ព័ត៌មានជាតិ
មន្ត្រីជាន់ខ្ពស់ ប.ស.ស ជំរុញក្រុមការងារ បន្តចុះផ្សព្វផ្សាយពីវិធីបង្ការគ្រោះថ្នាក់ផ្សេងៗ ដល់កម្មករ ទប់ស្កាត់ដួលសន្លប់តាមរោងចក្រ
មន្ត្រីជាន់ខ្ពស់ នៃបេឡាជាតិសន្តិសុខសង្គម(ប.ស.ស.) បានជំរុញដល់ក្រុមការងារបន្តចុះផ្សព្វផ្សាយអំពីវិធីបង្ការគ្រោះថ្នាក់ផ្សេងៗដល់កម្មករ-និយោជិតដើម្បីទប់ស្កាត់ករណីដួលសន្លប់នៅតាមរោងចក្រសហគ្រាស បើទោះបីជាបច្ចុប្បន្នករណីដួលសន្លប់នៅតាមរោងចក្រមានការថយចុះក៏ដោយ។
នៅក្នុងកិច្ចប្រជុំប្រកាសសមាសភាពរបស់ក្រុមការងារទប់ស្កាត់ករណីសន្លប់ និងបង្ការហានិភ័យការងារ នៃបេឡាជាតិសន្តិសុខសង្គម នៅតាមសហគ្រាស គ្រឹះស្ថាន(ទ.ស.ប.ក)កាលពីរសៀលថ្ងៃទី ២៤ កក្កដា លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. និងជាប្រធានក្រុមការងារ ទ.ស.ប.ក បានស្នើដល់ក្រុមការងារទប់ស្កាត់ករណីសន្លប់ និងបង្ការហានិភ័យការងារ នៃបេឡាជាតិសន្តិសុខសង្គម នៅតាមសហគ្រាស គ្រឹះស្ថាន ត្រូវអនុវត្តភារកិច្ចដែលមានចែងជាធរមាន ក្នុងសេចក្ដីសម្រេចខាងលើ និងត្រូវបត់បែនជួយលើការងារផ្សេងៗ ទៅតាមស្ថានភាពជាក់ស្ដែងដែលជាប្រយោជន៍ និងជាគោលដៅរួមក្នុងការរក្សាបាននូវអនាម័យ សុខភាព លក្ខខណ្ឌការងារ និងវិធីបង្ការគ្រោះថ្នាក់នានា ដែលប៉ះពាល់ដល់កម្មករ-និយោជិតនៅតាមសហគ្រាស គ្រឹះស្ថាន។
លោកប្រធានក្រុមការងារ បានបន្ថែមថា បច្ចុប្បន្នករណីសន្លប់នៅតាមសហគ្រាស គ្រឹះស្ថានមានការថយចុះ គួរឱ្យកត់សម្គាល់ ប៉ុន្ដែបើទោះបីជាយ៉ាងនេះក្ដីលោកបានណែនាំដល់ក្រុមការងារនេះ ត្រូវបន្ដចុះអប់រំផ្សព្វផ្សាយអំពីវិធីបង្ការគ្រោះថ្នាក់ផ្សេងៗ ដល់កម្មករ-និយោជិត នៅតាមសហគ្រាស គ្រឹះស្ថាន និងបញ្ជ្រាបជាមួយនូវអត្ថប្រយោជន៍របបសន្តិសុខសង្គម ទៅដល់អ្នកនៅក្នុងបន្ទុករបស់កម្មករ-និយោជិត ជាពិសេសត្រូវអន្តរាគមន៍ និងចាត់វិធានការឱ្យបានទាន់ពេលវេលានៅពេលមានករណីសន្លប់ ឬហានិភ័យនានានៅកន្លែងការងារ និងអគ្គិភ័យជាដើម៕
អត្ថបទ ៖ សំអឿន
-
ព័ត៌មានអន្ដរជាតិ២០ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ