Connect with us

ព័ត៌មានជាតិ

អនុប្រធាន គណៈកម្មាធិការជាតិគ្រប់គ្រងគ្រោះមហន្តរាយ ជំរុញកងកម្លាំងទាំងអស់ហ្វឹកហាត់ដុសខាត់ជំនាញឱ្យបានជាប្រចាំ

បានផុស

នៅ

លោកឧត្តមសេនីយ៍ឯក ច័ន្ទ លំផាត់ នាយរងសេនាធិការចម្រុះ នៃកងយោធពលខេមរភូមិន្ទ និងជាអនុប្រធាន គណៈកម្មាធិការជាតិគ្រប់គ្រងគ្រោះមហន្តរាយ បានជំរុញឱ្យកងកម្លាំងទាំងអស់ហ្វឹកហាត់ដុសខាត់ជំនាញឱ្យបានជាប្រចាំ ដើម្បីត្រៀមឆ្លើយតបទៅនឹងគ្រោះធម្មជាតិ និងការសង្គ្រោះលើមុខសញ្ញាផ្សេងៗទៀត ជាយថាហេតុជូនប្រជាពលរដ្ឋ។

រូបភាព៖ កងទ័ពជើងគោកនៃកងយោធពលខេមរភូមិន្ទ
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានជំរុញបែបនេះ ក្នុងពេលអញ្ជើញចុះសួរសុខទុក្ខ និងត្រួតពិនិត្យសម្ភារសង្គ្រោះគ្រោះមហន្តរាយ របស់កងប្រតិបត្តិការរុករក និងសង្គ្រោះគ្រោះមហន្តរាយ លេខ៧០៤ យោធភូមិភាគទី៤ ដើម្បីពង្រឹងសមត្ថភាពសម្រាប់ឆ្លើយតបទៅនឹងការសង្គ្រោះគ្រោះមហន្ដរាយឱ្យកាន់តែមានប្រសិទ្ធភាព នៅបញ្ជាការដ្ឋានយោធភូមិភាគទី៤ នាថ្ងៃទី១០ ខែកក្កដា ឆ្នាំ២០២៤។

លោកឧត្តមសេនីយ៍ឯក បានលើកឡើងថា កងកម្លាំងត្រូវតែត្រៀមបម្រុងជាប់ជានិច្ច ព្រោះគ្រោះមហន្តរាយនឹងអាចកើតឡើងដោយ ពុំប្រាប់មុននោះឡើយ។ បន្ថែមពីនេះ លោកបានលើកទឹកចិត្តឱ្យកងកម្លាំងទាំងអស់ខិតខំហ្វឹកហាត់ដុសខាត់ជំនាញឱ្យបានជាប្រចាំ ដើម្បីត្រៀមឆ្លើយតបទៅនឹងគ្រោះធម្មជាតិ និងការសង្គ្រោះលើមុខសញ្ញាផ្សេងៗទៀតជាយថាហេតុជូនប្រជាពលរដ្ឋ។ លោកបញ្ជាក់ថា ការហ្វឹកហាត់របស់កងកម្លាំងជាប់ជាប្រចាំនេះ ដើម្បីឱ្យកងកម្លាំងអាចមានសមត្ថភាពគ្រប់គ្រាន់ និងមានយុទ្ធសាស្ត្រជួយសង្គ្រោះប្រជាពលរដ្ឋបានឆាប់រហ័ស និងមិនប៉ះពាល់ដល់អាយុជីវិត។

រូបភាព៖ កងទ័ពជើងគោកនៃកងយោធពលខេមរភូមិន្ទ

ជាមួយគ្នានេះដែរ លោកក៏បានកោតសរសើរចំពោះកងកម្លាំង ដែលបានចូលរួមយ៉ាងសកម្មក្នុងការចល័តកម្លាំង ជួយក្នុងបេសកកម្មឆ្លើយតបក្នុងការជួយសង្គ្រោះប្រជាជនដែលរងគ្រោះដោយគ្រោះមហន្តរាយផ្សេងៗ កន្លងមក។

ចំណែក លោក ពៅ ហេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៤ បានឱ្យដឹងថា កងប្រតិបត្តិការរុករង និងសង្គ្រោះលេខ៧០៤ របស់យោធភូមិភាគទី៤ បានចូលរួមចំណែកយ៉ាងសកម្ម ក្នុងបេសកកម្មឆ្លើយតបសង្គ្រោះគ្រោះមហន្តរាយផ្សេងៗ ពិសេស គ្រោះទឹកជំនន់៕

រូបភាព៖ កងទ័ពជើងគោកនៃកងយោធពលខេមរភូមិន្ទ
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២២ នាទី មុន

IOM រួមចំណែកកាត់បន្ថយបន្ទុកជំងឺរបេងជនទេសន្តរប្រវេសន៍កម្ពុជា ត្រឡប់មកពីថៃ

សន្តិសុខសង្គម២២ នាទី មុន

សាច់មាន់បង្កកខូចគុណភាពជាង១​ម៉ឺន៧ពាន់គីឡូក្រាមត្រូវបានបង្ក្រាប ខណៈឈ្មួញនាំចូលតាមទូកនៅច្រករបៀងបាក់ដៃ

ព័ត៌មានជាតិ២៤ នាទី មុន

ទៅពិព័រណ៍ «ពន្លក​បៃតង» មុខ​ក្រសួង​បរិស្ថាន ដឹង​មាន​ដើមឈើ​ហូប​ផ្លែ ដើមឈើ​ប្រណិត​ណា​ខ្លះ​ចែក​ដល់​អ្នក​ចូលរួម?

ព័ត៌មានជាតិ២៥ នាទី មុន

ប្រមុខការទូត ផ្ដាំនិស្សិតទៅសិក្សានៅជប៉ុន ត្រូវជួយលើកស្ទួយមុខមាត់ប្រទេស និងយកចំណេះមកបម្រើជាតិ

កីឡា២៨ នាទី មុន

Watkins ប្រាប់អារម្មណ៍ ក្រោយស៊ុតចូលចុងម៉ោង​យកឈ្នះ​ ហុល្លង់

Sokha Hotels

ព័ត៌មានពេញនិយម