ព័ត៌មានជាតិ
២០២៤ ក្រសួងការងារ ជួយស្វែងរកការងារជូនយុវជនបានជិត ១ ម៉ឺននាក់ កើនជាងឆ្នាំមុន
នៅក្នុងឆ្នាំ ២០២៤ ក្រសួងការងារ និងបណ្ដុះបណ្ដាលវិជ្ជាជីវៈ បានស្វែងរកការងារធ្វើជូនយុវជនប្រមាណជិត ១ ម៉ឺននាក់ មានការកើនឡើង បើធៀបទៅនឹងឆ្នាំ ២០២៣ ដែលមានយុវជនមានការងារធ្វើតែជាង ៦ ៥០០ នាក់ ប៉ុណ្ណោះ។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងនៅព្រឹកថ្ងៃទី ០៦ មករា នេះថា ឆ្នាំ ២០២៤ អ្នកចុះឈ្មោះស្វែងរកការងារចំនួន ៥០ ៤៩៤ នាក់ ប្រមូលព័ត៌មានជ្រើសរើសកម្លាំងពលកម្មចំនួន ៣៨៦ ៧៦០ កន្លែង បានផ្គូផ្គង និងបញ្ជូនអ្នកស្វែងរកការងារទៅនិយោជកចំនួន ៩៤ ៩០០ ដង អ្នកទទួលបានការងារធ្វើចំនួន ៩ ៧៨៨ នាក់ និងទទួលបានកន្លែងកម្មសិក្សាការងារ ១ ៥៧៧ នាក់ អ្នកស្វែងរកការងារទទួលបានប្រឹក្សាយោបល់អំពីអាជីពការងារ និងវិជ្ជាជីវៈចំនួន ១៨ ៨៨៥ នាក់ រៀបចំវេទិកាការងារបាន ៦៦ លើក ដែលមានមនុស្សចូលរួម ១០ ២២៤ នាក់ រៀបចំពិព័រណ៍ថ្នាក់ជាតិ និងខេត្តបានចំនួន ០៣ ដង ដែលមានអ្នកចូលរួម ៤៧ ៩៨១ នាក់។ អ្នកចូលប្រើប្រាស់គេហទំព័រការងារចំនួន ៣ ៧៥៦ ០៨៨ លើក អ្នកទទួលព័ត៌មានតាមរយៈទំព័រហ្វេសប៊ុកចំនួន ៤៦៣ ០៧៤ នាក់ និងអ្នកប្រើប្រាស់សេវាតាមរយៈកម្មវិធីស្វែងរកការងារលើទូរស័ព្ទឆ្លាតវៃចំនួន ១៦ ៨២៧ នាក់។
២០២៣ កន្លងទៅ ថ្មីៗ នេះ អ្នកចុះឈ្មោះស្វែងរកការងារចំនួន ៣០ ៨៩៧ នាក់ កើនឡើងជាងឆ្នាំ ២០២២ ដែលមានចំនួន ១៨ ២៧៨ នាក់។ ក្នុងនោះ ក្រសួងបានផ្គូផ្គង និងបញ្ជូនអ្នកស្វែងរកការងារទៅនិយោជកចំនួន ២៩ ៥៩០ នាក់ នៅឆ្នាំ ២០២៣ ថយចុះជាងឆ្នាំ ២០២២ ដែលបានបញ្ជូនរហូតដល់ទៅ ៣០ ៤៨០ នាក់។
លោក កត្តា អ៊ន បានបន្តទៀតថា តួលេខនេះបើធៀបទៅនឹងឆ្នាំ ២០២៣ កន្លងទៅឃើញថា មានការកើនឡើង ខណៈឆ្នាំ ២០២៣ ក្រសួងបានស្វែងរកការងារធ្វើជូនយុវជនបានចំនួន ៦ ៥៤៧ នាក់ កើនឡើងជាងឆ្នាំ ២០២២ ដែលមានត្រឹមតែ ៣ ២០៧ នាក់ ប៉ុណ្ណោះ។
គួរបញ្ជាក់ថា ក្នុងគោលបំណងឆ្លើយតបតម្រូវការការងារ ក៏ដូចជាផ្តល់នូវដំណោះស្រាយបញ្ហាទីផ្សារការងារ រាជរដ្ឋាភិបាលកម្ពុជា បានបង្កើតទីភ្នាក់ងារជាតិមុខរបរ និងការងារ (NEA) ដើម្បីផ្តល់សេវាការងារ និងព័ត៌មានទីផ្សារការងារជាសាធារណៈនៅមួយកន្លែង និងងាយស្រួលតាមរយៈប្រព័ន្ធផ្សព្វផ្សាយនានា ដូចជា តាមរយៈគេហទំព័រ, ហ្វេសប៊ុក , តេឡេក្រាម និងនៅតាមមជ្ឈមណ្ឌលការងារនៅរាជធានី-ខេត្ត និងរថយន្តចល័ត៕
អត្ថបទ ៖ សំអឿន
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS