ព័ត៌មានជាតិ

ថ្ងៃនេះ ខណ្ឌឫស្សីកែវ រកឃើញអ្នកឆ្លងជំងឺកូវីដ១៩ រហូតដល់២៩នាក់

បានផុស

៤ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

ក្រសួងសុខាភិបាល បានប្រកាសថានៅថ្ងៃនេះ គ្រាន់តែខណ្ឌឫស្សីកែវមួយ រកឃើញអ្នកឆ្លងជំងឺកូវីដ១៩ចំនួន២៩នាក់ ក្នុងចំណោមអ្នកឆ្លងសរុបចំនួន៥០នាក់ នៅរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរបាយការណ៍របស់រដ្ឋបាលសូមបញ្ជាក់ថា បើគិតត្រឹមវេលាម៉ោង២០ និង៥៣នាទីយប់ថ្ងៃទី២៤ ខែមីនា ឆ្នាំ២០២១នេះ អ្នកវិជ្ជមានជំងឺកូវីដ១៩ នៅក្នុងខណ្ឌឫស្សីកែវ សរុបចំនួន ៥៣ នាក់ និងមានអ្នកធ្វើចត្តាឡីស័កសរុបចំនួន ៥៨៣ នាក់នៅតាមទីតាំងចត្តាឡីស័កសរុបចំនួន ៣០កន្លែងនិងទីតាំង ០៦ កន្លែង បានបញ្ចប់វិធានការចត្តាឡីស័ក និងបានបើកដំណើរការឡើងវិញ។

ក្រសួងបានបន្តថា ថ្ងៃនេះក្រសួងរកឃើញមានអ្នកឆ្លងសរុបចំនួន៥៥នាក់ ក្នុងនោះនៅរាជធានីភ្នំពេញចំនួន៥០ ខេត្តកណ្តាល១នាក់ សៀមរាប១នាក់ ត្បូងឃ្មុំ១នាក់ កំពង់ធំ១នាក់និងខេត្តព្រះសីហនុ១នាក់។ គួរបញ្ជាក់ថាគិតត្រឹមព្រឹកថ្ងៃទី២៥ ខែមីនា ឆ្នាំ២០២១នេះ កម្ពុជាមានឆ្លងជំងឺកូវីដ១៩សរុបចំនួន១៨៧២នាក់ អ្នកជាសះស្បើយចំនួន១០៥៦នាក់និងអ្នកកំពុងសម្រាកព្យាបាលនៅមន្ទីរពេទ្យចំនួន៨០៩នាក់ ព្រមទាំងអ្នកស្លាប់ចំនួន៧នាក់៕

អត្ថបទ៖ សំអឿន

សូមចុចអាន៖ ភ្នំពេញប្រកាសអាសន្ន តែមួយថ្ងៃ ផ្ទុះអ្នកឆ្លងកូវីដ ៥០ នាក់ទៅហើយ