Connect with us

ព័ត៌មានជាតិ

សម្ដេច ហ៊ុន ម៉ាណែត បញ្ជាក់ថា កម្ពុជា នឹងបន្តចូលរួមក្នុងយន្ដការរបស់អង្គការសហប្រជាជាតិ​

បានផុស

នៅ

សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាក់ថា កម្ពុជា នឹងបន្តចូលរួមក្នុងយន្ដការ របស់អង្គការសហប្រជាជាតិ​ នៅក្នុងការថែរក្សាសុខសន្តិភាព នៅតាមបណ្ដាប្រទេសផ្សេងទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបញ្ជាក់នេះ ធ្វើឡើងក្នុងពិធីអបអរសាទរខួបអនុស្សាវរីយ៍លើកទី ២៥ ថ្ងៃបង្កើតបញ្ជាការដ្ឋានកងទ័ពជើងគោក នៃកងយោធពលខេមរភូមិន្ទ ២៤ មករា ១៩៩៩ – ២៤ មករា ២០២៤ នាព្រឹកថ្ងៃទី ២៤ ខែមករា ឆ្នាំ ២០២៤នេះ។  

សម្ដេចធិបតី ហ៊ុន ម៉ាណែត មានប្រសាសន៍ថា កងទ័ពជើកគោកកម្ពុជា បានជួយលើកកម្ពស់កិត្តិយសជាតិ នៅលើឆាកអន្តរជាតិ ក្នុងការបំពេញបេសកកម្មក្រោមឆ័ត្រអង្គការសហប្រជាជាតិ (UN)។ សម្ដេច មានប្រសាសន៍បន្តថា កងទ័ព ជើកគោកកម្ពុជា បានបំពេញភារកិច្ចមិនត្រឹមតែការពារសុខសន្តិភាព ក្នុងប្រទេសប៉ុណ្ណេះទេ តែថែមទាំងបានជួយចូលរួមថែរក្សាសុខសន្តិភាព នៅតាមបណ្ដាប្រទេសមួយចំនួនទៀត។

បើតាមសម្ដេចធិបតី ហ៊ុន ម៉ាណែត ក្នុងដំណើរទស្សនកិច្ចរបស់សម្ដេច នៅប្រទេសបារាំង កាលពីពេលថ្មីៗនេះ មានសំណូមបន្ថែមឲ្យកម្ពុជាពិចារណាបញ្ជូនកងទ័ព ដើម្បីទៅជួយថែរក្សាសន្តិភាព ក្នុងប្រទេសមួយចំនួនទៀត។ ប៉ុន្តែរដ្ឋធម្មនុញ្ញរបស់កម្ពុជា មាត្រា ៥៣ បានចែងថា កងទ័ពកម្ពុជា មិនអនុញ្ញាតឲ្យមានមូលដ្ឋាននៅក្រៅប្រទេស បើមិនមែននៅក្រោមឆ័ត្រអង្គការសហប្រជាជាតិទេ។

សម្ដេចនាយករដ្ឋមន្ត្រី បានបន្ថែមថា «អញ្ចឹងយើងនឹងបន្តចូលរួមជាមួយនឹងយន្ដការ របស់អង្គការសហប្រជាជាតិ​ ដើម្បីចូលរួមនៅក្នុងការថែរក្សាសុខសន្តិភាព នៅតាមបណ្ដាប្រទេសផ្សេងទៀត យើងយល់ពីផលលំបាកនៃសង្រ្គាម យើងយល់អំពីភាពវេទនារបស់ប្រជាពលរដ្ឋយើង ដោយសារសង្រ្គាម»។

សូមជម្រាបថា ចាប់តាំងពីឆ្នាំ ២០០៦ មកដល់បច្ចុប្បន្ននេះ ប្រទេសកម្ពុជា បានបញ្ជូនកងកម្លាំងទៅបំពេញបេសកកម្មរក្សាសន្តិភាព របស់អង្គការសហប្រជាជាតិចំនួន ៩,២០៥នាក់។ ក្នុងនោះ មាននារី ៧២៦នាក់ ទៅកាន់បេសកកម្មចំនួន ១២ ក្នុងប្រទេសចំនួន ១០ សម្រេចជោគជ័យជាបន្តបន្ទាប់៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៨ នាទី មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ២ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៣ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៣ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៤ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម