ប្រទីបក្រសួង ស្ថាប័នចំនួន៣៥ និងក្រុមហ៊ុនឯកជន១ នឹងបណ្ដែតក្នុងព្រះរាជពិធីបុណ្យអុំទូក បណ្ដែតប្រទីប​

ប្រទីបសរុបចំនួន៣៦ប្រទីប ក្នុងនោះប្រទីបចំនួន៣៥ មកពីក្រសួង ស្ថាប័ននានា និងប្រទីបក្រុមហ៊ុនឯកជនចំនួន១ នឹងបណ្ដែតតាមបណ្ដោយទន្លេសាប ខាងមុខព្រះបរមរាជវាំង ក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ២០២៤។

បើតាមលិខិតរបស់គណៈកម្មាធិការជាតិរៀបចំបុណ្យជាតិ និងអន្តរជាតិ ចុះហត្ថលេខា ដោយលោក ឈិន កេតនា កាលពីថ្ងៃទី០១ ខែវិច្ឆិកា បានឱ្យដឹងថាប្រទីបសរុបទាំង៣៦ ចូលរួមបណ្ដែតអបអរក្នុងព្រះរាជពិធីបុណ្យអុំទូកមានដូចជា ១/ប្រទីបព្រះបរមរាជវាំង. ២/ប្រទីបព្រឹទ្ធសភា. ៣/ប្រទីបរដ្ឋសភា. ៤/ប្រទីបរាជរដ្ឋាភិបាល. ៥/ប្រទីបក្រសួងយុត្តិធម៌. ៦/ប្រទីបក្រសួងការពារជាតិ. ៧/ប្រទីបក្រសួងមហាផ្ទៃ. ៨/ប្រទីបក្រសួងការបរទេស និងសហប្រតិបត្តិការអន្តរជាតិ. ៨/ប្រទីបក្រសួងធម្មការ និងសាសនា. ៩/ប្រទីបក្រសួងសេដ្ឋកិច្ច និងហរិញ្ញវត្ថុ. ១០/ប្រទីបក្រសួងកសិកម្ម រុក្ខាប្រមាញ់ និងនេសាទ. ១១/ប្រទីបក្រសួងអភិវឌ្ឍន៍ជនបទ. ១២/ប្រទីបក្រសួងពាណិជ្ជកម្ម។

 ១៣/ប្រទីបក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍. ១៤/ប្រទីបក្រសួងរ៉ែ និងថាមពល. ១៥/ប្រទីបក្រសួងផែនការ. ១៦/ប្រទីបក្រសួងអប់រំ យុវជន និងកីឡា. ១៧/ប្រទីបក្រសួងសង្គមកិច្ច អតីតយុទ្ធជន និងយុវនីតិសម្បទា. ១៨/ប្រទីបក្រសួងរៀបចំដែនដី នគររូបនីយកម្ម និងសំណង់. ១៩/ប្រទីបក្រសួងបរិស្ថាន. ២០/ប្រទីបក្រសួងធនធានទឹក និងឧតុនិយម. ២១/ប្រទីបក្រសួងព័ត៌មាន. ២២/ប្រទីបក្រសួងអធិការកិច្ច. ២៣/ប្រទីបក្រសួងប្រៃសនីយ៍. ២៤/ប្រទីបក្រសួងសុខាភិបាល។

២៥/ប្រទីបក្រសួងសាធារណការ និងដឹកជញ្ជូន. ២៦/ប្រទីបក្រសួងវប្បធម៌ និងវិចិត្រសិល្បៈ. ២៨/ប្រទីបក្រសួងទេសចរណ៍. ២៩/ប្រទីបក្រសួងកិច្ចការនារី. ៣០/ប្រទីបក្រសួងការងារ និងបណ្ដុះបណ្ដាលវិជ្ជាជីវៈ. ៣១/ប្រទីបក្រសួងមុខងារសាធារណៈ. ៣២/ប្រទីបរដ្ឋលេខាធិការដ្ឋានអាកាសចរស៊ីវិល. ៣៣/ប្រទីបរដ្ឋលេខាធិការដ្ឋានកិច្ចការព្រំដែន. ៣៤/ប្រទីបសហភាពសហព័ន្ធយុវជនកម្ពុជា. ៣៥/ប្រទីបរដ្ឋបាលរាជធានីភ្នំពេញ និង៣៦/ប្រទីបរបស់ក្រុមហ៊ុនវឌ្ឍនៈ។

សូមរម្លឹកថា កាលពីឆ្នាំ២០២៣ ប្រទីបដែលចូលរួមបណ្ដែតអបអរព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក មានចំនួនត្រឹមតែ៣០ប៉ុណ្ណោះ ក្នុងនោះប្រទីបចំនួន២៨ មកពីតាមបណ្ដាក្រសួង ស្ថាប័ន និងប្រទីបចំនួន២ផ្សេងទៀតមកពីក្រុមហ៊ុនឯកជន៕

ដោយ៖ ង៉ិល ណារ៉ាត់