្រូវកេងចំណេញលើបច្ចេកទេសទើបធ្វើឲ្យការស្ថាបនាគ្មានគុណភាព៕
លោក ថាក់ស៊ីន បង្ហាញបំណងចេញមុខជួយរដ្ឋាភិបាលកូន ចរចារឿងពន្ធគយជាមួយអាមេរិក
យោធារុស្ស៊ីអះអាងថា រំដោះតំបន់ Kursk ទាំងស្រុង ចំថ្ងៃ លោក ត្រាំ ជួបហ្សេលេនស្គី និងមេដឹកនាំអឺរ៉ុប
Barca អវត្តមានកីឡាករសំខាន់ ៤ នាក់ ខណៈ Real Madrid អវត្តមាន ៣នាក់ មុនប៉ះគ្នាយប់នេះ
ព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
រដ្ឋមន្ត្រីការងារឱ្យរើសគ្រូបច្ចេកទេសជិត៣ពាន់នាក់ដើម្បីដាក់បង្រៀនតាមសាលារដ្ឋ
ព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
ក្រុមហ៊ុន វឌ្ឍនៈ ហ៊ានចេញមុខប្រកាសគាំទ្រ “ចំណាត់ការ របស់សម្តេចធិបតី ហ៊ុន ម៉ាណែត ផ្អាកការផ្តល់រង្វាន់តាមរយៈក្រវិលកំប៉ុងស្រាបៀរនិងគម្របភេសជ្ជៈ”
អាជ្ញាធរមីយ៉ាន់ម៉ាចាប់ខ្លួនគ្រូហោរាម្នាក់ដែលទស្សន៍ទាយពីការរញ្ជួយដីមិនពិតនៅលើ TikTok
បុរស ជប៉ុន លាក់គ្រោងឆ្អឹងឪពុកក្នុងទូខោអាវ រយៈពេល២ឆ្នាំ ដើម្បីគេចពីថ្លៃចំណាយលើបុណ្យសព
នគរបាលកំពុងស៊ើបសួរបុគ្គលិកសាលាបង្រៀនភាសាកូរ៉េ ១ កន្លែង ជុំវិញករណី ពលរដ្ឋជាច្រើននាក់ មកតវ៉ាទាមទារលុយបង់ថ្លៃសិក្សា
-
ចរាចរណ៍៤ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
សន្តិសុខសង្គម៧ ម៉ោង agoព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
ព័ត៌មានជាតិ២ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ៣ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ១ ថ្ងៃ agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
ព័ត៌មានអន្ដរជាតិ១ ថ្ងៃ agoហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
សុខភាព៥ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ៣ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន