ព័ត៌មានជាតិ
ខេត្តព្រះសីហនុបើកយុទ្ធនាការចែកម៉ាសជូនពលរដ្ឋខណៈមានផ្ទុះជំងឺកូវីដ១៩ខ្លាំងក្លា
លោក គួច ចំរើន អភិបាលនៃគណៈអភិបាលខេត្តព្រះសីហនុ បានបញ្ចេញម៉ាសជាង៦០ម៉ឺនម៉ាសជូនដល់អាជ្ញាធរក្រុងស្រុកទាំង៥ ដើម្បីធ្វើយុទ្ធនាការចែកម៉ាសជូនប្រជាពលរដ្ឋនៅតាមទីប្រជុំជនភូមិ ឃុំ សង្កាត់ ក្នុងខេត្តព្រះសីហនុជាពិសេសតាមទីប្រជុំជនផ្សារ និងតាមទីសាធារណៈដើម្បីទប់ស្កាត់ការឆ្លងរីករាលដាលជំងឺកូវីដ១៩។
ការបញ្ចេញម៉ាសចែកជូនដល់ប្រជាពលរដ្ឋនេះបានធ្វើឡើងបន្ទាប់ពីខេត្តព្រះសីហនុមានករណីឆ្លងជំងឺកូវីដក្នុងព្រឹត្តិការណ៍សហគមន៍២០កុម្ភៈ មានការកើនឡើងជាបន្តបន្ទាប់និងបានបិទទីតាំងដែលពាក់ព័ន្ធជាង២០កន្លែងផងដែរ។
ថ្លែងនៅក្នុងពិធីប្រគល់ម៉ាសនៅព្រឹកថ្ងៃទី០១ ខែមីនា លោកអភិបាលខេត្តបានណែនាំដល់អាជ្ញាធរត្រូវបន្តអប់រំផ្សព្វផ្សាយប្រជាពលរដ្ឋត្រូវពាក់ម៉ាស និងវិធានការបង្ការ ការពារ ទប់ស្កាត់ការឆ្លងរាលដាលជំងឺកូវីដ-១៩ នៅក្នុងសហគមន៍មូលដ្ឋាន និងអនុវត្តតាមគោលការណ៍របស់ក្រសួងសុខាភិបាល ជាពិសេសវិធានការ ការពាររបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ៣.ការពារ និង ៣.កុំ។
លោកបានមានប្រសាសន៍ថា វិធានការ៣.ការពាររួមមាន១.ពាក់ម៉ាស ២.លាងដៃ ៣.រក្សាគម្លាតសុវត្ថិភាពសង្គម និងគម្លាតសុវត្ថិភាពបុគ្គលចាប់ពី១,៥០ម៉ែត្រឡើងទៅឱ្យបានគ្រប់គ្នានៅគ្រប់ទីកន្លែងនិងអនុវត្តឱ្យបានគ្រប់គ្នាចំណុចបីប្រការនេះ វាមានសារសំខាន់ណាស់ ដូច្នេះទើបយើងអាចយកឈ្នះលើកូវីដ-១៩បានជោគជ័យ។
ចំណែកវិធានការ៣កុំ វិញរួមមាន១.កុំចូលទៅកន្លែងបិទជិតគ្មានខ្យល់ចេញ-ចូលនិងប្រើម៉ាស៊ីនត្រជាក់ច្រើនពេក រកកន្លែងមានខ្សល់ចេញ-ចូល ២.កុំទៅកន្លែងមានមនុស្សច្រើនកុះករ ៣.កុំប៉ះពាល់គ្នា កុំចាប់ដៃគ្នា កុំកៀកស្មាគ្នាកុំឱបគ្នាជាដើម។
គួរបញ្ជាក់ថាគិតត្រឹមថ្ងៃទី០១ខែមីនាឆ្នាំ២០២១នេះខេត្តព្រះសីហនុមានអ្នកឆ្លងជំងឺកូវីដ១៩ចំនួន៣៥នាក់ហើយក្នុងចំណោមអ្នកឆ្លងក្នុងព្រឹត្តិការសហគមន៍២០កម្ភៈចំនួន៣១៦នាក់នៃអ្នកជំងឺកូវីដ១៩ សរុបចំនួន៨២០នាក់ក្នុងនោះអ្នកជាសះស្បើយមានចំនួន ៤៧៧នាក់ និងអ្នកជំងឺចំនួន៣៤៣នាក់កំពុងទទួលការព្យាបាល៕
អត្ថបទ ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង