ព័ត៌មានជាតិ
រដ្ឋមន្ត្រីអប់រំ ណែនាំរដ្ឋបាលក្រុង ស្រុក ខណ្ឌ អនុវត្តមុខងារក្នុងវិស័យអប់រំ យុវជន និងកីឡា ឱ្យមានគុណភាព ប្រសិទ្ធភាព និងតម្លាភាព
លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និង កីឡា បានណែនាំដល់រដ្ឋបាលក្រុង ស្រុក ខណ្ឌ អនុវត្តមុខងារក្នុងវិស័យអប់រំ យុវជន និងកីឡា ឱ្យមានគុណភាព ប្រសិទ្ធភាព និងតម្លាភាព គណនេយ្យភាពបរិយាបន្ន និងសមធម៌សង្គម។
ថ្លែងក្នុងពិធីបិទវគ្គបណ្តុះបណ្តាលសៀវភៅណែនាំ ស្តីពីគោលការណ៍ បែបបទ និងនីតិវិធីអនុវត្តមុខងារក្នុងវិស័យអប់រំ យុវជន និងកីឡា ដែលបានផ្ទេរទៅឱ្យរដ្ឋបាលក្រុង ស្រុក ខណ្ឌ កាលពីរសៀលថ្ងៃទី ៩ កុម្ភៈ លោកឧបនាយករដ្ឋមន្ត្រី ដែលជាប្រធានក្រុមការងារកំណែទម្រង់វិមជ្ឈការ និង វិសហមជ្ឈការប្រចាំក្រសួងអប់រំ យុវជន និង កីឡា និងជាអនុប្រធាន គ.ជ.អ.ប ផងដែរនោះ បានមានប្រសាសន៍ថា ការផ្ទេរមុខងារអប់រំ យុវជន និងកីឡា ទៅឱ្យរដ្ឋបាលក្រុង ស្រុក ខណ្ឌ គឺជាការបែងចែកឡើងវិញឱ្យបានច្បាស់លាស់នូវតួនាទី និងការទទួលខុសត្រូវរវាងក្រសួងអប់រំ យុវជន និងកីឡា និងរដ្ឋបាលក្រុង ស្រុក ខណ្ឌ ដែលជារដ្ឋបាលមូលដ្ឋាននៅកៀកជិតប្រជាពលរដ្ឋ ដើម្បីចូលរួមក្នុងការគ្រប់គ្រង ការចាត់ចែង និងការផ្តល់សេវាអប់រំ យុវជន និងកីឡា ជូនប្រជាជននៅក្នុង ដែនសមត្ថកិច្ចរបស់ខ្លួនឱ្យកាន់តែមានគុណភាព ប្រសិទ្ធភាព តម្លាភាព គណនេយ្យភាពបរិយាបន្ន និងសមធម៌សង្គម។
លោកឧបនាយករដ្ឋមន្ត្រី បានបន្តថា មុខងារអប់រំ យុវជន និងកីឡា ដែលបានផ្ទេរទៅឱ្យរដ្ឋបាលក្រុង ស្រុក ខណ្ឌ គឺជាមុខងារជាកាតព្វកិច្ច អាស្រ័យហេតុនេះ រដ្ឋបាលក្រុង ស្រុក ខណ្ឌនីមួយៗ ចាំបាច់ត្រូវមានកាតព្វកិច្ចដោយខានមិនបានក្នុងការដឹកនាំ គ្រប់គ្រង ចាត់ចែង និងអនុវត្តមុខងារទាំងនេះ ដើម្បីធានាដល់ការផ្តល់សេវាអប់រំ យុវជន និងកីឡា ជូនប្រជាជនក្នុងដែនសមត្ថកិច្ចរបស់ខ្លួនឱ្យបានសម្រេចយ៉ាងហោចត្រឹមកម្រិតស្តង់ដារអប្បបរមាដែលបានកំណត់ដោយក្រសួងអប់រំ យុវជន និងកីឡា។ ក្នុងករណីមានបញ្ហាប្រឈមណាមួយដែលក្រុង ស្រុក ខណ្ឌនីមួយៗ មិនអាចសម្របសម្រួលដោះស្រាយ ត្រូវពិគ្រោះយោបល់ ឬ សុំយោបល់ពីមន្ទីរអប់រំ យុវជន និងកីឡា ឬ មន្ទីរពាក់ព័ន្ធនានា ឬមកក្រសួងស្ថាប័ននៅថ្នាក់ជាតិដើម្បីជួយគាំទ្រ និងផ្តល់មតិយោបល់។
ដើម្បីធានាឱ្យការអនុវត្តមុខងារក្នុងវិស័យអប់រំបានល្អប្រសើរប្រកបដោយប្រសិទ្ធភាពខ្ពស់ លោក ឧបនាយករដ្ឋមន្ត្រី បានណែនាំដល់ ថ្នាក់ដឹកនាំ រដ្ឋបាលក្រុង ស្រុក ខណ្ឌ ទាំងអស់ ត្រូវផ្តោតការយកចិត្តទុកដាក់ប្រកបដោយស្មារតីទទួលខុសត្រូវខ្ពស់លើការដឹកនាំ ការគ្រប់គ្រង ការចាត់ចែង និងការអនុវត្តមុខងារអប់រំ យុវជន និងកីឡា ដែលបានផ្ទេរឱ្យទាំងនេះឱ្យមានប្រសិទ្ធភាពខ្ពស់ស្របតាមគោលនយោបាយ គោលការណ៍ បែបបទ នីតិវិធី និងស្តង់ដារដែលបានកំណត់។
ចំណែកអភិបាលក្រុង ស្រុក ខណ្ឌទាំងអស់ ត្រូវផ្តោតការយកចិត្តទុកដាក់ឱ្យបានហ្មត់ចត់ក្នុងការគ្រប់គ្រងបុគ្គលិកអប់រំឱ្យមានប្រសិទ្ធភាព តម្លាភាព យុត្តិធម៌ ស្របតាមគោលការណ៍ នីតិវិធី និងស្តង់ដារ នៃការប្រើប្រាស់បុគ្គលិកអប់រំដែលបានកំណត់។ ចំពោះការតែងតាំងនាយក នាយករងសាលាមត្តេយ្យសិក្សា និងនាយក នាយករងសាលាបឋមសិក្សា លេខាធិការដ្ឋាន គ.ជ.អ.ប. បាននិងកំពុងសម្របសម្រួលសហការជាមួយក្រសួងអប់រំ យុវជន និងកីឡា និងក្រសួងមុខងារសាធារណៈក្នុងការរៀបចំសេចក្ដី ណែនាំលម្អិតបន្ថែមមួយ ដើម្បីធានាដល់ការជ្រើសរើសបាននូវមន្ត្រីអប់រំដែលមានលក្ខណៈសម្បត្តិ និងសមត្ថភាពខ្ពស់សមស្របសម្រាប់ការតែងតាំងមុខតំណែងគ្រប់គ្រងគ្រឹះស្ថានសិក្សាសាធារណៈទាំងនេះ។
ចំពោះការរៀបចំសេចក្ដីណែនាំថ្មីលើការតែងតាំងគណៈគ្រប់គ្រងសាលារៀន សុំឱ្យក្រុមការងារបច្ចេកទេស ត្រូវរៀបចំដោយយកលក្ខណៈវិនិច្ឆ័យ នៃការតែងតាំងនាយកសាលាដែលក្រសួងអប់រំ យុវជន និងកីឡា ធ្លាប់បានដាក់ចេញជាគោល និងសូមស្នើសុំឱ្យរដ្ឋបាលក្រុង ស្រុក ខណ្ឌ ពិនិត្យនីត្យានុកូលភាពពីមន្ទីរអប់រំ យុវជន និងកីឡារាជធានី ខេត្តជាមុន។
ចំពោះការជ្រើសរើសគ្រូបង្រៀនជាប់កិច្ចសន្យារដ្ឋបាលក្រុង ស្រុក ខណ្ឌ ត្រូវធ្វើការរៀបចំជ្រើសរើសស្របតាមសេចក្តីណែនាំលេខ១១៦៨ ស្តីពីការជ្រើសរើសគ្រូជាប់កិច្ចសន្យា ដែលក្រសួងអប់រំ យុវជន និងកីឡា បានដាក់ចេញ។
រីឯអភិបាលក្រុង ស្រុក ខណ្ឌ ក៏ត្រូវពង្រឹងចំណេះដឹងលើការគ្រប់គ្រងធនធានហិរញ្ញវត្ថុដែលបានផ្ទេរសម្រាប់ការអនុវត្តមុខងារអប់រំ យុវជន និងកីឡា ឱ្យមានប្រសិទ្ធភាព តម្លាភាព ស្របតាមគោលការណ៍ និងនីតិវិធីដែលបានកំណត់។ ហើយថវិកាដំណើរការរបស់គ្រឹះស្ថានមត្តេយ្យសិក្សាសាធារណៈ គ្រឹះស្ថានបឋមសិក្សាសាធារណៈ និងមជ្ឈមណ្ឌលសិក្សាសហគមន៍នឹងនៅតែបន្តផ្ទេរត្រង់ទៅឱ្យគ្រឹះស្ថានមត្តេយ្យសិក្សាសាធារណៈ គ្រឹះស្ថានបឋមសិក្សាសាធារណៈ និងមជ្ឈមណ្ឌលសិក្សាសហគមន៍។
រដ្ឋបាលក្រុង ស្រុក ខណ្ឌនីមួយៗ ត្រូវរៀបចំកិច្ចប្រជុំផ្សព្វផ្សាយឱ្យបានទូលំទូលាយ អំពីគោលការណ៍ បែបបទ និងនីតិវិធី នៃការអនុវត្តមុខងារ និងការទទួលខុសត្រូវក្នុងការអនុវត្តមុខងារអប់រំ យុវជន និងកីឡា ដែលបានផ្ទេរឱ្យទាំងនេះ ដើម្បីឱ្យបានជ្រួតជ្រាបជូនដល់គណៈគ្រប់គ្រងសាលា លោកគ្រូ អ្នកគ្រូ គណៈកម្មការគ្រប់គ្រងសាលា មន្ត្រីពាក់ព័ន្ធ ក្រុមប្រឹក្សាឃុំ សង្កាត់ អង្គការសង្គមស៊ីវិល និងអ្នកពាក់ព័ន្ធនានា។
រដ្ឋបាលរាជធានី ខេត្ត ជាពិសេសមន្ទីរអប់រំ យុវជន និងកីឡា និងមន្ទីរពាក់ព័ន្ធដទៃទៀត ត្រូវផ្ដល់ការគាំទ្រទាំងសមត្ថភាព បច្ចេកទេស និងការគាំទ្រផ្សេងៗ ទៀត ព្រមទាំងតាមដាន ត្រួតពិនិត្យ និងវាយតម្លៃ និងអន្តរាគមន៍ដោះស្រាយបញ្ហាប្រឈមនានា ដើម្បីជួយដល់រដ្ឋបាលក្រុង ស្រុក ខណ្ឌ ក្នុងការគ្រប់គ្រង ចាត់ចែង និងអនុវត្តមុខងារទាំងនេះឱ្យបានទាន់ពេលវេលា និងលទ្ធផលល្អ៕
អត្ថបទ ៖ សំអឿន
ជំនន់ទឹកភ្លៀងវាយប្រហារខ្លាំងក្នុងខេត្ត Chonburi ប្រទេសថៃ
រាជរដ្ឋាភិបាល តែងបន្តលើកកម្ពស់លក្ខខណ្ឌការងារ សិទ្ធិសេរីភាព និងអត្ថប្រយោជន៍ប.ស.ស តាមរយៈសកម្មភាពមន្ត្រី
ការបង់ភាគទាន ប.ស.ស គឺធ្វើតាមកម្មវិធីធនាគារដៃគូតែមួយគត់ មិនមានការបង់តាម QR Code ឡើយ
ក្រសួងអប់រំ នឹងរៀបចំមហាសន្និបាតវិសាមញ្ញកាយរឹទ្ធិជាតិកម្ពុជា លើកទី៥ នៅពាក់កណ្តាលខែមិថុនា
ឱក សុគន្ធកញ្ញា ប្រាប់អ្នកស្គាល់ខ្លួនប្រុងប្រយ័ត្ន ក្រោយមានអ្នកបន្លំអត្តសញ្ញាណ និងគណនីហ្វេសប៊ុក
មណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
អូស្ត្រាលីកំពុងពិនិត្យលទ្ធភាពធ្វើសមយុទ្ធយោធាជាមួយកម្ពុជា
អាមេរិក ថា អ៊ុយក្រែន គ្មានថ្ងៃយកទឹកដីដែលធ្លាក់ទៅដៃរុស្ស៊ីក្នុងឆ្នាំ២០១៤ បានមកវិញទេ
ផ្នែកមួយនៃសាច់ជ្រូក មនុស្សតែងយល់ខុសថា បំផ្លាញសុខភាព
អាមេរិកទំនងបង្កើនសម្ពាធទណ្ឌកម្មលើរុស្ស៊ី ក្រោយទាញអ៊ុយក្រែនចូលកិច្ចព្រមព្រៀងរ៉ែ
-
សន្តិសុខសង្គម២ ថ្ងៃ agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ១២ ម៉ោង agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានជាតិ៥ ថ្ងៃ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
សន្តិសុខសង្គម១ សប្តាហ៍ agoព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
សន្តិសុខសង្គម២ ថ្ងៃ agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ១ ថ្ងៃ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
សេចក្ដីជូនដំណឹង១ សប្តាហ៍ agoក្រុមហ៊ុន វឌ្ឍនៈ ហ៊ានចេញមុខប្រកាសគាំទ្រ “ចំណាត់ការ របស់សម្តេចធិបតី ហ៊ុន ម៉ាណែត ផ្អាកការផ្តល់រង្វាន់តាមរយៈក្រវិលកំប៉ុងស្រាបៀរនិងគម្របភេសជ្ជៈ”
-
ព័ត៌មានជាតិ១ ថ្ងៃ agoសមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ