ព័ត៌មានជាតិ

អាជ្ញាធរខណ្ឌដូនពេញ ដាក់គ្រឿងចក្រអ៊ុតកៅស៊ូនៅផ្លូវជង្ហុកប្រវែងជាង ៦០ ម៉ែត្រ ក្រោយមានការស្នើសុំពីពលរដ្ឋ

បានផុស

២ years មុន

នៅ

ថ្ងៃពុធ ១៦ តុលា ២០២៤

ដោយ

ក្រោយមានការស្នើសុំពីប្រជាពលរដ្ឋឲ្យជួសជុលកំណាត់ផ្លូវលេខ ៥១ ដែលរងការខូចខាតជាច្រើនកន្លែង ពេលនេះ រដ្ឋបាលខណ្ឌដូនពេញ បានបន្តយកចិត្តទុកដាក់ពីបញ្ហាផ្លូវខូច ជង្ហុកសំបុកមាន់ តាមដងផ្លូវតូច-ធំ ក្នុងមូលដ្ឋាន ត្រូវជួសជុលផ្លូវ អ៊ុតកៅស៊ូ ឡើងវិញ ដើម្បីសម្រួលដល់ការធ្វើដំណើររបស់អ្នកដំណើរ និងលើកសោភ័ណភាពតាមដងផ្លូវផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅថ្ងៃទី ១៦ ខែតុលា ឆ្នាំ ២០២៤ នេះ លោក ជា ខេមា អភិបាល នៃគណៈអភិបាលខណ្ឌដូនពេញ បានដឹកនាំមន្ត្រីជំនាញពាក់ព័ន្ធ ត្រួតពិនិត្យមើល និងដាក់គ្រឿងចក្រ រៀបចំជួសជុលផ្លូវ អ៊ុតកៅស៊ូ ក្នុងគម្រោងរបស់រដ្ឋបាលខណ្ឌ នៅកំណាត់ផ្លូវលេខ ៥១ ចាប់ពីផ្លូវលេខ ១០៨ ដល់អង្គដួង ដែលមានប្រវែងជាង ៦០ ម៉ែត្រ ស្ថិតក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

ប្រជាពលរដ្ឋតែងធ្វើដំណើរឆ្លងកាត់តំបន់ខាងលើនេះ មានភាពសប្បាយរីករាយ និងសាទរដល់អាជ្ញាធរមូលដ្ឋាន ដែលយកចិត្តទុកដាក់ពីផលលំបាករបស់ពួកគាត់ ហើយគិតគូរតាំងពីការធ្វើដំណើរ ការរស់នៅ និងសុខសុវត្ថិភាព។

គួរបញ្ជាក់ថា កន្លងមក ប្រជាពលរដ្ឋបានស្នើសុំឲ្យមានការជួសជុលកំណាត់ផ្លូវលេខ ៥១ នេះ ដោយសារផ្លូវនេះខូចខាតជាយូរណាស់មកហើយ តែមិនឃើញអាជ្ញាធរមកជួសជុល ឬ ស្ថាបនាទាល់តែសោះ ធ្វើឲ្យអ្នកដំណើរជួបការលំបាកជាខ្លាំងពេលធ្វើដំណើរ។ បើមានភ្លៀង និងទឹកដក់នៅពេលភ្លៀងធ្លាក់ម្តងៗ គឺ ទឹកក្នុងជង្ហុក អ្នកដំណើរមើលមិនឃើញ ជិះធ្លាក់ជង្ហុកដួលម្តងៗ ទៅហើយ៕

អត្ថបទ ៖ ម៉េង