ព័ត៌មានជាតិ
៨ ខែ ឆ្នាំនេះ គ្រោះធម្មជាតិកើតឡើងជិត ១ ពាន់លើក បណ្តាលឱ្យមនុស្សស្លាប់-របួសជិត ២ រយនាក់ និងប៉ះពាល់ផ្ទះជិត ៥ ពាន់ខ្នង
ក្នុងរយៈពេល ៨ ខែ ឆ្នាំ ២០២៤ នេះ គ្រោះធម្មជាតិរួមមានខ្យល់កន្ត្រាក់ គ្រោះរន្ទះបាញ់ និងគ្រោះអគ្គិភ័យ បានកើតឡើងចំនួន ៩៣៧ លើក បណ្តាលឱ្យមនុស្សស្លាប់-របួស ១៨៩ នាក់ និងប៉ះពាល់ផ្ទះសម្បែង ៤ ៩៣៣ ខ្នង។
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅព្រឹកថ្ងៃទី ០៧ ខែកញ្ញា នេះថា ក្នុងចំណោម ៩៣៧ លើក ក្នុងនោះរួមមានខ្យល់កន្ត្រាក់បានកើតឡើងចំនួន ២៤១ លើក នៅទូទាំងប្រទេស បណ្ដាលឱ្យរលំផ្ទះចំនួន ៤៨២ ខ្នង របើកដំបូល ៣ ៨០០ ខ្នង តូបផ្សារ ៣៨ តូប សាលារៀន ៤៧ ខ្នង អគាររដ្ឋបាល ១៩ កន្លែង ស្លាប់មនុស្ស ៤ នាក់ និងរបួស ៣២ នាក់។
លោកបានបន្តថា តួលេខនេះបើធៀបទៅនឹងរយៈពេល ៨ ខែ ដូចគ្នា ឆ្នាំ ២០២៣ កន្លងទៅ ឃើញថា មានការថយចុះ ខណៈ ៨ ខែ ឆ្នាំមុន ខ្យល់កន្ត្រាក់ បានកើតឡើងចំនួន ២៥០ លើក នៅទូទាំងប្រទេស បណ្ដាលឱ្យរលំផ្ទះ ១ ៩៣០ ខ្នង របើកដំបូល ១២ ៥០១ ខ្នង តូបផ្សារ ៧៧ តូប សាលារៀន ៨៨ ខ្នង អគាររដ្ឋបាល ៣៨ កន្លែង ស្លាប់មនុស្ស ៩ នាក់ និងរបួស ១៥៧ នាក់។
លោកបានបន្តទៀតថា ចំណែកបាតុភូតរន្ទះបាញ់បានកើតឡើងចំនួន ៩៤ លើក នៅខេត្តចំនួន ២៣ លើកលែងខេត្តកែប ព្រះវិហារ និងរាជធានីភ្នំពេញ បានបណ្ដាលឱ្យមនុស្សស្លាប់ចំនួន ៥០ នាក់ រងរបួស ៤៣ នាក់ ងាប់គោក្របី ៣៣ ក្បាល និងឆេះផ្ទះ ២៧ ខ្នង។ ចំនួនបើធៀបទៅនឹងរយៈពេល ៨ ខែ ដូចគ្នា ឆ្នាំ ២០២៣ កន្លងទៅ ឃើញថា មានការថយចុះគួរឱ្យកត់សម្គាល់ ដោយ ៨ ខែ ឆ្នាំមុន បាតុភូតរន្ទះបាញ់បានកើតឡើងចំនួន ១០៩ លើក នៅរាជធានី-ខេត្តចំនួន ២២ លើកលែងខេត្តកែប កោះកុង និងខេត្តមណ្ឌលគីរី បានបណ្ដាលឱ្យមនុស្សស្លាប់ចំនួន ៦៤ នាក់ រងរបួស ៤៩ នាក់ ងាប់គោក្របី ៨៨ ក្បាល និងឆេះផ្ទះ ៩ ខ្នង។
លោកបានបន្ថែមទៀតថា រីឯគ្រោះអគ្គិភ័យវិញបានកើតឡើងចំនួន ៦០២ លើក នៅទូទាំងប្រទេស បណ្តាលឱ្យឆេះផ្ទះចំនួន ៦២៤ ខ្នង តូបផ្សារ ១២០ តូប ឃ្លាំងទំនិញចំនួន ១៦ កន្លែង រោងចក្រសិប្បកម្មចំនួន ២០ កន្លែង អគាររដ្ឋបាល ១៦ កន្លែង បង្កឱ្យស្លាប់មនុស្សចំនួន ២៤ នាក់ និងរបួសចំនួន ២៧ នាក់។ តួលេខនេះ បើធៀបទៅនឹងរយៈពេល ៨ ខែ ដូចគ្នា ឆ្នាំ ២០២៣ កន្លងទៅ ឃើញថា មានការកើនឡើងគួរឱ្យគត់សម្គាល់ ដោយ ៨ ខែ ឆ្នាំមុន គ្រោះអគ្គិភ័យបានកើតឡើងចំនួន ៤៣២ លើក នៅទូទាំងប្រទេស បណ្តាលឱ្យឆេះផ្ទះចំនួន ៤៦១ ខ្នង តូបផ្សារ ៧៥ តូប សាលារៀន ១ ខ្នង ឃ្លាំងទំនិញចំនួន ៨ កន្លែង រោងចក្រសិប្បកម្មចំនួន ៩ កន្លែង អគាររដ្ឋបាល ១១ កន្លែង បង្កឱ្យស្លាប់មនុស្សចំនួន ២៤ នាក់ និងរបួសចំនួន ២៧ នាក់៕
អត្ថបទ ៖ សំអឿន
តារាថៃច្រើននាក់ រត់ប្រាស់អាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ