Connect with us

ព័ត៌មានជាតិ

ទូតអង់គ្លេស៖ រាជរដ្ឋាភិបាលថ្មីរបស់សម្ដេច ហ៊ុន ម៉ាណែត មានសកម្មភាពមមាញឹក ពិសេសការជំរុញពាណិជ្ជកម្ម

បានផុស

នៅ

រាជរដ្ឋាភិបាលថ្មី ដឹកនាំដោយសម្ដេចធិបតី ហ៊ុន ម៉ាណែត គឺមានថាមពលខ្លាំង និងមានសកម្មភាពមមាញឹកដែលផ្ដោតសំខាន់លើការជំរុញពាណិជ្ជកម្ម និងការវិនិយោគ ដើម្បីកំណើនសេដ្ឋកិច្ចជាតិ។ នេះជាការកត់សម្គាល់របស់លោកឯកអគ្គរាជទូតអង់គ្លេសប្រចាំកម្ពុជាចំពោះការដឹកនាំរបស់សម្ដេចធិបតី ក្នុងរយៈពេលប្រមាណ៩ខែមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឯកអគ្គរាជទូតអង់គ្លេស ក៏បានគូសបញ្ជាក់ពីកិច្ចសហប្រតិបត្តិការជាច្រើនរវាងអង់គ្លេសជាមួយកម្ពុជា ហើយលោក បានប្រកាសពីការគាំទ្រចំពោះរាជរដ្ឋាភិបាលថ្មី ដែលដឹកនាំដោយសម្ដេចធិបតី ហើយបានសន្យាថា អង់គ្លេសនឹងជួយឱ្យរាជរដ្ឋាភិបាលបន្តវេននេះ មានស្ថិរភាព សន្តិសុខ និងសន្តិភាព ដើម្បីបន្តការអភិវឌ្ឍប្រទេសជាតិឱ្យកាន់តែរីកចម្រើន។

ការលើកឡើងខាងលើរបស់លោកឯកអគ្គរាជទូតអង់គ្លេស បានធ្វើឡើងនៅក្នុងជំនួបជាមួយសម្ដេចតេជោ ហ៊ុន សែន ប្រធានព្រឹទ្ធសភានៃកម្ពុជា នាព្រឹកថ្ងៃទី៣០ ខែឧសភា ឆ្នាំ២០២៤ នៅវិមានព្រឹទ្ធសភា រាជធានីភ្នំពេញ។ នៅចំពោះមុខសម្ដេចតេជោ លោក ដូមីនីក វីលៀមស៍ (Dominic Williams) ឯកអគ្គរាជទូតអង់គ្លេសប្រចាំកម្ពុជា បានសម្ដែងក្ដីរីករាយដែលមើលឃើញទំហំពាណិជ្ជកម្មរវាងប្រទេសទាំងពីរ មានការកើនឡើងជាបន្តបន្ទាប់ និងមានការបង្កើតវេទិកាវិនិយោគ ដើម្បីទាក់ទាញការវិនិយោគពីអង់គ្លេសមកកម្ពុជា។

ឆ្លើយតបនឹងការលើកឡើងរបស់ទូតអង់គ្លេស សម្ដេចតេជោ ហ៊ុន សែន បានថ្លែងអំណរគុណចំពោះលោកឯកអគ្គរាជទូតអង់គ្លេស ដែលបានលើកពីការរីកចម្រើននៃទំនាក់ទំនងរវាងប្រទេសទាំងពីរ ហើយសម្ដេច ក៏រីករាយដែលអង់គ្លេស បានសម្រេចតាមបំណងរបស់សម្ដេច ដោយបានបើកសាកលវិទ្យាល័យអង់គ្លេសមួយនៅក្នុងប្រទេសកម្ពុជា។ សម្ដេចតេជោ ក៏បានបង្ហាញការកត់សម្គាល់មួយទៀត គឺការបង្កើតឧទ្យានឧស្សាហកម្មបៃតង ដែលកន្លងមកមានការវិនិយោគដោយកូរ៉េ និងជប៉ុន តែឥឡូវនេះ គឺនឹងមានការវិនិយោគដោយចក្រភពអង់គ្លេសបន្ថែមទៀតក្នុងការវិនិយោគឧស្សាហកម្មបៃតងនេះ ។

ទាក់ទងនឹងវេទិកាវិនិយោគកម្ពុជា-អង់គ្លេស សម្ដេចតេជោ បានលើកឡើងថា ថ្នាក់ដឹកនាំអង់គ្លេសបានប្រាប់សម្ដេច ថា ទោះបីអង់គ្លេសចាកចេញពីសហគមន៍អឺរ៉ុបក៏ដោយ ក៏ប៉ុន្តែគោលនយោបាយរបស់អង់គ្លេសចំពោះកម្ពុជា គឺមិនមានការប្រែប្រួលនោះទេ។ ជាមួយគ្នានេះ សម្ដេចតេជោ បានលើកទឹកចិត្តឱ្យលោកឯកអគ្គរាជទូតបន្តធ្វើការជាមួយរាជរដ្ឋាភិបាលថ្មី ដឹកនាំដោយសម្ដេចធិបតី ហ៊ុន ម៉ាណែត លើវិស័យពាណិជ្ជកម្ម និងការវិនិយោគនេះ ដើម្បីជំរុញទំហំពាណិជ្ជកម្មឱ្យមានការកើតឡើង។

សម្ដេចតេជោ ថា ការផ្ទេរអំណាចទៅអ្នកជំនាន់ក្រោយនេះ គឺជាការសម្រេចចិត្តដ៏ត្រឹមត្រូវ ពីព្រោះថា រាជរដ្ឋាភិបាលថ្មី គឺសុទ្ធតែជាកម្លាំងវ័យក្មេង ហើយសុទ្ធសឹងជាធនធានមនុស្ស ដែលមានសមត្ថភាពគ្រប់គ្រាន់ក្នុងការដឹកនាំប្រទេសឱ្យមានភាពរីកចម្រើនជាបន្តបន្ទាប់ទៀតនាពេលខាងមុខ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១៤ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានអន្ដរជាតិ៣ ម៉ោង មុន

អាមេរិក ជប៉ុន និងកូរ៉េខាងត្បូង រួមដៃគ្នាធ្វើកិច្ចសហប្រតិបត្តិការដោះស្រាយ​ការបាញ់មីស៊ីលរបស់ កូរ៉េខាងជើង

ព័ត៌មានជាតិ៣ ម៉ោង មុន

ទូតអង់គ្លេស៖ រាជរដ្ឋាភិបាលថ្មីរបស់សម្ដេច ហ៊ុន ម៉ាណែត មានសកម្មភាពមមាញឹក ពិសេសការជំរុញពាណិជ្ជកម្ម

Sokha Hotels

ព័ត៌មានពេញនិយម