ព័ត៌មានជាតិ
អភិបាលខេត្តកែប បញ្ជាឱ្យពិនិត្យឡើងវិញរាល់ផ្ទាំងផ្សព្វផ្សាយទាំងអស់
លោក សោម ពិសិដ្ឋ អភិបាលខេត្តកែប បានដាក់បញ្ជាឱ្យមន្ត្រីថ្នាក់ក្រោមត្រូវចុះត្រួតពិនិត្យរាល់សកម្មភាពស្លាកផ្សាយពាណិជ្ជកម្មទាំងអស់ឡើងវិញនៅខេត្តកែប។ ការបញ្ជានេះ ធ្វើឡើង ក្នុងឱកាសលោកអញ្ជើញបិទ សន្និបាតបូកសរុបការងារប្រចាំឆ្នាំ របស់រដ្ឋបាលស្រុកដំណាក់ចង្អើរ កាលពីថ្ងៃទី២២ ខែមករា ឆ្នាំ២០២៤។
![](https://www.kampucheathmey.com/wp-content/uploads/2024/01/photo_2024-01-23_12-40-23-1024x772.jpg)
លោក សោម ពិសិដ្ឋ បានលើកឡើងថា នារយៈពេលប៉ុន្មានថ្ងៃនេះ ខេត្តកែប មានផ្ទុះការរិះគន់រឿងការដាក់តាំងស្លាកប៉ាណូផ្សព្វផ្សាយស្រាបៀរតាមសួនច្បារ នៅបណ្តោយផ្លូវជាតិលេខ ៣៣A និងឆ្នេរលេងទឹកខេត្តកែប តែយ៉ាងណា ស្លាកប៉ាណូទាំងនោះត្រូវបានអាជ្ញាធរឱ្យក្រុមហ៊ុនដកចេញវិញរួចរាល់អស់ហើយ។ បន្ថែមពីនោះ អភិបាលខេត្តកែប បានដាក់បញ្ជាឱ្យមន្រ្តីជំនាញ និងអាជ្ញាធរថ្នាក់ក្រោម ត្រូវចុះត្រួតពិនិត្យរាល់ផ្ទាំងប៉ាណូ ស្លាកផ្សាយពាណិជ្ជកម្មទាំងអស់ និងត្រូវអនុត្តឱ្យមានប្រសិទ្ធភាព។
![](https://www.kampucheathmey.com/wp-content/uploads/2024/01/ក-1.jpg)
លោក សោម ពិសិដ្ឋ បានណែនាំដោយសង្កត់ធ្ងន់ថា គណៈបញ្ជាការឯកភាពក្រុង ស្រុកទាំងអស់ ត្រូវចុះត្រួតពិនិត្យ រាល់ពេលមានស្លាកពាណិជ្ជកម្មគ្រប់ប្រភេទ ពាក់ព័ន្ធគម្លាតចូលចំណីផ្លូវ ប៉ះពាល់ដល់ទីតាំងសាធារណៈ ឬស្លាកពាណិជ្ជកម្មដែលធ្វើឱ្យប៉ះពាល់ដល់សីលធម៌សង្គមជាដើម ហើយត្រូវកាត់ចោល ឬចុះរើចេញរាល់ស្លាកផ្សព្វផ្សាយណារកឃើញថាមិនមានភាពត្រឹមត្រូវ។
![](https://www.kampucheathmey.com/wp-content/uploads/2024/01/ខ-2-1024x614.jpg)
លោក សោម ពិសិដ្ឋ បានបញ្ជាក់ថា ការិយាល័យច្រកចេញចូលតែមួយ ដែលជាតួអង្គស្នូល ត្រូវត្រួតពិនិត្យមើលដោយតម្រង់ទិសក្រុមហ៊ុនដាក់ស្លាកផ្សព្វផ្សាយទាំងនោះ កុំឱ្យរំលោភចូលចិញ្ចើមថ្នល់សាធារណៈ ឬទីតាំងសាធារណៈដែលមិនទាន់ឯកភាព និងត្រូវពិនិត្យរាល់ខ្លឹមសារ នៃការផ្សព្វផ្សាយ រួមជាមួយអក្ខរាវិរុទ្ធជាដើម។
![](https://www.kampucheathmey.com/wp-content/uploads/2024/01/photo_2024-01-23_12-24-25-768x1024.jpg)
អភិបាលខេត្តកែប ខាងលើ ក៏បានធ្វើការណែនាំដល់មន្ទីរជំនាញពាក់ព័ន្ធទាំងអស់ ត្រូវសហការគ្នាជាមួយអាជ្ញាធរ ធ្វើការងារទាំងនេះឱ្យបានប្រសិទ្ធភាពខ្ពស់ក្នុងភូមិសាស្រ្តខេត្តកែប។
![](https://www.kampucheathmey.com/wp-content/uploads/2024/01/photo_2024-01-23_12-52-58-1024x576.jpg)
គួរបញ្ជាក់ថា បន្ទាប់ពីផ្ទុះការរិះគន់ ផ្ទាំងប៉ាណូផ្សព្វផ្សាយពាណិជ្ជកម្មស្រាបៀរពេញក្នុងភូមិសាស្រ្តក្រុងកែប នៅថ្ងៃទី២១ ខែមករា ឆ្នាំ២០២៤ នេះ មន្ត្រីអាជ្ញាធរ និងតំណាងក្រុមហ៊ុនបានធ្វើការរុះរើផ្ទាំងប៉ាណូផ្សព្វផ្សាយពាណិជ្ជកម្មស្រាបៀរទាំងនោះចេញវិញ ធ្វើឱ្យប្រជាពលរដ្ឋក្នុងខេត្តកែប ក៏ដូចជាភ្ញៀវទេសចរជាតិ អន្តរជាតិសម្តែងការគាំទ្រ និងសង្ឃឹមថា ខេត្តជាប់មាត់សមុទ្រ ដែលពោរពេញទៅដោយសក្ដានុពលផ្នែកវិស័យទេសចរណ៍ ឆ្នេរខ្សាច់ និងកោះធម្មជាតិដ៏ស្រស់ស្អាតជាច្រើនកន្លែងមួយនេះ នឹងមិនមានការដាក់តាំងផ្ទាំងប៉ាណូផ្សព្វផ្សាយស្រាបៀរតទៅទៀតឡើយ៕
អត្ថបទ៖ សឹង រ៉ាត់
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៧ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៦ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៥ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ ago
បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល