ព័ត៌មានជាតិ

នាយឧត្ដមសេនីយ៍ ឈិន ច័ន្ទពណ៌ អគ្គមេបញ្ជាការរង នៃកងយោធពលខេមរភូមិន្ទ ទទួលមរណភាព ក្នុងជន្មាយុ ៧២ ឆ្នាំ ដោយរោគាពាធ

បានផុស

១ year មុន

នៅ

ថ្ងៃអាទិត្យ ៨ ធ្នូ ២០២៤

ដោយ

លោកនាយឧត្ដមសេនីយ៍ ឈិន ច័ន្ទពណ៌ អគ្គមេបញ្ជាការរង នៃកងយោធពលខេមរភូមិន្ទ បានទទួលមរណភាព កាលពីវេលាម៉ោង ១២ និង ២៦ នាទី ថ្ងៃទី ៨ ខែធ្នូ ឆ្នាំ ២០២៤ នេះ ក្នុងជន្មាយុ ៧២ ឆ្នាំ ដោយរោគាពាធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅរសៀលថ្ងៃទី ៨ ខែធ្នូ ឆ្នាំ ២០២៤ នេះ បើតាមទំព័រហ្វេសប៊ុកផ្លូវការរបស់ លោកនាយឧត្ដមសេនីយ៍ ឃឹម ប៊ុនសុង រដ្ឋលេខាធិការក្រសួងការពារជាតិ និងជាប្រធានក្រុមប្រឹក្សាកីឡាកងយោធពលខេមរភូមិន្ទ (ខ.ភ.ម) បានឲ្យដឹងថា លោក និងក្រុមគ្រួសារ សូមចូលរួមរំលែកទុក្ខដ៏សែនក្រៀមក្រំបំផុត ជាមួយនឹងក្រុមគ្រួសារ លោកនាយឧត្ដមសេនីយ៍ ឈិន ច័ន្ទពណ៌ អគ្គមេបញ្ជាការរង នៃកងយោធពលខេមរភូមិន្ទ ដែលបានទទួលមរណភាព កាលពីវេលាម៉ោង ១២ និង ២៦ នាទី ថ្ងៃទី ៨ ខែធ្នូ ឆ្នាំ ២០២៤ ក្នុងជន្មាយុ ៧២ ឆ្នាំ ដោយរោគាពាធ។

លោកនាយឧត្ដមសេនីយ៍ ឃឹម ប៊ុនសុង បានបន្តទៀតថា មរណភាពរបស់ លោកនាយឧត្ដមសេនីយ៍ ឈិន ចាន់ពណ៌ គឺជាការបាត់បង់ បងប្រុស ឪពុក ជីតា ប្រកបដោយព្រហ្មវិហារធម៌ដ៏ឧត្តុង្គឧត្ដមចំពោះក្រុមគ្រួសារ ហើយក៏ជានាយទាហានមួយរូប ដែលពេញមួយជីវិត បានលះបង់ បូជាសាច់ស្រស់ ឈាមស្រស់ ដើម្បីបុព្វហេតុការពារជាតិ សាសនា ព្រះមហាក្សត្រ ព្រមទាំងចូលរួមការពារសន្តិភាព អភិវឌ្ឍន៍សង្គម សេដ្ឋកិច្ចជាតិ រហូតដល់ថ្ងៃមរណភាព ដែលជាការលាគ្នាដ៏សែនក្រៀមក្រំ គ្មានថ្ងៃជួបវិញ។

ជាមួយនេះ លោកនាយឧត្ដមសេនីយ៍ ឃឹម ប៊ុនសុង សូមបួងសួងដល់គុណព្រះរតនត្រ័យ និងវត្ថុស័ក្ដិសិទ្ធិទាំងឡាយក្នុងលោក សូមជួយទ្រទ្រង់ដួងវិញ្ញាណក្ខន្ធ លោកនាយឧត្ដមសេនីយ៍ ឈិន ច័ន្ទពណ៌ បានចាប់បដិសន្ធិក្នុងសុគតិភព កុំបី ឃ្លៀងឃ្លាតឡើយ៕

Related Topics:មរណភាព